Մեկնաբանություն

Հունվար 12, 2018 11:00

ՀՀ ապագա նախագահի ֆոտոռոբոտը

ՀՀ ապագա նախագահի ֆոտոռոբոտը

Նոր Սահմանադրության շրջանակներում Հայաստանն ապրիլի 9-ից հետո պետք է նոր նախագահ ունենա: Այդ նախագահին ոչ թե ընտրելու է ժողովուրդը, այլ նշանակելու է Ազգային ժողովը: Ավելի ճիշտ՝ ՀՀԿ-ի «պոլիտբյուրոն»: Ավելի ստույգ՝ ՀՀԿ-ի «պոլիտբյուրոն» հաստատելու է ՀՀԿ «անփոխարինելի առաջնորդի» որոշումը:

Նոր Սահմանադրության համաձայն՝ ՀՀ նշանակովի նախագահը պետության գլուխն է, սակայն դատելով նրա լիազորություններից՝ նրան պետական կառավարման համակարգում վերապահված է «մեխի գլուխի» կարգավիճակը:

Թե ով է լինելու այդ «մեխի գլուխը», գաղտնիք է պահվում: Առայժմ հանրությանը ներկայացվում են նրա բարեմասնությունները: ՀՀԿ խոսնակ Շարմազանովը հայտարարել է, որ իրենք այդ պաշտոնի համար կներկայացնեն իրենց թեկնածուին:

«ՀՀ նախագահի պաշտոնում կներկայացնենք մի թեկնածուի, ով կունենա շատ լուրջ կենսագրություն, շատ լուրջ հետք և անուն, նաև բարձր հեղինակություն»,- հայտարարել է Շարմազանովը:

Եթե փորձենք կռահել, թե ով է խոսնակի ներկայացրած այդ ամենա-ամենան, ապա մեծ դժվարությունների առաջ կկանգնենք, քանի որ բազում են ամենա-ամենաները ՀՀԿ-ում ու դրա մերձակայքում: Բայց ամեն դեպքում փորձել պետք է: Հատկապես, որ ֆոտոռոբոտի կազմման համար որոշակի ինֆորմացիա ունենք:

Եվ այսպես, ՀՀԿ-ում պատրաստվում են առաջադրել լուրջ կենսագրություն ունեցող թեկնածուի: ՀՀԿ-ական տարբերակով դա կարող է լինել Գալուստ Սահակյանից մինչև Շմայս: Այսինքն՝ «քաստինգը» բարդ կլինի:

ՀՀԿ-ում նախատեսում են, որ թեկնածուն պետք է ունենա շատ լուրջ հետք: Հետքը չգիտենք, բայց մատնահետք թողածներ շատ կան իշխանական շրջանակներում: Այնպես որ, այս առումներով էլ դժվարությունների չեն հանդիպի Բ26-ում:

Նաև անուն պետք է ունենա այդ թեկնածուն, այն էլ՝ շատ լուրջ: Ոնց պտտվում ենք, էլի Գալուստ Սահակյանին ենք հանգում և ֆոտոռոբոտը կամաց-կամաց ամբողջական տեսք է ստանում:

ՀՀԿ-ից ասացին, որ բացի այս ամենից ապագա նախագահը կունենա բարձր հեղինակություն: Բարձրը չենք կարող ասել, բայց քրեական հեղինակությունների պակաս իշխանական ճամբարում ու դրան կից չկա: Ասել է թե՝ այդ հարցում էլ ընտրության լայն հնարավորություններ կան:

Եվ այսպես, ՀՀ ապագա նախագահի ֆոտոռոբոտը մեզ հուշում է, որ այդ մարդը կունենա Գալուստ Սահակյանի խորաթափանց հայացքը, Արա Բաբլոյանի ապաքաղաքական դեմքը, Շմայսի նայվածքը և ֆիգուրան, ՀՀԿ-ի տատիկի համառությունն ու նպատակասլացությունը, գեներալ Մանվելի ինտելեկտը և մարտական բեղերը, գեներալ Սեյրանի ազնիվ ու անթրաշ երեսը և շուլուխչի խասիաթը, փողատեր Սամվել Ալեքսանյանի օպերացիայի ենթարկված քիթը, վարչապետ Կարեն Կարապետյանի ժիլետի թևը, ՀՀԿ-ի Գևորիկի բարձր հեղինակությունը և Ճվճվ Արոյի որդիների մատնահետքը:

Ոնց գցում-բռնում ենք, ՀՀ նախագահ նշանակվելու ամենամեծ շանսերն ունի Էդիկ Նալբանդյանի արտահաստիքային խորհրդատու Ռոբսոնը, թեև նրա քիթը հեչ նման չէ Ալեքսանյանի քթին: Բայց դե դա խնդիր չէ: Կարևորը որ, կոլխոզի նախագահի հայտնի հավակնորդի պես, «Վիլիսից» չի ընկնի: Համ էլ՝ լրիվ կհամապատասխանի 4-միլիոնանոց Հայաստանի տեսլականի քայլող մարմնավորմանը:

Թեև հանուն արդարության պետք է նշել, որ ճիշտը Սեյրան Սարոյանն է: Չէ՞ որ նրան վերջերս Հանրային հեռուստատեսության եթերում կնքեցին որպես Հայաստանի միտք, խիղճ և պատիվ: Նաև՝ էթիկայի ու էսթետիկայի օրենսդիր:

Պետրոս Ալեքսանյան

Print Friendly and PDF

Այս խորագրի վերջին նյութերը

... և Կճոյանը մաքրում է հեղափոխության բոլոր հետքերը (տեսանյութ)

... և Կճոյանը մաքրում է հեղափոխության բոլոր հետքերը (տեսանյութ)

Հոկտեմբեր 15, 2018 13:17 Մեր «հոգևորականները» քաղաքականապես շատ ճկուն են. կճոյաններն առաջնորդվում են «ով էշ, ես փալան» սկզբունքով:
«Սասնա ծռերը» ընդդիմանո՞ւմ են Նիկոլ Փաշինյանին

«Սասնա ծռերը» ընդդիմանո՞ւմ են Նիկոլ Փաշինյանին

Հոկտեմբեր 15, 2018 00:05 Որքան մոտենան ընտրությունները, այնքան «ծռերի» հակադրությունը Փաշինյանի հետ կմեծանա:
Ինչպես ամբոխի մեջ հայտնաբերել հակահեղափոխականին. մեթոդական ցուցում

Ինչպես ամբոխի մեջ հայտնաբերել հակահեղափոխականին. մեթոդական ցուցում

Հոկտեմբեր 14, 2018 13:26 Ովքեր չեն ցանկանում, որ Նիկոլ Փաշինյանի գլխավորած ցուցակը ԱԺ արտահերթ ընտրություններում 90 տոկոսից պակաս քվե հավաքի, հակահեղափոխական են:
Ֆրանսիական հեղափոխության դասերը (տեսանյութ)

Ֆրանսիական հեղափոխության դասերը (տեսանյութ)

Հոկտեմբեր 13, 2018 14:42 Հեղափոխություններն ունենում են 3 հիմնական փուլեր՝ ժիրոնդիստական, յակոբինյան և թերմիդորական:
Պավլիկ Մորոզովի վերադարձը «Նոր Հայաստան» (տեսանյութ)

Պավլիկ Մորոզովի վերադարձը «Նոր Հայաստան» (տեսանյութ)

Հոկտեմբեր 12, 2018 15:40 Եթե մենք չենք ուզում գնալ համայնավարների ճանապարհով, ապա չպետք է «Նոր Հայաստանում» պավլիկմորոզովություն քարոզենք:
Փաշինյանի մտքինն ու Մարությանի շուրթերինը

Փաշինյանի մտքինն ու Մարությանի շուրթերինը

Հոկտեմբեր 12, 2018 14:11 Մարությանը, կամա թե ակամա, բացահայտեց, որ իր շեֆի պատկերացմամբ՝ Հայաստանում ընդդիմադիր ուժ չպետք է լինի:
ՀՅԴ-ն կբոյկոտի՞ ընտրությունները

ՀՅԴ-ն կբոյկոտի՞ ընտրությունները

Հոկտեմբեր 11, 2018 14:57 Ի տարբերություն նախորդ խորհրդարանի՝ մենք անգամ ձևական ընդդիմություն չենք ունենա. բոլորը կլինեն հավասար, իսկ ոմանք՝ ավելի՛ հավասար:
Առնետի Սահմանադրությունը

Առնետի Սահմանադրությունը

Հոկտեմբեր 10, 2018 14:51 Հայաստանում հիմա առնետավազք է: Ընդ որում՝ «դուխո՛վ»:
Ո՞ւր կորան ընտրակեղծարարները

Ո՞ւր կորան ընտրակեղծարարները

Հոկտեմբեր 10, 2018 13:50 ՀՀԿ-ական այն պատգամավորները, ովքեր լքում են խորտակվող նավակը, ոչ թե ընտրակեղծարարներ ու «առնետներ» են, այլ հպարտ քաղաքացիներին միացած հպարտ պատգամավորներ:
Ի՞նչ է սպասվում ԲՀԿ-ին

Ի՞նչ է սպասվում ԲՀԿ-ին

Հոկտեմբեր 10, 2018 11:38 Գագիկ Ծառուկյանը քաղաքական «ջոկերի» կարգավիճակը վերջնականապես կորցրեց: ԲՀԿ-ի մասով նոր իշխանություններն ունեն մինիմում և մաքսիմում ծրագրեր:
«Առնետավազքը» և «անասնագողությունը»

«Առնետավազքը» և «անասնագողությունը»

Հոկտեմբեր 09, 2018 23:42 Հայաստանում հիմա «առնետավազքի» բաց առաջնություն է: Հպարտ քաղաքացիներին միանում են հպարտ պատգամավորները:
1998-ին ու 2018-ին տեղի ունեցածների էական տարբերությունը. ո՞րն է «առնետավազքը»

1998-ին ու 2018-ին տեղի ունեցածների էական տարբերությունը. ո՞րն է «առնետավազքը»

Հոկտեմբեր 09, 2018 14:11 2018-ին մենք ականատեսն ենք դառնում «առնետավազքի»: Սա «թավշյա» իշխանափոխություն է, որին մասնակից են դարձրել հպարտ քաղաքացիներին:
Ծառուկյանի վերջին հուշագիրը. ԲՀԿ-ն կանցնի՞ հաջորդ խորհրդարան

Ծառուկյանի վերջին հուշագիրը. ԲՀԿ-ն կանցնի՞ հաջորդ խորհրդարան

Հոկտեմբեր 09, 2018 12:38 2011-ին ու 2018-ին ստորագրած հուշագրերի տարբերությունների մասին. Ծառուկյանի անվերադարձ նահանջը:
«Թողեք՝ աշխատեն»

«Թողեք՝ աշխատեն»

Հոկտեմբեր 08, 2018 14:55 Պետք է թողնել, որպեսզի աշխատի կառավարությունը, աշխատի Երևանի քաղաքապետ Հայկ Մարությանը, որպեսզի տեսնենք, թե ինչի են նրանք ունակ բացի փողոցային պայքարից:
Փաշինյանի ու Ծառուկյանի փոխբացառող սցենարները

Փաշինյանի ու Ծառուկյանի փոխբացառող սցենարները

Հոկտեմբեր 08, 2018 14:27 Ծառուկյանը, վերջին հաշվով, դեմ է նաև Փաշինյանի վարչապետությանը (ԲՀԿ առաջնորդը սեփական սցենարն ունի), բայց այս պահին չի բարձրաձայնում այդ մասին:
Հեղափոխության և հակահեղափոխության մասին

Հեղափոխության և հակահեղափոխության մասին

Հոկտեմբեր 05, 2018 16:46 Իշխանության գալուց հետո ցանկացած հեղափոխական  դառնում է խիստ պահպանողական ու հակահեղափոխական։
Գագիկ Ծառուկյանը՝ հեղափոխության և «ասֆալտին պառկելու» արանքում

Գագիկ Ծառուկյանը՝ հեղափոխության և «ասֆալտին պառկելու» արանքում

Հոկտեմբեր 05, 2018 14:16 Հեղափոխության ախորժակն ուտելիս է բացվում, բայց հեղափոխությունը նաև իր զավակներին խժռելու հատկություն ունի։
Հեղափոխական տուրբուլենտության նոր փուլ

Հեղափոխական տուրբուլենտության նոր փուլ

Հոկտեմբեր 05, 2018 12:56 Փաշինյանն առաջնորդվում է «Ամբողջը և հիմա» կարգախոսով, ինչը կոնֆլիկտածին է։
Կամավոր և բռնի ստրկացման տարբերությունները

Կամավոր և բռնի ստրկացման տարբերությունները

Հոկտեմբեր 04, 2018 23:57 Սուտը և մանիպուլյացիան կամավոր ստրկացման լավագույն գործիքներն են։
Հեղափոխությունը և կռապաշտությունը

Հեղափոխությունը և կռապաշտությունը

Հոկտեմբեր 01, 2018 12:00 Չի բացառվում ուխտագնացությունը: Մեր Մեքքան կարող է դառնալ Գյումրի-Վանաձոր ճանապարհահատվածը: