Արցախի Հանրապետության նախագահ Բակո Սահակյանը սեպտեմբերի 26-ին հաստատել է Կառավարության որոշումը, որով Կոմիտաս Կարապետյանն ազատվել է արտակարգ իրավիճակների պետական ծառայության տնօրենի պաշտոնից: Այս մասին տեղեկացնում են ԱՀ աշխատակազմի տեղեկատվության գլխավոր վարչությունից։

Մեկ այլ հրամանագրով՝ Կոմիտաս Կարապետյանը նշանակվել է Արցախի Հանրապետության նախագահի ներկայացուցիչ՝ հատուկ հանձնարարությունների գծով։

Կարեն Սարգսյանը նշանակվել է արտակարգ իրավիճակների պետական ծառայության տնօրենի պաշտոնում՝ ազատվելով հատուկ հանձնարարությունների գծով Արցախի Հանրապետության նախագահի ներկայացուցչի պաշտոնից:

Կարեն Եղիշյանն ազատվել է Շահումյանի շրջանի վարչակազմի ղեկավարի պաշտոնից՝ այլ աշխատանքի անցնելու կապակցությամբ:

Հարութ Մնացականյանը նշանակվել է Շահումյանի շրջանի վարչակազմի ղեկավարի պաշտոնում:

Սպարտակ Թևոսյանը նշանակվել է Արցախի Հանրապետության նախագահի խորհրդական-տնտեսագիտական վարչության պետ։

Սլավիկ Ասրյանը նշանակվել է Արցախի Հանրապետության նախագահի խորհրդական:

7or.am