Տեղեկատվական տեխնոլոգիաների անվտանգության փորձագետ Սամվել Մարտիրոսյանն այսօր հրավիրված մամուլի ասուլիսում հայտնել է, որ ապրիլին նախանշված խորհրդարանական ընտրություններին ընդառաջ՝ մեծ քանակությամբ ապատեղեկատվություն է ներխուժելու տեղեկատվական դաշտ:

–Ապատեղեկատվություն տարածող կայքեր են հայտնվել, սոցցանցային կեղծ էջեր։ Լրատվական կայք սարքելու համար պետք է երկու ժամ և մի քանի հոգանոց թիմ՝ ապատեղեկատվություն տարածելու համար: Օգտատերերը պետք է գիտակցեն, որ անծանոթ աղբյուրների և կեղծ օգտատերերի տարածած տեղեկատվությանը պետք է վերապահորեն մոտենալ: Նորմալ մամուլը ևս քարոզչական ազդեցության տակ է ընկնելու,-ասել է նա։

7or.am