«Reuters»–ի փոխանցմամբ՝ այսօր Աֆղանստանի Բահրամի ամերիկյան ավիաբազայի մոտ տեղի ունեցած ահաբեկչության հետևանքով մահացել է 5 մարդ, 6–ը՝ վիրավորվել։

Մահապարտ–ահաբեկիչը մոտոցիկլով ընթացել է ամերիկացիներից ու աֆղաններից բաղկացած պահակախմբի ուղղությամբ և գործի դրել իր վրայի ռումբը։

Կատարվածի պատասխանատվությունն արդեն ստանձնել է «Թալիբան» խմբավորումը։

«kp.ru»–ի տեղեկացմամբ՝ վերջերս ԱՄՆ նախագահ Բարաք Օբաման գաղտնի հրամանագիր էր ստորագրել, որով երկարացվում է Աֆղանստանում ԱՄՆ ռազմական առաքելությունը։ Ըստ այդմ՝ թույլատրվում է օդ բարձրացնել ամերիկյան կործանիչներ, ռմբակոծիչներ ու անօդաչուներ աֆղան զինծառայողներին աջակցելու համար։ Մինչ այդ Օբաման վստահեցնում էր, որ Աֆղանստանում մնացած ամերիկյան զինվորականների նպատակը միայն «Ալ–Քաիդայի» զինյալների դեմ պայքարն է։

7or.am