Լրահոս

Ապրիլ 21, 2017 11:34

Եվրախորհրդարանի պատգամավորի և հայուհու սիրո պատմությունը

Եվրախորհրդարանի պատգամավորի և հայուհու սիրո պատմությունը

Օրերս լրատվամիջոցների ուշադրության կենտրոնում Եվրախորհրդարանի՝ Լյուքսեմբուրգը ներկայացնող պատգամավոր Ֆրանկ Էնգելն էր եւ նրա հայ հարսնացուն՝ Տաթեւ Մանուկյանը, ով ապրում է Բելգիայում:

Նա սովորել է Հայաստանի պետական տնտեսագիտական համալսարանում, ապա ուսումը շարունակել Շվեդիայի Դալարնա համալսարանում:

Որոշ ժամանակ անց տեղափոխվել է Բելգիա, այժմ էլ աշխատում է AGBU Europe բրյուսելյան գրասենյակում (Armenian General Benevolent Union-Հայկական բարեգործական ընդհանուր միություն-հեղ.): Նրանց սիրո պատմությունը, որի մասին մանրամասներ դեռեւս հայտնի չէին, անտարբեր չթողեց շատերին:

«Արմենպրես»-ի հետ զրույցում լյուքսեմբուրգցի փեսացուն եւ հայազգի հարսնացուն ներկայացրին իրենց սիրո պատմությունը՝ Տաթեւի վանքում պատահական հանդիպումից մինչեւ հարսանիքի նախապատրաստում:

-Սկսենք ամենասկզբից: Որտե՞ղ եւ ինչպե՞ս հանդիպեցիք առաջին անգամ:

Ֆ. Էնգել -Ինչ խոսք, ես արդեն սովոր եմ այդ հարցին պատասխանել: Իրականում, սա կարելի է անվանել մի թռիչքի պատմություն: Ես մեկնում էի Մոնղոլիա՝ մասնակցելու Եվրամիություն-Ասիա գագաթնաժողովին ընդառաջ կազմակերպված խորհրդարանական համաժողովին: Բավականին կարճ ճանապարհորդություն էր նախատեսված, որից հետո պետք է Հայաստան վերադառնայի՝ Հայոց ցեղասպանության տարելիցի օրն այստեղ լինելու համար: Ստամբուլ-Ուլան Բատոր թռիչքի ժամանակ խնդիրներ առաջացան, եւ մենք վայրէջք կատարեցինք Բիշքեկում, որտեղ ուղեւորներին խնդրեցին դուրս գալ ինքնաթիռից: Վատն այն է, որ այլ թռիչք չէր առաջարկվում, քանի որ պարզեցինք՝ Ուլան Բատորում եղանակային պայմանները շատ վատն են, եւ չգիտեինք էլ՝ երբ կկարողանանք հասնել այնտեղ: Ինձ ուրիշ բան չէր մնում, քան պարզապես այն չեղարկելը: Մեկ օր մնացի Բիշքեկում, հաջորդ օրը կազմակերպեցի թռիչք դեպի Երեւան: Եվ այնպես ստացվեց, որ արդեն Հայաստանում ես եւ Տաթեւը պատահական հայտնվեցինք նույն մեքենայում, որը տանում էր Տաթեւի վանք: Վանքն ու շրջակա տեսարանը պարզապես հրաշալի էին, միգուցե դա էլ մեզ ոգեշնչեց: Երկու Տաթեւների (հարսնացուիս և վանքի) խորհրդավոր գեղեցկությունը անչափ համահունչ էին:

Տ. Մանուկյան- Այո, դա, փաստորեն, ապրիլյան պատերազմին հաջորդած ժամանակահատվածն էր՝ ապրիլի երկրորդ կեսը, երբ ես Հայաստան էի եկել 10 օրով: Իմ և Ֆրանկի ընդհանուր ընկերոջը խնդրել էի ինձ տանել Տաթեւի վանքը տեսնելու, ու Ֆրանկի հետ նույն մեքենայում հայտնվելուց հետո պարզեցի, որ Ֆրանկն էլ իր հերթին մինչ իր Հայաստան գալը նույն խնդրանքով էր դիմել հենց նույն մարդուն, ով չէր վարանել երկուսիս նույն մեքենայով Տաթև ուղարկելու հարցում:

-Ի՞նչ կասեք լեզվի հետ կապված խնդիրների մասին, եթե, իհարկե, դրանք կան:

Ֆ. Էնգել-Մի փոքր ժամանակի կարիք կա, որ ես կարողանամ ավարտել իմ հայերենի դասերը եւ բերել լեզվաիմացությունս նորմալ մակարդակի: Հայերենը ամենահեշտ լեզուներից չէ, որի դեպքում կարելի է գոնե ինչ-որ նմանություններ գտնել իմ իմացած լեզուների հետ: Դե, մեր շփման լեզուն անգլերենն է: Բելգիայում նաեւ հոլանդերեն ենք խոսում, Տաթեւի ընտանիքի անդամների հետ հաղորդակցվելու համար դա ավելի հարմար է:

Տ. Մանուկյան-Ես պարզապես երբեմն ասում եմ ՝ եթե դու ուզում ես ապագայում հասկանալ քո երեխաներին, ապա պետք է սովորես հայերեն: Մեր ընդհանուր լեզուներն են անգլերենը, հոլանդերենը եւ ֆրանսերենը, իսկ հայերենն ու լյուքսեմբուրգերենը դեռ ճանապարհին են:

Ֆ. Էնգել-Մեր երեխաները, իհարկե, կխոսեն նաեւ հայերեն եւ լյուքսեմբուրգերեն: Տաթեւն էլ իր հերթին փորձում է լյուքսեմբուրգերեն սովորել:

Տ. Մանուկյան-Այո, իմ կյանքի առաջիկա նպատակներից մեկն է լյուքսեմբուրգերեն սովորելը, որովհետեւ ես տեսնում եմ Ֆրանկի այդչափ մեծ հարգանքը իմ մշակույթի, լեզվի նկատմամբ, եւ նույն հարգանքն էլ ինքս պետք է ցուցաբերեմ նրա լեզվի եւ մշակույթի հանդեպ:

-Իսկ ընկերները, հարազատներն ինչպե՞ս արձագանքեցին միասին լինելու որոշմանը:

Տ. Մանուկյան-Նրանք շատ ոգեւորված էին:

Ֆ. Էնգել -Իսկապե՞ս:

Տ. Մանուկյան-Դու, հավանաբար, այդ հատվածը բաց ես թողել (ծիծաղում են-հեղ.):

-Ինչո՞ւ եմ սա հարցնում: Միգուցե տեսել եք հայկական տարազով հայուհու, նրա սեւամորթ ամուսնու եւ որդու՝ վերջերս հայ հասարակության շրջանում բավականին բուռն արձագանք գտած լուսանկարը: Դրա շուրջ միառժամանակ առաջացան տարբեր բնույթի խոսակցություններ, որոնք տեղիք տվեցին մտածելու այստեղ ստեղծված որոշակի անհանդուրժողականության մթնոլորտի մասին: Կցանկանայի իմանալ՝ Դուք ինչ եք կարծում նման հարցի վերաբերյալ:

-Ֆ. Էնգել-Բայց նաեւ տեսանք, որ նույնիսկ հայերն են ցուցաբերում ավելի շատ հանդուրժողականություն, երբ խոսքը սեւամորթ կնոջ՝ այս դեպքում Սերենա Ուիլյամսի մասին է (աշխարհահռչակ թենիսիստուհին վերջերս նշանադրվել էր Reddit սոցիալական ցանցի հայազգի հիմնադիր Ալեքսիս Օհանյանի հետ-հեղ.), եւ դա ոչ մեկին անհանգստություն չի պատճառում: Ինչ վերաբերում է Լյուքսեմբուրգի հասարակությանը, ես չեմ նկատել, որ մեզ մոտ դա ինչ-որ դժգոհություն առաջացնի, քանի որ խառնամուսնությունները մեր երկրում շատ են:

Տ. Մանուկյան-Ես լսել էի այդ մասին, տեսել էի այդ բացասական մեկնաբանությունները: Կարդացել եմ նաեւ մեր մասին գրված հոդվածների վերաբերյալ արված բոլոր մեկնաբանությունները, որոնք մեծամասամբ դրական էին, բայց ես հարցնում էի ինձ՝ ինչո՞ւ. մի՞թե որովհետեւ Ֆրանկը հանրային մարդ է: Դա շատ է ինձ բարկացնում, քանի որ ցույց է տալիս այդ խտրական վերաբերմունքը, որ ունենք օտարերկրացիների նկատմամբ: Մեր պատմության ընթացքում շատ անգամներ հալածվել ենք կրոնական եւ էթնիկական փոքրամասնություն լինելու համար, իսկ հիմա, փաստորեն, մենք ինքներս խտրականություն ենք ցուցաբերում մյուսների հանդեպ: Այդ միջադեպը կարծրատիպեր կոտրող էր մեր հասարակությունում, որում Marashlyan Photo Atelier-ը կարեւոր եւ ճիշտ դեր ունեցավ:

-Հարսանիքի օրը եւ վայրն արդեն որոշվա՞ծ է:

Ֆ. Էնգել -Այո, որոշված է: Այն լինելու է Հայաստանում եւ Արցախում: Մնացած փակագծերը դեռ կթողնենք փակ:

Մանրամասն՝ սկզբնաղբյուր կայքում

Print Friendly and PDF

Այս խորագրի վերջին նյութերը

Թուրքիայում մեռել է 3 լեզու, ևս 15-ը՝ վտանգվել

Թուրքիայում մեռել է 3 լեզու, ևս 15-ը՝ վտանգվել

Փետրվարի 22, 2018 21:12 Պետական կրթական ծրագրով դասավանդում են միայն մեկ լեզու:
Աշխարհի ամենաերկար «zip line»-ի երկարությունը 2.83 կիլոմետր է

Աշխարհի ամենաերկար «zip line»-ի երկարությունը 2.83 կիլոմետր է

Փետրվարի 22, 2018 20:16 Անփոխարինելի զգացողություն։
Նախարարությունը՝ «Բազալտե երգեհոն»-ի տարածքում իրականացվող շինարարության մասին

Նախարարությունը՝ «Բազալտե երգեհոն»-ի տարածքում իրականացվող շինարարության մասին

Փետրվարի 22, 2018 20:01 Որևէ շինարարական աշխատանք չի կարող իրականացվել:
НТВ-ի թոք-շոու-ի ժամանակ ծեծկռտուք է տեղի ունեցել (տեսանյութ)

НТВ-ի թոք-շոու-ի ժամանակ ծեծկռտուք է տեղի ունեցել (տեսանյութ)

Փետրվարի 22, 2018 19:36 Բռունցքների են անցել հաղորդման վարողն ու հյուրը:
Տանից հեռացած 22-ամյա աղջկան հայտնաբերել են փողոցում՝ անգիտակից վիճակում

Տանից հեռացած 22-ամյա աղջկան հայտնաբերել են փողոցում՝ անգիտակից վիճակում

Փետրվարի 22, 2018 18:32 Մոր հետ վիճաբանել է իր ամուսնության հարցի շուրջ։
Երվանդ Բոզոյան. ԱՄՆ-ն տնտեսական պատերազմ է անում Ռուսաստանի դեմ

Երվանդ Բոզոյան. ԱՄՆ-ն տնտեսական պատերազմ է անում Ռուսաստանի դեմ

Փետրվարի 22, 2018 18:13 Բավական վտանգավոր պրոցեսի մեջ են հայտնվել երկու կողմերն էլ:
Մարինացված վարունգի մեջ եղել են միջատի՝ սև ճանճի թրթուրներ

Մարինացված վարունգի մեջ եղել են միջատի՝ սև ճանճի թրթուրներ

Փետրվարի 22, 2018 17:38 Արտադրության պրոցեսում առաջացած խնդիր է:
Հարուցվել է քրեական գործ՝ հակառակորդի կողմից ժամկետային զինծառայողի սպանության դեպքի առթիվ

Հարուցվել է քրեական գործ՝ հակառակորդի կողմից ժամկետային զինծառայողի սպանության դեպքի առթիվ

Փետրվարի 22, 2018 17:29 Ձախ կողային շրջանում մահացու հրազենային վիրավորում է ստացել:
Մարտի 1-ից դեղատոմսով դուրս գրվող դեղերի ցանկերը

Մարտի 1-ից դեղատոմսով դուրս գրվող դեղերի ցանկերը

Փետրվարի 22, 2018 17:22 Սահմանվել է դեղատոմսի 4 նոր ձևաթուղթ։
Հաշմանդամ այս լեռնագնացի համար արգելքներ գոյություն չունեն

Հաշմանդամ այս լեռնագնացի համար արգելքներ գոյություն չունեն

Փետրվարի 22, 2018 17:08 Կամքի ուժի և համառ ջանքերի շնորհիվ հաղթահարում է դժվարությունները։
Օդի ջերմաստիճանը կբարձրանա 3-4 աստիճանով

Օդի ջերմաստիճանը կբարձրանա 3-4 աստիճանով

Փետրվարի 22, 2018 16:51 Փետրվարի 26-ի ցերեկը կնվազի 2-3 աստիճանով:
Էրդողանի ապերախտությունն՝ ըստ իրավապաշտպանների (տեսանյութ)

Էրդողանի ապերախտությունն՝ ըստ իրավապաշտպանների (տեսանյութ)

Փետրվարի 22, 2018 16:02 Էրդողանին անցյալում բանտարկել էին Թուրքիայի նախկին իշխանությունները:
Facebook-ի աշխատանքներում գլոբալ խաթարում է եղել

Facebook-ի աշխատանքներում գլոբալ խաթարում է եղել

Փետրվարի 22, 2018 14:46 Խաթարվել էին նաև 7or.am ֆեյսբուքյան էջի աշխատանքները․ այժմ խնդիրը կարգավորվել է։
Ուղիղ միացում խորհրդարանական լսումներից

Ուղիղ միացում խորհրդարանական լսումներից

Փետրվարի 22, 2018 11:44 «Սումգայիթյան ջարդեր. Հայատյացությունը որպես Ադրբեջանի պետական քաղաքականություն»։
Վաշինգտոնում պառկած ցույցեր են անցկացվում

Վաշինգտոնում պառկած ցույցեր են անցկացվում

Փետրվարի 22, 2018 11:31 Ընդդեմ զենքի ազատ վաճառքի։
Վթարային ջրանջատում Վայոց Ձորի մարզում

Վթարային ջրանջատում Վայոց Ձորի մարզում

Փետրվարի 22, 2018 11:18 Ժամը 10։00-18։00-ն։
Ցեղասպանության 10 փուլերը՝ Հայոց ցեղասպանության օրինակով (տեսանյութ)

Ցեղասպանության 10 փուլերը՝ Հայոց ցեղասպանության օրինակով (տեսանյութ)

Փետրվարի 22, 2018 10:44 «Սպանողներն զոհին դիտարկում են որպես մոծակներ, սեփական գործողություններն էլ սպանություն չեն դիտարկում, այլ՝ որպես ոչնչացում»։