Թուրքիայի նախագահ Ռեջեփ Թայիփ Էրդողանը հայտարարել է, որ ինչպես Սիրիայում «Եփրատի վահան» գործողության ընթացքում զորքեր մտցրեցին, այդպես էլ Սիրիայի քրդերի Աֆրին շրջան «Մի գիշեր հանկարծակի կարող են գալ»: Այս մասին Թուրքիայի նախագահը հայտարարել է Յոզղաթում իշխող «Արդարություն և զարգացում» կուսակցության համաժողովի ընթացքում:

Թեև AP գործակալությունը նշում է, որ Թուրքիայի նախագահը հայտնել է, թե «մոտ օրերս կմտնեն Աֆրին», սակայն այս հայտարարությունից նման հստակ եզրահանգում հնարավոր չէ անել: Հիշեցնենք, որ թուրքիայի նախագահը վերջին ամիսներին պարբերաբար է նման հայտարարություն կատարում, սակայն առայժմ պարզ չէ, թե արդյոք Սիրիայի մյուս կարևոր խաղացողների հետ այդ հարցի շուրջ կարողացել են համաձայնության հասնել՝ թե ոչ:

Հիշեցնենք, որ Թուրքիան այս պահին զինուժ ունի Հալեպից հույսիս՝ Ազազի շրջանում, ինչպես նաև Իդլիբի հյուսիսում՝ անմիջապես Աֆրինին սահմանակից հատվածներում: Եթե հաշվի առնենք նաև թուրք-սիրիական սահմանի թուրքական ստորաբաժանումները, ապա Թուրքիան Աֆրինը փաստացի 4 կողմից շրջափակել է (բացառությամբ Հալեպից արևելք մի հատվածի, որ վերահսկում է Սիրիայի բանակը):

Աղբյուրը՝ razm.info