Կառավարությունն այսօր մերժեց ԱԺ պատգամավորներ Էլինար Վարդանյանի, Ստեփան Մարգարյանի եւ Վահե Հովհաննիսյանի օրենսդրական նախագիծը, որով առաջարկվում էր կայանատեղիների վճարները չկատարելու դեպքում սահմանված տուգանքը 5000 դրամից իջեցնել 1000 դրամի:

Արդարադատության փոխնախարար Արթուր Հովհաննիսյանը մերժումը բացատրեց նրանով, որ տուգանքի չափը իջեցնելու դեպքում կավելանա խախտումների քանակը.

«Այդ առումով նախագծով առաջարկվող սանկցիայի չափի նվազեցումը կարող է հանգեցնել քննարկման առարկա իրավախախտումների թվի ավելացման, ինչպես նաև կանխարգելիչ և դաստիարակչական գործառույթի բովանդակազրկման: Տուգանքի չափը սահմանելիս անհրաժեշտ է նկատի ունենալ նաև հնարավոր կորուստներն ու վարչարարության իրականացման ծախսերը»:

Աղբյուրը՝ «Zham.am»