Ավետիսյանների սպանության գործով քաղհայց ներկայացվեց ընդդեմ Ռուսաստանի
Գյումրիում տեղակայված ռուսական 102-րդ ռազմաբազայի տարածքում շարունակվում է Ավետիսյանների սպանության գործով դատը։ «Ազատության» փոխանցմամբ՝ այսօրվա դատական նիստի ժամանակ տուժողների իրավահաջորդների ներկայացուցիչները քաղհայց են ներկայացրել ընդդեմ Ռուսաստանի:
Հայցով նրանք պահանջում են Ավետիսյանների ընտանիքի սպանված հինգ մեծահասակ անդամների համար որպես բարոյական վնասի փոխհատուցում վճարել 50-հազարական, երկու երեխաների համար՝ 100-հազարական եվրո:
Շիրակի մարզի ընդհանուր իրավասության դատարանը ընդունեց քաղհայցն ու որոշեց այն թարգմանել և ուղարկել Ռուսաստանի Դաշնության համապատասխան կառույցներին: Ակնկալվում է, որ պատասխանը կհրապարակվի մոտ մեկ ամսից՝ գործով հաջորդ դատական նիստին:
Ավելի վաղ «Ազատությունը» գրել էր, որ դատարանն այսօր լսելու է ռուսական ռազմաբազայի ծառայող Աշոտ Կարապետյանին, ում անունը հիշատակված է ռազմաբազայի մի քանի զինվորների նախաքննական ցուցմունքներում։ Անցյալ դատական նիստին տուժողի իրավահաջորդի ներկայացուցիչ, փաստաբան Միհրան Պողոսյանը Աշոտ Կարապետյանին հարցաքննելու միջնորդություն ներկայացրեց։
Ավետիսյանների սպանության գործով քաղհայց ներկայացվեց ընդդեմ Ռուսաստանի
Գյումրիում տեղակայված ռուսական 102-րդ ռազմաբազայի տարածքում շարունակվում է Ավետիսյանների սպանության գործով դատը։ «Ազատության» փոխանցմամբ՝ այսօրվա դատական նիստի ժամանակ տուժողների իրավահաջորդների ներկայացուցիչները քաղհայց են ներկայացրել ընդդեմ Ռուսաստանի:
Հայցով նրանք պահանջում են Ավետիսյանների ընտանիքի սպանված հինգ մեծահասակ անդամների համար որպես բարոյական վնասի փոխհատուցում վճարել 50-հազարական, երկու երեխաների համար՝ 100-հազարական եվրո:
Շիրակի մարզի ընդհանուր իրավասության դատարանը ընդունեց քաղհայցն ու որոշեց այն թարգմանել և ուղարկել Ռուսաստանի Դաշնության համապատասխան կառույցներին: Ակնկալվում է, որ պատասխանը կհրապարակվի մոտ մեկ ամսից՝ գործով հաջորդ դատական նիստին:
Ավելի վաղ «Ազատությունը» գրել էր, որ դատարանն այսօր լսելու է ռուսական ռազմաբազայի ծառայող Աշոտ Կարապետյանին, ում անունը հիշատակված է ռազմաբազայի մի քանի զինվորների նախաքննական ցուցմունքներում։ Անցյալ դատական նիստին տուժողի իրավահաջորդի ներկայացուցիչ, փաստաբան Միհրան Պողոսյանը Աշոտ Կարապետյանին հարցաքննելու միջնորդություն ներկայացրեց։