«Իսլամական պետության» ահաբեկիչներն իրաքյան Մոսուլից քիչ հեռու 284 տղամարդու և տղա երեխաների են մահապաժի ենթարկել։ CNN–ի տվյալներով՝ տեղաբնակների հետ հաշվեհարդար տեսնելը 2 օր է տևել՝ հոկտեմբերի 20–21–ին։ Դրանից հետո բոլոր սպանվածներին մի ընդհանուր տեղ են թաղել։

Հիշեցնենք՝ հոկտեմբերի 17–ին իրաքյան ուժերն սկսել են ԻԼԻՊ–ից Մոսուլի ազատագրման գործողությունը։

Դրանից հետո ՄԱԿ–ը հաղորդել է իսլամականների կողմից ավելի քան 550 ընտանիքի առևանգման մասին՝ նրանց որպես կենդանի վահան օգտագործելու նպատակով։ Այս մասին հայտնում է ТАСС–ը։

Գերմանիայի իշխանությունները խոստացել են 34 մլն հատկացնել իրաքյան Մոսուլի փախստականներին աջակցելու համար։

7or.am