Մեքսիկացի նարկոբարոն Խոաքին Գուսմանի վերջին փախուստը շարունակում է նոր մանրամասներ ի հայտ բերել։ Գաճաճը ծրագրում էր 868 մլն դոլարով ձեռք բերել անգլիական ֆուտբոլային ակումբ «Chelsea»–ն։

ԶԼՄ–ի տվյալներով՝ մեքսիկական ոստիկանությունն այդ տեղեկատվությունը ստացել է Գուսմանի մերձավոր շրջապատի հետ անցկացրած հարցման միջոցով։ Այս մասին գրում է «РИА Новости»–ն։

Գուսմանի կարողությունը «Forbes»–ը 1 մլրդ դոլար է գնահատել։ Այսինքն, նարկոբարոնը կարող էր իրեն թույլ տալ գնել ոչ միայն «Chelsea»–ն, այլև «Manchester City»–ն (863 մլն դոլարով), «Milan»–ը (856 մլն դոլարով) կամ «Juventus»–ը (850 մլն դոլարով)։

Ավելի վաղ էլ հաղորդվել էր, որ Գաճաճը մտադիր էր սեփական բրենդը ստեղծել և իր մասին կենսագրական ֆիլմ նկարահանել։

7or.am