ՀՀ կառավարության այսօրվա նիստում փոփոխություն է կատարվել ՀՀ քրեական օրենսգրքում՝ ապօրինի հարստացման քրեականացման հետ կապված:

Արդարադատության նախարար Արփինե Հովհաննիսյանը հայտնել է, որ եթե հայտարարագիր ներկայացրած բարձրաստիճան պաշտոնատար անձը և նրան փոխկապակցված անձինք ունեցել են գույքի ավելացում կամ պարտավորությունների նվազում, որոնք էականորեն գերազանցում են նրա օրինական եկամուտները, և դա ողջամտորեն չի հիմնավորվում, ապա պետք է պատասխանատվության ենթարկվեն ապօրինի հարստացման համար։

Նրանց կսպառնա ազատազրկում՝ 3-6 տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքի զրկմամբ՝ առավելագույնը երեք տարի ժամկետով և գույքի բռնագրավմամբ։

Նախատեսվել է գերազանցող շեմը սահմանել 5 մլն դրամը. դրանից ավելին կհամարվի ապօրինի հարստացում։

7or.am