Սանկտ Պետերբուրգում մեկնարկում է ԱՊՀ անդամ երկրների զինված ուժերի շտաբների պետերի կոմիտեի նիստը, որի նախագահ է նշանակվել ՌԴ ԶՈւ գլխավոր շտաբի պետ, բանակի գեներալ Վալերի Գերասիմովը։ Այս մասին հայտնում է ՌԴ ՊՆ մամուլի ծառայությունը։

Գերատեսչությունում նշել են, որ համագործակցության ութ երկրների (Ռուսաստան, Հայաստան, Ադրբեջան, Բելառուս, Ղազախստան, Ղրղզստան, Տաջիկստան և Թուրքմենստան) պատվիրակությունների ղեկավարները քննարկելու են փոխգործակցության հարցերը ռազմական ոլորտում, ինչպես նաև ամփոփելու են 2016թ. բազմակողմ ռազմական համագործակցության արդյունքները և համաձայնեցնելու են հաջորդ տարում զինված ուժերի համատեղ միջոցառումները։

Մասնավորապես, ուշադրություն է դարձվելու ԱՊՀ երկրների զինված ուժերի կապի համակարգի, ռազմական նշանակության միասնական տեղեկատվական համակարգի կատարելագործմանն ու զարգացմանը, ինչպես նաև Համագործակցության շրջանակներում հումանիտար ականազերծման համատեղ ինժեներային ստորաբաժանման ստեղծման հարցերին։

7or.am