Երբ Հանրապետականները հոշոտում են ընկնողին

Հովիկ Աբրահամյանի հրաժարականից հետո ՀՀԿ-ական ոհմակի մի շարք ներկայացուցիչներն սկսել են հարձակվել նրա վրա՝ ասելով, թե բա՝ գիտեք՝ կադրային փոփոխություն է պետք, որպեսզի վստահության դեֆիցիտը վերականգնվի: Վստահության դեֆիցիտի վերականգնման միակ գրավականն այն կինի, եթե Սերժ Սարգսյանը հրաժարական տա, դա արդեն քննարկման ենթակա չէ: Եվ եթե Սերժ Սարգսյանը կարծում է՝ վարչապետին փոխելով, մարդիկ նրան կվստահեն (առջևում ընտրություններն են), ապա պետք է ասեմ՝ իջեք ամպերից:

Այս քայլով ևս մեկ անգամ Սերժ Սարգսյանն ապացուցում է, որ ինքը ոչ թե հասարակության վստահությունն է ակնկալում, այլ իր աձնական շահերն է առաջ տանում, քանի որ ինքն ինձանից լավ գիտի, որ հասարակության պահանջը վարչապետներ փոխելը չէ, այլ նրա շուտափույթ հրաժարականն է:

Հենց Սերժ Սարգսյանի վարած քաղաքականության շնորհիվ է, որ հասարակությունը կորցրել է վստահությունը բոլորի նկատմամբ:

Հիմա ինձ այլ հարց էլ է հետաքրքրում՝ եթե հրաշք լինի, ու Սերժ Սարգսյանը հրաժարական տա, ՀՀԿ-ական դուխով տղերքն էլի կքննադատե՞ն նրան, ինչպես անում են Հովիկի դեպքում: Եթե հաշվի առնենք, որ այս կուսակցությունում Սերժ Ազատիչն իսկական գայլերի հավաքագրել, որտեղ հոշոտում են նրան, ով հայտնվում է բուրգի ներքևում, ապա Սերժ Ազատիչին ուղղակի ատամները սրած կքրքրեն, եթե նա հանկարծ հրաժարական տա:

Վահան Սարգիսյանի ֆեյսբուքյան էջից