Հարցազրույց

Նոյեմբեր 04, 2016 15:15

Երվանդ Բոզոյան. «Արագաչափերի մասով տուգանքները պետք է պակասեցնել ուղիղ 50 տոկոսով»

Երվանդ Բոզոյան. «Արագաչափերի մասով տուգանքները պետք է պակասեցնել ուղիղ 50 տոկոսով»

Հարցազրույց քաղաքագետ, ՀԱՄԱԽՄԲՈՒՄ կուսակցության վարչության անդամ Երվանդ Բոզոյանի հետ

-Վերջերս Սերժ Սարգսյանը խորհրդակցություն անցկացրեց, որտեղ որոշում կայացվեց կարմիր գծերի, արագաչափերի և տեսախցիկների վերաբերյալ հասարակությանը հուզող կարևորագույն խնդիրներից մեկի վերաբերյալ՝ ֆինանսական հոսքերն ուղղել միայն պետական կամ համայնքային բյուջե։ Այսինքն, մասնավոր ընկերություններն այլևս օդից փող աշխատելու հնարավորություն չեն ունենա: Ինչպե՞ս եք գնահատում այս որոշումը:

-Անշուշտ, այս որոշումը դրական կարելի է գնահատել: Սակայն կարծում եմ, որ այն մասամբ է բավարարում հասարակության պահանջը:

՞նչ նկատի ունեք:

-Տվյալ որոշման համաձայն՝ այս ծառայությունների և տուգանքների ֆինանսական հոսքերի ուղղություններն են փոխվում, սակայն դրանց դրույքաչափերը՝ ոչ: Մինչդեռ մարդիկ պահանջում էին ոչ միայն հոսքերն ուղղել դեպի պետբյուջե, այլև զգալիորեն վերանայել այդ ծառայությունների և տուգանքների դրույքաչափերը:

-Դուք, օրինակ, ի՞նչ առաջարկ կներկայացնեք։

-Իմ կարծիքով արագաչափերի մասով տուգանքները պետք է պակասեցնել ուղիղ 50 տոկոսով: Դրանից չի տուժի պետությունը, սակայն կշահեն քաղաքացիները, վարորդները: Ընդ որում, եթե հաշվի առնենք, որ ողջ ֆինանսական հոսքերը ուղղվում են միայն պետական բյուջե, և մասնավորին մասնաբաժին չի լինի, ապա կնշանակի, որ այս կրճատումից պետությունը չի տուժի: Ինչ վերաբերում է կարմիր գծերին, ապա հիշեցնենք, որ տարեկան 12 000–դրամանոց դրույքաչափից ընդամենը 3600 դրամն էր ստանում քաղաքապետարանը, մնացած 8 400 դրամը գնում էր մասնավորի գրպանը: Ես առաջարկում եմ, որ 3 600 դրամը դարձնեն պետտուրք բոլոր այն մեքենաների համար, որոնք գրանցված են Երևան քաղաքում: Արդյունքում կշահեն և՛ քաղաքացին, և՛ քաղաքապետարանը: Քաղաքացին տարեկան կվճարի ընդամենը 3600 դրամ, իսկ քաղաքապետարանը կստանա կայուն եկամուտ, քանզի պարտադիր պետտուրքի պարագայում այդ եկամուտները զգալիորեն կմեծանան:

–Իսկ մտավախություն չունե՞ք, որ կասեն՝ սուղ պետական միջոցների պարագայում նման առաջարկը ճիշտ չէ:

–Կարծում եմ, որ նման հարցադրում բարոյաէթիկական տեսակետից չի արվի, քանզի տարիներ շարունակ սուղ պետական միջոցների պայմաններում հնարավորություն է տրվել միլիարդավոր գումարներ հավաքագրել կողմնակի անձանց համար: Եվ, այդ իմաստով, նման հարցադրում անելը կլիներ ուղղակի փարիսեցիություն: Ավելին՝ արագաչափերն ու կարմիր գծերն այն ոլորտները չեն, որ դրանով պետք է բյուջեն հարստանա: Վայ այն երկրին, որն իր զարգացման հույսը դրել է նմանատիպ տուգանքների կամ ծառայությունների վրա:

–Կարելի՞ է ասել, որ այս վերջին որոշման մեջ երևաց պետբյուջեն համալրելու քայլը, սակայն մոռացվեց շարքային վարորդը:

–Կարծում եմ՝ այդպես կարելի է բնորոշել: Նորից եմ ուզում կրկնել, որ այս որոշումները ողջունելի են, սակայն, իմ կարծիքով, կիսատ: Քանզի ցանկացած որոշման մեջ պետք է երևա ոչ միայն պետության, այլև քաղաքացու շահը:

–Ի՞նչ եք կարծում՝ այս որոշումը կապված չէ՞ր գալիք ընտրությունների հետ: Շատերը համոզված են, որ իշխանությունն սկսել է իր նախընտրական PR- ը:

–Իհարկե, Ձեր ասածը կա։ Սակայն եթե այդ քայլից շահում են քաղաքացիները, ապա ես այդտեղ բան չեմ տեսնում:

–Այս շարքում չէ՞ նաև գազի գնի իջեցման որոշումը:

–Անշուշտ, այստեղ էլ նման բան կա։ Սակայն, կրկնեմ, եթե դրանից շահում է հասարակ քաղաքացին, շահում է հասարակությունը, ապա այս ամենի մեջ ես ոչ մի վատ բան չեմ տեսնում:

–Բայց նախկինում էլ կային ընտրություններ: Նկատի ունեմ և՛ 2012թ. խորհրդարանական ընտրությունները, և՛ 2013թ. նախագահական ընտրությունները։ Այն ժամանակ էլ այս հարցերը բավականին սուր էին դրվում հանրության կողմից: Ինչո՞ւ իշխանությունն այն ժամանակ չէր արձագանքում, իսկ հիմա արձագանքում է:

–Այն ժամանակ իշխանությունն ավելի ինքնավստահ էր զգում, քան այսօր. ապրիլյան պատերազմը և ՊՊԾ գնդի հայտնի պատմություններն էական ազդեցություն են թողել գործող իշխանության վրա: Վերջինը հասկացավ, որ նա կարող է կորցնել իր դիրքերը նաև ոչ ընտրական պրոցեսների արդյունքում: Բացի այդ, վերջին ՏԻՄ ընտրությունները ցույց տվեցին, որ իշխանության տարատեսակ ռեսուրսները չեն գերազանցում 35–40 տոկոսը: Ես այս ամենի մեջ ներառում եմ նաև բոլոր տիպի գործոնները, որոնց միջոցով իշխանությունը փորձում է պահպանել իր դիրքերը: Ահա թե ինչու, հաշվի առնելով այս հանգամանքը, իշխանությունը փորձում է քիչ թե շատ մարդկային դեմք ստանալ:

–Դրանո՞վ էր պայմանավորված նաև վարչապետի փոփոխությունը:

–Մեծ հաշվով, այո՛: Թեև այստեղ կային նաև այլ կարևոր գործոններ ևս: Բայց կարևորն այստեղ այն է, որ նոր վարչապետի միջոցով խնդիր է դրվել փոխել ոչ միայն իրենց քաղաքականության արտաքին ձևը, այլև նույնիսկ բովանդակությունը, ինչը, անուշտ, ուրախալի է: Քանզի առաջին անգամ է դրվում այն հարցադրումը, որ առանց հասարակության մեջ վստահության մթնոլորտի վերականգնման՝ լուրջ քաղաքականություն իրականացնել այլևս հնարավոր չէ: Առաջին անգամ է, որ Կառավարության ծրագրում նշվում է՝ գաղափարական գլխավոր ուղենիշը պետք է լինի արտահանման ոլորտների խրախուսումը: Առաջին անգամ է, որ խոստովանվում է՝ առանց պետության ակտիվ միջամտության՝ ներդրումային մթնոլորտը երկրում հնարավոր չէ խրախուսել: Բերեմ ընդամենը մեկ օրինակ՝ անցած 2015 թվականի ընթացքում Հայաստանի արտաքին ներդրումները չեն գերազանցել 200 մլն դոլարը: Մինչդեռ հարևան Վրաստանում նույն ժամանակահատվածում արտաքին ներդրումները հասել են մինչև 3,5 մլրդ դոլարի: Սա արդեն հասարակ թվաբանություն չէ: Սա արդեն սպառնալիքային թվաբանություն է, որից էլ իշխանությունն այլևս հետևություն չի կարող չանել:

–Իսկ ի՞նչ երաշխիք կա, որ գալիք ընտրություններից հետո ամեն ինչ չի վերադառնա ի շրջանս յուր (մի կողմ թողնենք այն հարցը, որ դեռ պարզ չէ, թե ինչպիսի պատկեր կունենանք ապագա ԱԺ–ում):

–Ոչ մի երաշխիք էլ չկա: Դրա համար էլ ես կարծում եմ՝ որպեսզի այս փոփոխություններն անշրջելի լինեն, հասարակությունը պետք է կոնսոլիդացված պրոգրեսիվ բևեռ ստեղծի, որով նա կկարողանա էապես ազդել ներքին կյանքի գործընթացների վրա:

–Կարելի՞ է ասել, որ վարչապետը պրոգրեսիվ գործիչ է:

–Ես երբեք էլ չեմ կարծել, որ իշխանության մեջ հավաքված են միայն սրիկաներ, իսկ ընդդիմության մեջ՝ միայն հրեշտակներ, ամենևին էլ ոչ: Եվ նույն վարչապետն այն վառ օրինակն է, որ ապացուցում է փաստը՝ նորմալ մարդը մնում է նորմալ մարդ: Կապ չունի, թե որտեղ է գործում՝ ընդդիմության մեջ, իշխանության մեջ, թե՞ Հայաստանից դուրս:

–Իսկ ընդդիմությունում հնարավո՞ր է, որ նույնպես ընթանան նման պրոցեսներ:

–Հասարակական օրենքները ֆիզիկայի օրենքներից շատ չեն տարբերվում: Եվ Նյուտոնի 3-րդ օրենքի համաձայն՝ ընդդիմության և իշխանության փոխազդեցությունն իրար վրա նույն սկզբունքով է ընթանում: Եվ ես համոզված եմ, որ ապրիլյան պատերազմն ու ՊՊԾ գնդի հայտնի իրադարձություններն էապես փոխել են նաև նույն իշխանության մեջ առկա մարդկանց մտածողությունն ու տրամաբանությունը:

-Այդ թվում նաև՝ Սերժ Սարգսյանի՞:

-Հուսով եմ, որ այո՛։ Ժամանակը ցույց կտա:

Հարցազրույցը վարեց Նելլի Ավագյանը

Print Friendly and PDF

Այս խորագրի վերջին նյութերը

Հայկ Խանումյան․ «Տարածք հանձնելուց խոսելը բացարձակ հիմարություն է»

Հայկ Խանումյան․ «Տարածք հանձնելուց խոսելը բացարձակ հիմարություն է»

Սեպտեմբեր 20, 2017 09:05 «Եթե Էդվարդ Նալբանդյանի հանձնողական ցանկություններն իրականան, ապա դա Արցախի ամբողջ բնակչությունը կդարձնի խոցելի»:
Արմեն Գրիգորյան․ «Հանրության շրջանում տարածքների հանձնման մասին լրիվ այլ մոտեցում կա»

Արմեն Գրիգորյան․ «Հանրության շրջանում տարածքների հանձնման մասին լրիվ այլ մոտեցում կա»

Սեպտեմբեր 19, 2017 13:30 «Նալբանդյանը Սփյուռքին ևս փորձում է համոզել տարածքներ վերադարձնելու հարցում»:
Ես կյանքում ոչինչ չեմ բացառում․ Գագիկ Ծառուկյանը ՀՀԿ-ի հետ կոալիցիա կազմելու մասին (տեսանյութ)

Ես կյանքում ոչինչ չեմ բացառում․ Գագիկ Ծառուկյանը ՀՀԿ-ի հետ կոալիցիա կազմելու մասին (տեսանյութ)

Սեպտեմբեր 11, 2017 14:19 Վարչապետի թեկնածու առաջադրելու իրավունքը վերապահված է ՀՀԿ-ին։
Բոլորին հայտնի է այն, ինչ հայտնի չէ Ադրբեջանի ԱԳ նախարարին

Բոլորին հայտնի է այն, ինչ հայտնի չէ Ադրբեջանի ԱԳ նախարարին

Սեպտեմբեր 07, 2017 00:00 Առաջին հերթին պետք է հաղթահարվեն խոչընդոտները:
Արթուր Ոսկանյան. «Կոպիտ սխալները վճռեցին խաղի ելքը»

Արթուր Ոսկանյան. «Կոպիտ սխալները վճռեցին խաղի ելքը»

Սեպտեմբեր 06, 2017 15:44 Մեր ֆուտբոլիստները սովոր չեն այպսիսի տեմպով խաղալուն։
Արթուր Պետրոսյան. Արժանի չէինք այսպիսի պարտության

Արթուր Պետրոսյան. Արժանի չէինք այսպիսի պարտության

Սեպտեմբեր 04, 2017 22:58 Անտեղի սխալների պատճառով գոլեր ընդունեցինք։
Հենրիխ Մխիթարյան. Չէինք պլանավորել 10 հոգով խաղալ (տեսանյութ)

Հենրիխ Մխիթարյան. Չէինք պլանավորել 10 հոգով խաղալ (տեսանյութ)

Սեպտեմբեր 02, 2017 11:48 Մինչև վերջ պայքարեցինք։
Արցախի ԱԳՆ․ Մադրիդյան սկզբունքների բառափոխում է

Արցախի ԱԳՆ․ Մադրիդյան սկզբունքների բառափոխում է

Օգոստոս 25, 2017 10:53 Հոգլանդի հնչեցրած տարրերը նորություն չեն։
Էդվարդ Նալբանդյան․ Հոգլանդը թույլ է տվել որոշ անճշտություններ ու բացթողումներ

Էդվարդ Նալբանդյան․ Հոգլանդը թույլ է տվել որոշ անճշտություններ ու բացթողումներ

Օգոստոս 25, 2017 10:45 Բաքուն բացահայտորեն դեմ է դուրս գալիս համանախագահ երկրների մոտեցումներին:
Արթուր Ալեքսանյան. Յուրաքանչյուր տիտղոս ինձ համար առանձնահատուկ է

Արթուր Ալեքսանյան. Յուրաքանչյուր տիտղոս ինձ համար առանձնահատուկ է

Օգոստոս 23, 2017 21:17 Կշարունակի համալրել չեմպիոնական հավաքածուն:
«Զավեշտալի է, երբ ԵԱՏՄ մաքսային տարածքին միանալու մասին խոսում է Թուրքիան»

«Զավեշտալի է, երբ ԵԱՏՄ մաքսային տարածքին միանալու մասին խոսում է Թուրքիան»

Օգոստոս 21, 2017 12:11 Միակողմանի փակել է միակ ցամաքային սահմանը Թուրքիայի և ԵԱՏՄ մաքսային տարածքի միջև:
ԱՀ ԱԳՆ․ « Բաքուն ինքն է ամեն կերպ խոչընդոտում»

ԱՀ ԱԳՆ․ « Բաքուն ինքն է ամեն կերպ խոչընդոտում»

Հուլիս 19, 2017 00:45 Արցախի պետականության և նրա ինստիտուտների ամրապնդման անշրջելիությունը նյարդային արձագանք է հարուցում Ադրբեջանում։
Հենրիխ Մխիթարյան. Մեծ պատիվ է գիտակցել, որ ամբողջ հայ ազգն ինձ հետ է

Հենրիխ Մխիթարյան. Մեծ պատիվ է գիտակցել, որ ամբողջ հայ ազգն ինձ հետ է

Հուլիս 18, 2017 00:25 Պատասխանատվություն է միշտ լավ ելույթ ունենալ։
Ռուբեն Կարապետյան․ «Ադրբեջանի կողմից փորձ է արվում քարոզչական ֆոն ապահովել պատերազմի վերսկսման համար» (տեսանյութ)

Ռուբեն Կարապետյան․ «Ադրբեջանի կողմից փորձ է արվում քարոզչական ֆոն ապահովել պատերազմի վերսկսման համար» (տեսանյութ)

Հուլիս 11, 2017 23:03 Վերջին 5 տարիներին Հայաստանի դիվանագիտական կորպուսում հստակ քաղաքականություն չկա։
Լ. Մնացականյան․ Արցախի բանակը երբևէ նախահարձակի դերում հանդես չի եկել

Լ. Մնացականյան․ Արցախի բանակը երբևէ նախահարձակի դերում հանդես չի եկել

Հուլիս 05, 2017 17:10 Երբևէ չի թիրախավորել խաղաղ բնակավայրերը։