Թուրքիայի նախագահ Ռեջեփ Թայիփ Էրդողանի ծաղրանկարը հրապարակած «Նոքթա» թուրքական ամսագրի ղեկավարները դատապարտվել են 22.5 տարի ազատազրկման։

Ինչպես հայտնում է «ermenihaber.am»–ը՝ «Դիքեն»–ին հղումով, ամսագրի շապկին նախագահի ծաղրանկարը տեղադրելու համար ամսագրի ղեկավար կազմից Ջևհիր Գյուվենի և Մուրաթ Չափանի նկատմամբ «ահաբեկչական կազմակերպության օգտին քարոզչություն անելու», «նախագահին հրապարակավ վիրավորելու» և «Թուրքիայի հանրապետության դեմ զինված ապստամբության հրահրելու» մեղադրանք է առաջադրվել։

Ծաղրանկարում պատկերված է Էրդողանը՝ մահացած թուրք զինվորի դագաղի կողքին սելֆի անելիս։

Ըստ աղբյուրի՝ թուրքական դատարանը մեղավոր է ճանաչել ամսագրի ղեկավարներին և յուրաքանչյուրին 22.5 տարվա ազատազրկման դատապարտել։