«Sony» ընկերությունը նոր տեսակի բջջային ուժակուտակիչներ է ստեղծում, որոնց տարողությունը 40%–ով կգերազանցի դրանց լիթիում–իոնային նմանակների ծավալը, որոնք օգտագործվում են ներկա սմարթֆոններում ու պլանշեթներում։

Իհարկե, ինչպես հայտնում է «Nikkei Technology»–ն, եթե որոշվի նոր տեխնոլոգիան շուկա հանել, ապա դա տեղի կունենա 2020–ից ոչ շուտ։

«Sony»–ի նոր մարտկոցների կարևորագույն բաղադրատարրը ծծմբի հիմքով էլեկտրոդն է։ Հայտնի է, որ լիթիում–ծծմբային ուժակուտակիչները (Li-S) գերազանցում են լիթիում–իոնայիններին բոլոր առումներով. դրանց ինքնարժեքը բավական ցածր է, փոխարենը՝ տարողությունն է կրկնակի ավելի։

«Li-S»–ի միակ թերությունը կարճատև «ծառայությունն է»։ Սակայն «Sony»–ն, ինչպես երևում է, ինչ–որ կերպ լուծել է այդ խնդիրը։

7or.am