«Ագրարագյուղացիական միավորում» ՀԿ նախագահ Հրաչ Բերբերյանն այսօր հրավիրված ասուլիսում կարծիք է հայտնել, որ հունվարին կարտոֆիլի գինը կբարձրանա, քանի որ այս տարի բերքը քիչ է եղել:

Միաժամանակ, նա նշել է, որ ռուսական շուկան գրավելու համար պետք է ավելացնել վաղահաս կարտոֆիլի ցանքատարածքները։ Բերբերյանի խոսքով՝ այդ շուկայի համար այսօր պայքարում են Իրանը, Ադրբեջանը և Միջինասիական երկրները:

–Բանջարաբուծությունը լավ վիճակում չէ։ 65 օր երաշտ եղավ, և ոչ ոք դրա մասին չխոսեց: Այն, որ այսօր բերք ունենք, մեր գյուղացու աշխատանքի շնորհիվ է,–ասել է նա,–լոլիկի գինն էլ այս տարի 300 դրամից չիջավ։ Եթե Կառավարությունը գործ աներ ու ցեցի դեմ պայքարեր, ապա լոլիկ կարտահանեինք, բայց առկա խնդիրը ոչ մեկը չի լուծում:

7or.am