Մեկնաբանություն

Ապրիլ 21, 2017 08:55

Ազգի, բանակի ու փողի մասին

Ազգի, բանակի ու փողի մասին

Դասալիք բարձրաստիճան պաշտոնյաների, «սովորական» պաշտոնյաների, պատգամավորների և տարբեր տրամաչափի չինովնիկների հայտարարագրերը նայում ես, բոլորը միլիոնատերեր են: Սրանց ամուսնական առագաստը կիսող կանայք էլ գործազուրկ են, բայց էլի միլիոնատեր են:

Հիմա պաշտպանության նախարարը (իրականում՝ Սերժ Սարգսյանը) մի երկու ծրագիր է մշակել ու դրել «քննարկման»: «Ես եմ» ծրագիրը մի քանի անգամ կարդում ես, ոչինչ չես հասկանում: Ոնց որ թե ուզում են «պարտադիր-կամավոր» սկզբունքով զինվորական ծառայությունը դարձնել երեք տարի (երկիրը դատարկվում է, բա ի՞նչ անեն. ԵԼՔ-ը գտել են): Նորակոչիկներին էլ գայթակղելու համար մի խուճուճ առաջարկների փաթեթ են «դեմ տվել»՝ «մի քիչ տունը կմնաք, մի քիչ կծառայեք»...Լավ ա, էլի...Ու էդպես, երեք տարին վռազ կթռնի: Բա վերջո՜ւմ...

Վա՜յ, բա որ իմանաք, թե վերջում ձեզ ինչ «սյուրպրիզ» է սպասվում. ամեն մեկիդ հաշվին 5 միլիոն կփոխանցվի: Համարյա կհավասարվեք էն դասալիք պաշտոնյաներին, դուք էլ կդառնաք միլիոնատեր (ոչինչ, որ նրանք առանց ծառայելու դոլարով միլիոնատերեր են, կարևորը դա չէ, կարևորն այն է, որ «հավասարվելու» եք նրանց, թեկուզ ՀՀ դրամով, ի՞նչ կապ ունի՝ միլիոն է): Բայց էստեղ սկսվում է ամենամազալուն: Ուրեմն, Վիգեն Սարգսյանը (դե, Սերժ Սարգսյանն, էլի) զորակոչվածների հնգական միլիոնները էս գլխից պլանավորել է, թե նրանք դա ինչ նպատակով պետք է ծախսեն:

1. մատչելի բնակարան (սուբսիդավորված հիփոթեքային ծրագիր),

2. մինի ֆերմա (գյուղաբնակ զինծառայողների համար փոքր ջերմոց կամ ֆերմա ստեղծելու կամ փոքր գյուղտեխնիկա ձեռք բերելու ծրագիր),

3. ուսման վարձի փոխհատուցում:

Ուրեմն՝ երեք տարի պետք է ծառայեն, իսկ հետո իրավունք չեն ունենալու իրենց ցանկությամբ տնօրինել այդ «քրչոտ» գումարը, ինչով, հասկանալի է, առաջին երկու կետերն անիրագործելի են համարվելու, երրորդ կետի իրագործումը մի քիչ խելքին մոտ է, եթե իհարկե Քեմբրիջում չեն ցանկանում սովորել:

Հիփոթեքի ծրագիրը «թթվել-մնացել» է, մանր ու միջին բիզնեսը խռխռում է (եթե դեռ չի մեռել), բա էլ ինչպես անեն, որ դրանք կենադնության նշաններ ցույց տան: Պետք է նմանատիպ «փայլուն գաղափարներ» հղանալ ու փորձել կյանքի կոչել: Դասալիք Աշոտյանը մասնավոր դպրոց հաճախող իր երեխաների համար ամեն տարի 5 միլիոն վարձավճար է տալիս, իսկ զինծառայողներն էլ պետք է երեք տարի հայրենիքը պաշտպանեն ու դրանից հետո էլ իրավունք չպետք է ունենան իրենց ուզած ձևով տնօրինել 5 միլիոնը (եթե, իհարկե, երբևէ այդ գումարը հայտնվի իրենց հաշվեհամարին):

Կիմա Եղիազարյան

Print Friendly and PDF

Այս խորագրի վերջին նյութերը

Ո՞ր դասը չի ուզում լքել Արմեն Սարգսյանը

Ո՞ր դասը չի ուզում լքել Արմեն Սարգսյանը

Փետրվարի 23, 2018 11:45 Նա սեփական կարծիք չի հայտնել դեսպանի կարգավիճակում, բիզնեսմենի կարգավիճակում, հայաստանցու կարգավիճակում, սփյուռքահայի կարգավիճակում և նախագահի թեկնածուի կարգավիճակում:
Լենինի անվան սովխոզը և Գրուդինինի ադրբեջանական հետքը

Լենինի անվան սովխոզը և Գրուդինինի ադրբեջանական հետքը

Փետրվարի 22, 2018 16:20 Մինչ Հայաստանի քյաբաբային վերնախավը զբաղված է ներքին «մուտիլովկաներով» ու «Վերարտադրություն» օպերացիայով, ադրբեջանցները լուրջ աշխատանք են տանում:
Իսկ մենեջե՞ր է արդյոք Կարեն Կարապետյանը

Իսկ մենեջե՞ր է արդյոք Կարեն Կարապետյանը

Փետրվարի 21, 2018 00:05 Հայտարարել, որ քաղաքական գործիչ չես, այլ՝ մենեջեր ու միաժամանակ ցանկություն հայտնել՝ մնալ վարչապետի աթոռին, նույնն է, ինչ փոքր երեխան անընդհատ կոնֆետ ուզի:
Արմեն Սարգսյանը հստակեցրեց իր կարգավիճակը

Արմեն Սարգսյանը հստակեցրեց իր կարգավիճակը

Փետրվարի 19, 2018 13:20 Նա չի խոսելու, չի տեսնելու և չի լսելու: Եթե խոսելու է, ապա լղոզված, եթե տեսնելու է, ապա միայն լավը կամ ոչինչ, եթե լսելու է, ապա միայն իրեն նշանակողին:
Անսպասելի վիճակ Պուտինի համար. «тёмная лошадка» է հայտնվել (տեսանյութ)

Անսպասելի վիճակ Պուտինի համար. «тёмная лошадка» է հայտնվել (տեսանյութ)

Փետրվարի 19, 2018 00:05 Գրուդինինի ֆենոմենը լրիվ տեղավորվում է ժամանակակից «թրենդի» մեջ: Քաղաքական դաշտի գործիչներին շատ երկրներում, այդ թվում՝ ԱՄՆ-ում, ձեռնոց են նետում բիզնեսից եկած մարդիկ:
Արմեն Սարգսյանը չդիմացավ առերեսմանը. նա համաձայն է

Արմեն Սարգսյանը չդիմացավ առերեսմանը. նա համաձայն է

Փետրվարի 16, 2018 22:10 Նա ցանկացած թեմայի վերաբերյալ խրոխտ հայտարարելու է, որ սեփական կարծիք ունի, բայց պետության գլխի իր խոսքը կասի, երբ վերադառնա «Նատալյա Սեմյոնովնան»:
Տարոն Մարգարյանը «քաշվավ» ու «քաշեց»

Տարոն Մարգարյանը «քաշվավ» ու «քաշեց»

Փետրվարի 15, 2018 13:25 Երևանի ավագանու աղմկահարույց նիստից հետո քաղաքապետարանը ակտիվորեն սկսել է զբաղվել Նուբարաշենի կոյուղագծերով: Փաստորեն մինչև, կներեք արտահայտությանս, քաքի համը դուրս չեկավ, քաղաքապետարանում տեղից չշարժվեցին:
Տարոն Մարգարյանի վախը պետք է բռնել. «ջիգիթներին»՝ առաջնագիծ

Տարոն Մարգարյանի վախը պետք է բռնել. «ջիգիթներին»՝ առաջնագիծ

Փետրվարի 14, 2018 13:55 Երևանի ավագանիում մենք ականատես եղանք մի կողմից վախի, մյուս կողմից՝ քծնանքի ճղճիմ դրսևորման:
Ցանում ես ընտրակաշառք, կհնձես կեղտաջուր

Ցանում ես ընտրակաշառք, կհնձես կեղտաջուր

Փետրվարի 14, 2018 00:05 Դժվար չէ պատկերացնել, թե ինչեր են սպասվում ապրիլից հետո, երբ կմեկնարկի «ՀՀ վարչապետ 2018-2040» ծրագիրը:
Ժանրի ճգնաժամ, դերասանների դեֆիցիտ

Ժանրի ճգնաժամ, դերասանների դեֆիցիտ

Փետրվարի 13, 2018 09:05 Կար մի ժամանակ, երբ քաղաքական դաշտի հաճախորդները բարձր մակարդակ էին ապահովում: Նրանք սրտից թույլ ու դյուրահավատ հանդիսատեսից արցունք էին քամում, էմոցիա խլում և կրքեր բորբոքում:
Ալիևի հայտարարությունը և ապուշության «զորահանդեսը»

Ալիևի հայտարարությունը և ապուշության «զորահանդեսը»

Փետրվարի 12, 2018 13:40 Ցավալին այն է, որ Հայաստանի ու Ղարաբաղի շահերի պաշտպանությունը վստահված է ներկայիս քյաբաբային վերնախավին: Այ սա՛ է վտանգավոր ու վախենալու, ոչ թե Ալիևի նկրտումները:
Հաստիքային ժպտացողի պլագիատը

Հաստիքային ժպտացողի պլագիատը

Փետրվարի 12, 2018 10:50 Բայց չէ՞ որ խոստացվել էր հայրենիքը կրկեսի չվերածել:
Ալիևը լցնում է վակուումը

Ալիևը լցնում է վակուումը

Փետրվարի 11, 2018 10:00 Իշխանությունները հաղթել են հանրությանը և շահել ընտրությունները, բայց տանուլ են տալիս պետությունը: Ալիևը Երևանը գրավելու մասին իր հայտարարությամբ ցույց է տալիս, թե ինչ վիճակ է մեզ մոտ:
Արմեն Սարգսյանի 4-րդ հանրապետությունը

Արմեն Սարգսյանի 4-րդ հանրապետությունը

Փետրվարի 10, 2018 09:20 Նա նստել է Նիկոլայի օրոք, Կերենսկու օրոք, ՆԷՊ-ի ժամանակ ... Հիմա էլ, թերևս, կնստի: Դե գոնե այնքան, ինչքան 96-ից հետո նստեց: Առողջական խնդիրների «ատմազկան» միշտ էլ կա ու կա:
Ինչո՞ւ է լռում Երևանը

Ինչո՞ւ է լռում Երևանը

Փետրվարի 10, 2018 00:05 Հայաստանը վտանգված է նախևառաջ ներսից: Ոչ համարժեք վերնախավն ու շարունակական արտագաղթն են պատճառը, որ Ալիևը հոխորտում է:
Հայաստանի քյաբաբային վերնախավն ու Ալիևի քաղաքականությունը

Հայաստանի քյաբաբային վերնախավն ու Ալիևի քաղաքականությունը

Փետրվարի 09, 2018 10:25 Ալիևի հոխորտանքից վախենալ պետք չէ, բայց հաշվի չառնել այդ հոխորտանքն ու մեր երկրի ներսում փոփոխությունների չհասնել քաղաքական անմեղսունակություն կլինի:
Օրենք ՀՀ նախագահի մասին

Օրենք ՀՀ նախագահի մասին

Փետրվարի 09, 2018 00:05 Հոդված 1․ ՀՀ նախագահը պետության գլուխն է: Եթե նա գլուխը կորցնի կամ լուրջ ընդունի իր «գլխությունը», ապա տե՛ս հաջորդ հոդվածները:
Ռեյտինգային կրքեր

Ռեյտինգային կրքեր

Փետրվարի 08, 2018 12:25 ՀՀԿ-ն կոճակների քանակով կարող էր Ընտրական նոր օրենսգիրքն անցկացնել, բայց Բ26-ին արտաքին փաթեթավորում և լեգիտիմության շղարշ էր պետք:
Ժիլետի և թմբուկի արանքում

Ժիլետի և թմբուկի արանքում

Փետրվարի 08, 2018 11:35 Իրականում բերեցին ոչ թե Կարապետյանին, այլ հեռացրեցին Հովիկ Աբրահամյանին, և ոչ թե վերևից բարեփոխում էին նախապատրաստում, այլ՝ 10.000-դրամանոց ընտրություն, որի անունը դրել էին «ռեյտինգային»:
Ով դատի, ով գնա «սանատորիա»

Ով դատի, ով գնա «սանատորիա»

Փետրվարի 07, 2018 17:40 Գործ ունենք «հեռախոսային արդարադատության» և քաղաքական ենթատեքստով որոշումների հետ: