«Թող ոչ ոք չկասկածի և սպառնալիք չընդունի՝ ես մտադիր եմ վերադառնալ Վրաստան և ակտիվորեն միանալ գործընթացներին»,– RT-ի փոխանցմամբ՝ ուկրաինական հեռուստաընկերության եթերում ասել է Սահակաշվիլին։

Նրա խոսքով՝ հաջորդող ամիսները կտրամադրվեն Վրաստանում նոր քաղաքական էլիտայի ձևավորմանը, «որը կհարստանա նոր հետաքրքիր մարդկանցով»։

Աղբյուրը հիշեցնում է՝ 2015թ. դեկտեմբերին Վրաստանի նախագահ Գեորգի Մարգվելաշվիլիի հրամանագրով Սահակաշվիլին զրկվել է Վրաստանի քաղաքացիությունից։

Վրաստանում Սահակաշվիլին հետախուզման մեջ է հայտարարված մի շարք քրեական գործերով, մասնավորապես, լիազորությունների չարաշահման, սեփական կարիքների համար պետական միջոցներից 5 մլն դոլար ծախսելու։ Ավելին՝ ըստ վրացական դատախազության՝ նա կարող է մեղսակից լինել նաև վարչապետ Զուրաբ Ժվանիայի սպանությանը։

7or.am