Աբխազիայում արգելել են աբորտները։ Ինչպես «Ինտերֆաքսին» հայտնել է պատգամավոր Սաիդ Հարազիան, երկրի Սահմանադրութան մեջ համապատասխան փոփոխությունը խորհրդարանը հաստատել է երկրորդ ընթերցմամբ։

«Երեխաները ցանկացած երկրի պատվարն ու ապագան են, երեխան մարդկային ցեղի շարունակությունն է, հետևաբար նաև՝ աբխազ ցեղի։ Համաձայն Սահմանադրության՝ աբխազական հանրապետությունը երաշխավորում է մարդու իրավունքների պահպանումը նրա ծննդյան օրից»,–ասել է պատգամավորը՝ հավելելով, որ հղիության արհեստական ընդհատումն այսուհետև քրեական պատիժ կնախատեսի։

Ընդունված շտկումն անթույլարելի է համարում աբորտը նաև այն դեպքում, երբ հղիությունը սպառնում է մոր առողջությանն ու կյանքին։