Ադրբեջանում բողոքի գործողություններ են սկսվել մթերքների թանկացման դեմ։ Լենքորանի շրջանում մարդիկ դուրս են եկել փողոց և բողոքում են գների աճից։

«Ենի Մուսավաթ» թերթը հայտնում է, որ Լիման քաղաքի բնակիչները փակել են Բաքու–Ասթարա մայրուղին:

Մանաթի արժեզրկման պատճառով Ադրբեջանում բազմաթիվ խանութներ են փակվել, իսկ այսօր աշխատանքը դադարեցրել են արտարժույթի փոխանակման բոլոր կետերը։

Սև շուկայում ԱՄՆ 1 մեկ դոլարի գինը դարձել է 2 մանաթ: Այս մասին հայտնում է «fins.az» կայքը։

Նվազել է նաև նավթի գինը։ 2016թ. պետբյուջեում նավթի գինը մեկ բարելի համար սահմանված է 50 դոլար, բայց այժմ արդեն դրա գինը նախատեսվածից մոտ 18 դոլարով ցածր է:

7or.am