Լեռնային Ղարաբաղի ՆԳ փոխնախարարի ծնողները տուժել են Հյուսիսային Օսիայում՝ Բեսլանի մոտ այսօր գիշեր տեղի ունեցած ավտովթարից: Այս մասին ТАСС–ին է փոխանցել Հյուսիսային Օսիայի Աջափնյա շրջանի ղեկավարի տեղակալ Վալերի Կառլովը:

«ԼՂՀ ՆԳ փոխնախարարի մայրը գտնվում է Վլադիկավկազի կլինիկական հիվանդանոցում, ստացել է թեթև վնասվածքներ։ Հայրը գտնվում է Բեսլանի մշակութային կենտրոնի տարածքում ստեղծված ժամանակավոր կացության վայրում»,–ասել է Կառլովը։

ТАСС–ը նաև նշում է, որ այս պահին որոշվում է երկրորդ ժամանակավոր կացության կայանի բացման հարցը, որն, ամենայն հավանականությամբ, գտնվելու է թիվ 8 ՊՏՈՒ-ում:

7or.am