Մանկական օգտակար նախաճաշը պետք է ներառի բջջանյութ, սպիտակուց և «առողջ» ճարպ, որն էներգիա է տալիս։ Անառողջ նախաճաշը երեխաներին դարձնում է ալարկոտ, նպաստում ավելորդ քաշ հավաքելուն և անգամ մեծացնում քրոնիկ հիվանդությունների առաջացման հավանականությունը։

«AdMe.ru»–ն թվարկել է այն մթերքները, որոնք չարժե տալ երեխաներին, և նշել դրանց այլընտրանքները։

Չոր նախաճաշ

Կաթի մեջ շաքարային գլազուրով փաթիլներն ու գնդիկներն այնքան են սիրում երեխաները. արագ է և համեղ։ Սակայն դրանք օգտակար չեն, քանի որ փաթիլներում մեծ քանակությամբ շաքար կա (363 կկ 100 գրամում)։ Փոխարենը՝ բջջանյութն ընդամենը 3 գրամ է 100 գրամում, և երեխան ժամ–ժամուկեսից նորից ուտել է ցանկանում։ Փոխարինող հիանալի տարբերակ կարող է լինել ձվածեղը բանջարեղենի հետ։

Ցիտրուսային ֆրեշներ

Մրգային թթուները գրգռում են ստամոքսի լորձաթաղանթը՝ նպաստելով աղաթթվի առաջացմանը։ Ցիտրուսների և դրանցից պատրաստված հյութերի ամենօրյա օգտագործումը վնասակար է։ Դրանք իրենց մեջ պարունակվող քիմիական նյութերի պատճառով մաշկն արևի ճառագայթների տակ խոցելի են դարձնում։ Փոխարինել կարելի է խոտաբույսերով թեյով։

Չոր մրգեր և բանջարեղեն

Երեխաներին որպես նախաճաշ մի տվեք չոր մրգեր ու բանջարեղեն։ Դրանցում պարունակվող թթուները օգուտ չեն տա դատարկ ստամոքսին։ Օրինակ՝ խուրման և պոմիդորը մեծ քանակությամբ պեկտին ու աղաղաթթու են պարունակում, որոնք ստամոքսի քարեր են առաջացնում։

Փոխարինել կարելի է բանջարեղենային ապուրով, որը հեշտ է յուրացվում օրգանիզմի կողմից։

Կաթնաթթվային ըմպելիքներ

Կաթնաթթվային ըմպելիքները վնասակար չեն մանկական ստամոքսին, ավելին՝ օգտակար են։ Սակայն կաթնաթթվային լակտո և բիֆիդո բակտերիաներն ընկնում են ագրեսիվ թթվային միջավայր ու մեռնում ստամոքսում՝ չհասնելով աղիներ։ Դրա համար էլ ճիշտ կլինի, որ փոքրիկը յոգուրտ ըմպի նախաճաշից կես ժամ հետո։

Հիանալի այլընտրանք է լոռամրգիի օշարակը, որը պարունակում է С, А, Е, К, В վիտամիններ, կալիում, ֆոսֆոր, կալցիում։

Թխվածք և բուտերբրոդներ

Հացի մեջ պարունակվող ածխաջրերը բարձրացնում են շաքարի մակարդակն արյան մեջ, ինչը հանգեցնում է ենթաստամոքսային գեղձի ուժեղ լարման, մեծ քանակությամբ ինսուլինի արտադրման։ Իսկ ինսուլինի ավելցուկը ճարպի կուտակման է հանգեցնում անգամ երեխաների մոտ։

Փոխարինել կարելի է չորամրգերով, մեղրով ու հացազգիներով բնական բատոններով։

7or.am