Տարեց ավստրալացին թեթև վնասվածքներ է ստացել այն բանից հետո, երբ ջրից հենց իր նավակի մեջ 3 մ երկարությամբ շնաձուկ է թռել։ Այս մասին հայտնում է «Agence France-Presse»-ը։

73-ամյա Թերրի Սելվուդը ձկնորսությամբ է զբաղվելիս եղել։ Հանկարծ նավակի մեջ է հայտնվել մի մեծ սպիտակ շնաձուկ և պոչով հարվածել ձկնորսին, տապալել ներքև և վնասել ձեռքը։

Նավակի երկարությունն ընդամենը 4,5 մետր է եղել, և 3–մետրանոց շնաձուկը զբաղեցրել է դրա գրեթե ամբողջ տարածքը։ Տարեց ձկնորսին հաջողվել է հասնել ռադիոընդունիչի մոտ և օգնություն կանչել։

Տղամարդուն տեղափոխել են հիվանդանոց։ Փրկարարները նաև վերադարձել են շնաձկան հետևից, բայց նա արդեն սատկած է եղել։

Սելվուդի խոսքով՝ 60 տարվա ձկնորսության ընթացքում իր հետ երբեք նմանօրինակ դեպք տեղի չէր ունեցել։

7or.am