Մեկնաբանություն

Հոկտեմբեր 05, 2017 12:40

Ներտեսակային բախում

Ներտեսակային բախում

Դա մի օր պետք է տեղի ունենար: Ճակատագիրը պետք է սրանց հանդիպացներ մեկ հարկի տակ: Գործ ունենք միստիկայի ու մետաֆիզիկայի հետ:

Ժանրի կանոնների համաձայն պետք է հին ու նոր սերունդները բախվեին: Բայց բախվեին ոչ թե հայրերի ու որդիների գաղափարական հակադրության տուրգենևյան մոտիվներով, այլ բախվեին ֆիզիկապես, քանզի հաճախորդությունը գաղափարականություն չունի: Բախումն, ըստ այդմ, մարմնական բնույթ պետք է կրի, որովհետև հաճախորդությունը զուտ նյութական հիմքի վրա է: Եվ ուրեմն, «նյութերն» էլ պետք է բախվեն:

Հաճախորդությունը քաղաքական կոռուպցիայի տարատեսակ է, հանրության դեմ կատարված հանցագործություն և ընտրակեղծարարության գործիք: Ու կապ չունի, թե ով քանի «զրոյի» դիմաց է հաճախորդանում, ով է ստանում ժողգործիքի անվանում, իսկ ով՝ չի ստանում: Հաճախորդը մնում է հաճախորդ՝ լինի նա ՀՀԿ-ի ցուցակում, կամ՝ «ԵԼՔ»-ի:

Եվ այսպես, ՀՀԿ խմբակցության պատգամավոր Արտաշես Գեղամյանը, ըստ «ԵԼՔ»-իստ Նիկոլ Փաշինյանի, բռունցքներով հարձակվել է իր վրա: Նիկոլը նաև գրում է, որ կարողացել է հաջողությամբ պաշտպանվել ու մի երկու անգամ էլ ոտքով հարվածել Մի երկու անգամ էլ կոշիկներս փայլեցրի իրենով»): Գեղամյանն էլ իր հերթին լրագրողներին ասել է, որ եթե ինքը բռունցքենրով հարվածեր, ապա Նիկոլը հիվանդանոցում կլիներ, իսկ շորերը փայլեցնելու մասով Նիկոլը գլուխ է գովացել:

Ահա այսպիսի բաներ:

Չէ, ինչ ուզում եք ասեք, Սերժ Սարգսյանը տաղանդավոր մարդ է: Հաճախորդների առումով նա, կարելի է ասել, ակադեմիկոս է: Էժանագին «արևմտամետից» մինչև քոքված «ռուսամետ», դատարկագլուխ «քաղաքացիականից» մինչև ծախված «անկախ» խմբագիր. սրանցից լիքը կա նրա հաճախորդաց «կալոդում»: Սրանք կարող են իրար «ուտել», բայց վերջին հաշվով անում են մեկ ընդհանուր գործ՝ ընդդիմախոսել ՀՀԿ ղեկավարի ընդդիմախոսներին:

Հանուն ճշմարտության պետք է նշել, որ Արտաշես Գեղամյանն այս ճամբարի առաջամարտիկներից է: Ներկայիս հաճախորդները նրա հոգեզավակներն են և աշակերտիկները: Հոգեզավակ է նաև Նիկոլ Փաշինյանը, ով նույն ճղճղան ձայնով, հիստերիկ պահվածքով, հնդկական կինոյի դերասաններին հիշեցնող սրտաճմլիկ վարքագծով, բրազիլական սերիալի ցածրակարգ սցենարների օգտագործմամբ գործում է քաղաքական դաշտում և ծառայում գլխավոր հաճախորդապանին:

Փաշինյանի ու Գեղամյանի «բռնցքամարտը» շատ խորհրդանշական է. դա ցույց է տալիս հաճախորդաց սերնդափոխությունը: Գեղամյանն իրենը արեց 2003-ին և 2008-ին ու ստացավ իր «պատվավոր» տեղը ՀՀԿ ցուցակում:

Գեղամյանի «դարաշրջանը» ավարտվել է, իսկ ահա Նիկոլը վերԵԼՔի մեջ է, քանզի դեռ ահագին մարդու կարող է խաբել, որ ընդդիմադիր է:

Գեղամյանի ու Փաշինյանի բախումը խորհրդանշական էր նաև մեկ այլ առումով: Բ26-ից ուղղորդվող հակառուսական քարոզչության ֆոնին ուշագրավ էր «արևմտամետ» և «ռուսամետ» հաճախորդների կռիվը: Կրեմլում թող տեսնեն, թե ինչպես է ՀՀԿ ղեկավարը կռիվ տալիս «արևմտամետների» դեմ: Գեղամյանն իր բռունցքներով պետք է վկայի, որ «ֆալշ» չկա ԵԱՏՄ-ից դուրս գալու «ԵԼՔ»-ական այս գործողությունների մեջ: Բայց ինչպես Ստանիսլավսկին կասեր՝ չեմ հավատում:

Հավատում եմ միայն մեկ բանի՝ Գեղամյանն ու Փաշինյանն անկեղծ են իրար «տվել», քանզի բնության մեջ ամենադաժան բախումը ներտեսակայինն է:

Պետրոս Ալեքսանյան

Print Friendly and PDF

Այս խորագրի վերջին նյութերը

Ովքեր և ինչու են քարոզում Սամվել Բաբայանի դեմ. «տուշոնկայի վկաները» (տեսանյութ)

Ովքեր և ինչու են քարոզում Սամվել Բաբայանի դեմ. «տուշոնկայի վկաները» (տեսանյութ)

Հունիս 20, 2018 20:00 Սերժ Սարգսյանն իր կապիտալի նախնական կուտակումն սկսել է Ղարաբաղյան պատերազմի տարիներին ու ըստ լավատեղյակների՝ մանվելություն արել:
«Գովազդային» դադար (տեսանյութ)

«Գովազդային» դադար (տեսանյութ)

Մայիս 06, 2018 10:19 Մինչ հեղափոխական գործընթացում «գովազդային» ընդմիջում է հայտարարված ...
ՀՀԿ-ի գերեզմանափորը

ՀՀԿ-ի գերեզմանափորը

Մայիս 04, 2018 12:50 Սերժ Սարգսյանի մուտքը ՀՀԿ նշանավորվել էր պետական ապարատի ու կիսաքրեական տարրերի «ամուսնությամբ»:
Հասնել ՀՀԿ-ի հեռացմանն ու ՀՀԿ-իզմի վերացմանը

Հասնել ՀՀԿ-ի հեռացմանն ու ՀՀԿ-իզմի վերացմանը

Ապրիլ 30, 2018 11:15 ՀՀԿ-ականները դարձան գլխավոր ծաղրածուներ կամ էլ՝ «Նա անփոխարինելի է» նախադասությունը կրկնող թութակներ:
Հեղափոխական տրամաբանություն

Հեղափոխական տրամաբանություն

Ապրիլ 25, 2018 11:10 Հեղափոխության հաղթանակը ենթադրում է ոչ միայն Սերժ Սարգսյանի, այլ նաև նրա ողջ շրջապատի, այսինքն՝ ՀՀԿ-ի, շմայսերի, սաքուլիկների, գագիկհարությունյանների և մյուս օդիոզ ու «թթված» դեմքերի հեռացում:
Մեկ քայլանի կոմբինացիան ավարտվեց. ՀՀԿ-ն կքվեարկի՞ Նիկոլի օգտին

Մեկ քայլանի կոմբինացիան ավարտվեց. ՀՀԿ-ն կքվեարկի՞ Նիկոլի օգտին

Ապրիլ 24, 2018 11:05 Սերժը գնաց, բայց ՀՀԿ-ն մնաց: Մնաց նաև ապագա իշխանության կոնֆիգուրացիայի հարցը:
Ո՞ր տարբերակը կընտրի Սերժ Սարգսյանը

Ո՞ր տարբերակը կընտրի Սերժ Սարգսյանը

Ապրիլ 23, 2018 15:30 Սերժ Սարգսյանը պետք է հասկանա, որ չհեռանալու տարբերակ չունի: Նա ԴԵՌ ունի ընտրության հնարավորություն՝ հեռանալու ձևի ընտրության հնարավորություն:
Ո՞րն է լինելու հանգուցալուծումը

Ո՞րն է լինելու հանգուցալուծումը

Ապրիլ 21, 2018 15:35 Փաշինյանի ու Սարգսյանի պահանջներն ու նպատակները փոխբացառող են: Չկա հատման կետ: Երկուսն էլ կապիտուլյացիա են առաջարկում դիմացինին:
Սերժ Սարգսյանի ակամա ինքնախոստովանությունը (տեսանյութ)

Սերժ Սարգսյանի ակամա ինքնախոստովանությունը (տեսանյութ)

Ապրիլ 19, 2018 13:25 Սերժ Սարգսյանի խոսքի արժեքը զրոյացել է իր իսկ նախաձեռնությամբ: Բոլոր այն խոստումները, որոնք նա տվել է` իրականացել են հակառակ նշանով:
Կարեն Կարապետյանը չփոխեց, բայց փոխվեց (տեսանյութ)

Կարեն Կարապետյանը չփոխեց, բայց փոխվեց (տեսանյութ)

Ապրիլ 19, 2018 10:00 Ժիլետի և թմբուկի կարիք «լուսավոր» հաճախորդ Էդմոն Մարուքյանի սիրելի Սերժ Սարգսյանն այլևս չունի:
Էդմոնն ու Արամը արդարացրին Սերժ Սարգսյանի հույսերը, բայց ...

Էդմոնն ու Արամը արդարացրին Սերժ Սարգսյանի հույսերը, բայց ...

Ապրիլ 18, 2018 13:05 Երեկ Սերժ Սարգսյանին հաջողվեց կրկեսի վերածել խորհրդարանը (և ոչ միայն երեկ): Ամեն մեկն իր դերակատարումն ուներ:
Սերժ Սարգսյանի պյուռոսյան հաղթանակը

Սերժ Սարգսյանի պյուռոսյան հաղթանակը

Ապրիլ 18, 2018 11:10 Հիմա ՀՀԿ ղեկավարը շատ ավելի վատ հանրային ընկալում ունի, քան նույնիսկ 2008-ի մարտ 1-ի դեպքերից հետո: «Քա՛յլ արա, մերժի՛ր Սերժին»-ը այլևս դարձել է ազգային գաղափար:
Փնտրվում է ՀՀ նախագահ

Փնտրվում է ՀՀ նախագահ

Ապրիլ 15, 2018 19:15 Արմեն Սարգսյանը Էդմոն Մարուքյանի, Արամ Զավենիչի, Շարմազանովի, Բ26-ի հին ու նոր հաճախարդների և մյուս ՀՀԿ-ականների պես անդամագրված է «Մի՛ մերժիր Սերժին, SNICKERS-ի՛ր» նախաձեռնությանը:
«Հասնել և անցնել Ադրբեջանին»

«Հասնել և անցնել Ադրբեջանին»

Ապրիլ 12, 2018 12:15 Քանի՞ մարդ կմնա Հայաստանում ադրբեջանական բարքերի տոտալ տարածման պարագայում:
«Լուսավոր» հաճախորդների կարգախոսը՝ «Մի՛ մերժիր Սերժին»

«Լուսավոր» հաճախորդների կարգախոսը՝ «Մի՛ մերժիր Սերժին»

Ապրիլ 12, 2018 10:30 Հաշվի առնելով այն հանգամանքը, որ Բ26-ի ձեռքի տակ այլևս ուրիշ բան չկա՝ «լուսավոր» հաճախորդներին օգտագործելու են բազմակի անգամ ու առանձնակի դաժանությամբ:
Հովիկ Աբրահամյանի ու Կարեն Կարապետյանի ճակատագրերը

Հովիկ Աբրահամյանի ու Կարեն Կարապետյանի ճակատագրերը

Ապրիլ 11, 2018 15:20 Տարբեր են նրանց հետագծերը, սակայն նույնը՝ վարչապետությունից հեռացման ճանապարհը:
Սերժ Սարգսյանը հայտնվում է «առաջին գծում»

Սերժ Սարգսյանը հայտնվում է «առաջին գծում»

Ապրիլ 11, 2018 11:35 Մենք հիմա վտանգավոր փուլ ենք մտնում: Վտանգավոր ինչպես անձամբ Սերժ Սարգսյանի, այնպես էլ Հայաստանի համար:
Կարեն Կարապետյանը գնաց ամենավատ տարբերակով. ափսո՞ս էր տղան

Կարեն Կարապետյանը գնաց ամենավատ տարբերակով. ափսո՞ս էր տղան

Ապրիլ 10, 2018 12:15 Կարեն Կարապետյանը փաստացի կրկնեց Շարմազանովի ու մյուս օդիոզների ձևակերպումը, ըստ որի՝ Սերժ Սարգսյանն անփոխարինելի է:
Մեծ թատրոնը, «ֆեյք» նախագահը և Սերժ Սարգսյանի վրեժը

Մեծ թատրոնը, «ֆեյք» նախագահը և Սերժ Սարգսյանի վրեժը

Ապրիլ 10, 2018 10:50 Սերժ Սարգսյանի համար հոգեհարազատ է ամեն ապաքաղաքականը՝ «հավելումով», որ քաղաքականությամբ պետք է միայն ինքը զբաղվի:
Ինչպես Սերժ Սարգսյանը սրբացավ Գեղամյանի համար (տեսանյութ)

Ինչպես Սերժ Սարգսյանը սրբացավ Գեղամյանի համար (տեսանյութ)

Ապրիլ 09, 2018 19:50 Ֆեյք նախագահ նշանակված Արմեն Սարգսյանի երդման շոուից հետո երբեմնի ընդդիմադիր, շատ թունդ ընդդիմադիր Արտաշես Գեղամյանը հայտարարել է, որ այս օրը սուրբ է: