Աշխարհ

22.12.2015 12:19


Պանամայի դատարանը թույլատրել է ձերբակալել երկրի մուլտիմիլիոնատեր նախկին նախագահին

Պանամայի դատարանը թույլատրել է ձերբակալել երկրի մուլտիմիլիոնատեր նախկին նախագահին

Պանամայի Գերագույն դատարանը թույլատրել է ձերբակալել այդ երկրի նախկին նախագահ Ռիկարդո Մարտինելիին։ Այս մասին հայտնում է «Reuters»–ը։

Մարտինելին նախագահի պաշտոնը զբաղեցրել է 2009–2014թթ.։ Նաև մուլտիմիլիոնատեր է և «Super 99» խանութների ցանցի սեփականատերը։

Այս տարվա հունվարին նա հեռացել է երկրից և, ենթադրաբար, գտնվում է Մայամիում։

Կասկածներ կան, որ նրա նախագահության տարիներին ավելի քան 150 մարդ է գտնվել վերահսկողության տակ, ինչը նախագահն իրականացրել է պետական միջոցների հաշվին։

Մարտինելին նաև կասկածվում է կոռուպցիոն մի շարք գործերում մասնակցություն ունենալու մեջ։

7or.am

Այս խորագրի վերջին նյութերը