Գերմանիայի կանցլեր Անգելա Մերկելին քննդատությունների նոր ալիք է սպասվում նրա միգրացիոն քաղաքականության համար Գերմանիայի տարածքում տեղի ունեցած գրոհների շարքից հետո։ Այս մասին գրում է «Daily Mail»–ը։

Նախօրեին մաչետեով զինված սիրիացի փախստականը գերմանական Ռոյթլինգենում հարձակում էր իրականացրել, որի հետևանքով հղի կին էր մահացել, 5 մարդ էլ՝ վիրավորվել։

Դրանից մի քանի օր առաջ էլ Մյունխենում 18-ամյա իրանցի Ալի Դավիա Սոնբոլին կրակ էր բացել և սպանել 9 մարդու։ Դրանից առաջ էլ 17-ամյա աֆղանցին Բավարիայի գնացքում կացնով հարձակվել էր ուղևորների վրա։

Այսպես, աջականների «Այլընտրանք Գերմանիայի համար» կուսակցությունն արդեն իսկ կատարվածի համար Մերկելին է մեղադրել, որի քաղաքականությունը չափից շատ երիտասարդ ծայրահեղական մահմեդականների է բերել Գերմանիա։

Ավելի վաղ էլ հայտնի էր դարձել, որ Անսբախում պայթուցիկ է գործի դրվել, որի հետևանքով տուժածների թիվը հասել է 12–ի։

7or.am