Մեկնաբանություն

Հունվար 24, 2018 20:40

Ինչո՞ւ ընտրվեց Արմեն Սարգսյանը

Ինչո՞ւ ընտրվեց Արմեն Սարգսյանը

ՀՀ նախագահի պաշտոնում տարբեր անուններ էին շրջանառվում, սակայն ընտրությունը կանգ առավ Արմեն Սարգսյանի վրա: Հարց է առաջանում, թե ինչո՞ւ հատկապես նրա թեկնածությունն առաջ քաշեց Սերժ Սարգսյանը:

Լրագրողական ու այսպես կոչված փորձագիտական շրջանակները տարբեր վարկածներ են ներկայացնում: Ահա դրանցից մի քանիսը.

1.Սերժ Սարգսյանն արևմտամետ քաղաքականություն է վարում և, այդ իսկ պատճառով, նշանակել է արևմտամետ Արմեն Սարգսյանին,

2.Արմեն Սարգսյանը հա՛մ արևմտամետ է, հա՛մ ռուսամետ, և ՀՀԿ ղեկավարն առաջարկել է կոմպլեմենտար թեկնածուի,

3.Արմեն Սարգսյանը զբաղված է Հայաստանի իշխանական վերնախավի ոչ լեգալ փողերի ստվերային մենեջմենտով և այդ ամենի դիմաց որպես փոխհատուցում ստացել է նախագահի պաշտոնը,

4.Բրիտանացիները մեր տարածաշրջանում ակտիվանում են և Հայաստանում ներդրել են իրենց «մարդուն»:

Կան նաև նմանատիպ ու նմանաբովանդակ այլ վարկածներ, բայց դրանք, ըստ իս, չեն արտահայտում իրականությունը (Սերժ կամ Արմեն Սարգսյանին արևմտամետ կամ ռուսամետ համարելը, առավելևս Արմեն Սարգսյանին Բրիտանիայի ներկայացուցիչ դիտարկելը քաղաքական ֆանտազիայի դրսևորում է. նրանք ոչմիբանամետ են, ավելի ճիշտ՝ սեփական շահի հետևից գնացողներ): Այդ վարկածների մեջ, իհարկե՛, կա որոշակի ճշմարտության հատիկ, բայց ընդամենը հատիկ:

Սերժ Սարգսյանը լավ կյանքից չէ, որ Արմեն Սարգսյանին առաջարկել է դառնալ ՀՀ նախագահ: Վարչապետության նա, անշո՛ւշտ ձգտում է և ամենայն հավանականությամբ կդառնա, բայց հետագայի համար լուրջ մտավախություններ ունի: Որո՞նք են այդ մտավախությունները:

Ս. Սարգսյանին հաջողվել է փոշիացնել քաղաքական դաշտը: Կուսակցություններն ու քաղաքական միավորները դարձել են ձևական երևույթներ: Առաջին պլան է մղվել փողը: Հիմա մեզանում ազդեցիկ են ոչ թե այս կամ այն քաղաքական խմբերը, կամ գաղափարները, այլ փողատերերը, որոնք հայտնվել են քաղաքական թատերաբեմում:

Հայաստանում բացի բուն իշխանությունից, փողատերերի երկու խոշոր խմբավորում կա, որոնք հավակնություններ ունեն: Այդ հավակնությունները մաքուր քաղաքական չեն: Դրանք ֆինանսական ու դիրքային հավակնություններ են, որոնք առնչվում են իշխանության հարցին, այսինքն՝ ի վերջո հավակնությունները քաղաքականացվում են և մտավախության տեղիք տալիս Ս. Սարգսյանի համար:

Այդ երկու խոշոր խմբավորումներն են՝ Գագիկ Ծառուկյանի շուրջ ձևավորված թիմը, որին պայմանականորեն կարելի է անվանել «Խնամիների թիմ» և ռուսաստանաբնակ հայ միլիարդատեր Սամվել Կարապետյանի («Տաշիր») շուրջ ձևավորված խումբը, որի մեջ է մտնում նաև վարչապետ Կարեն Կարապետյանը:

Հայաստանում կան նաև այլ խոշոր փողատերեր, բայց նրանք ուղիղ Սերժ Սարգսյանի ենթակայության տակ են, կամ էլ՝ իշխանության հարցում հավակնություններ չեն ցուցաբերում, այսինքն՝ օլիգարխիկ պայքարի մեջ չունեն գլխավոր դերակատարում:

Սերժ Սարգսյանին այս փուլում հաջողվել է իրար դեմ հանել ծառուկյանականներին ու տաշիրներին, ինչը նրան հնարավորություն է տվել վերահսկելի դարձնել երկուսի գործողությունները, սակայն ՀՀԿ ղեկավարը համոզված չէ, որ այսօրվա հակառակորդները վաղը չեն հաշտվի, չեն միավորվի ու լիարժեք խորհրդարանական կառավարման համակարգի պայմաններում իր դեմ դուրս չեն գա: Ահա այդ մտավախությունն է, որ նրան ստիպել է խաղի մեջ մտցնել 3-րդ փողատիրոջը՝ Արմեն Սարգսյանին: Նպատակը օլիգարխիկ համակարգում նոր դեմքի մուտք ապահովելն ու այլ դասավորություն ստեղծելն է:

Երբ Ս. Սարգսյանը հայտարարում էր, թե նոր նախագահը չպետք է քաղաքականացված լինի, նախևառաջ նկատի ուներ այն, որ նոր նախագահը չպետք է կապվածություն ունենա Հայաստանի մյուս խոշոր ֆինանսական խմբերի հետ: Սարգսյանի պատկերացմամբ՝ դա է հենց չեզոքությունն ու անաչառությունը:

ՀՀԿ ղեկավարը ձգտելու է Արմեն Սարգսյանի միջոցով բարդացնել փողատերերի խաղը, քանզի երեք սուբյեկտ միշտ ավելի դժվար կպայմանավորվեն, քան երկուսը: Բարդացնելով խաղը՝ նա փորձելու է փխրուն հավասարակշռություն ստեղծել ու պահել իշխանությունը: Կհաջողվի՞ դա նրան, թե՞ ոչ, ցույց կտան առաջիկա ամիսները:

Մեկ բան հստակ է՝ նոր Սահմանադրության պայմաններում Հայաստանին բնորոշ է լինելու պետական կառավարման քաոսը և զարգացումների անորոշությունը: Մեծանալու է ֆորսմաժորների, պալատական հեղաշրջումների և հանրային ցնցումների հավանականությունը:

Նոր Սահմանադրությամբ ՀՀ-ի տակ ական է դրված ու չի բացառվում, որ այդ ականի պայթյունից առաջացած փլատակների տակ մնան հենց ականապատողները: Դեռ հնուց խոսք կա, որ խորամանկ աղվեսը զույգ ոտքով է թակարդն ընկնում:

Կորյուն Մանուկյան

Այս խորագրի վերջին նյութերը

Նիկոլ Փաշինյանին պետք են մեծ ցնցումներ. ինչո՞ւ

Նիկոլ Փաշինյանին պետք են մեծ ցնցումներ. ինչո՞ւ

Մայիս 24, 2019 13:40 Մնալ փողոցի հույսին նշանակում է գնալ պոպուլիզմի ու մեծ ցնցումների ճանապարհով։
Աշխարհն, այո՛, շուռ է եկել

Աշխարհն, այո՛, շուռ է եկել

Մայիս 24, 2019 12:35 ԱԺ փոխխոսնակի մակարդակով իրենց կողմնակիցներին կոչ են անում գործի դնել «դոնոսի» ինստիտուտը։
Ի՞նչ ցույց տվեց ՀՅԴ–ի հանրահավաքը (ֆոտոշարք)

Ի՞նչ ցույց տվեց ՀՅԴ–ի հանրահավաքը (ֆոտոշարք)

Մայիս 24, 2019 00:10 Հետհեղափոխական Հայաստանում առաջին անգամ Նիկոլի «փողոցային» մենաշնորհը կոտրվեց։ Եվ սա դեռ սկիզբն է։
Հայաստանը «ԶԱՍվեց». Փաշինյանի հերթական ձախողումը

Հայաստանը «ԶԱՍվեց». Փաշինյանի հերթական ձախողումը

Մայիս 23, 2019 10:45 Բայց դե, կարևորը՝ «դուխո՛վ», ժողովո՛ւրդ ջան, դուխո՜վ։
Դեղին քարտ` Փաշինյանին ու իր թրաշամանուկներին

Դեղին քարտ` Փաշինյանին ու իր թրաշամանուկներին

Մայիս 23, 2019 10:20 Եվրոպական հանրությունը բավական կոշտ և աներկբա արձագանքեց «փողոցը» դատարանների վրա քսի տալու արկածախնդիր նախաձեռնությանը։
«Հեղափոխական Հայաստանի» 2 ամիսն ու 2  թիվը

«Հեղափոխական Հայաստանի» 2 ամիսն ու 2 թիվը

Մայիս 22, 2019 21:50 Ի՞նչ տեղի ունեցավ այս 2 ամսվա ընթացքում, և ինչո՞ւ է 2 թվին հաջորդել 2-ը։
Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Վահան Բադասյանը՝ Նիկոլ Փաշինյանի հակապետական «քասթինգի» մասնակից (տեսանյութ)

Մայիս 21, 2019 14:25 Փաշինյանն Ադրբեջանում ոգևորություն է առաջացրել, և հիմա այնտեղ քննարկվում է Արցախի վրա կայծակնային հարձակում իրականացնելու հնարավորությունը:
«Ժողովրդի» սրտի դատախազը (տեսանյութ)

«Ժողովրդի» սրտի դատախազը (տեսանյութ)

Մայիս 21, 2019 13:40 Սիրուց մինչև ատելություն և հակառակ ուղղությամբ ընդամենը մեկ «Մարտի 1»-ի գործ է:
«Ծերուկն» անտանելի է դառնում

«Ծերուկն» անտանելի է դառնում

Մայիս 21, 2019 09:45 Իր անփառունակ կառավարումը երկարաձգելու միակ շանսը սահմանադրական կարգն անշրջելիորեն տապալելն է։
Նիկոլ Փաշինյանի ինքնախոստովանական ցուցմունքը

Նիկոլ Փաշինյանի ինքնախոստովանական ցուցմունքը

Մայիս 20, 2019 13:50 Քա՛յլ արա, մերժի՛ր թուրքին։
Ում արածներն է կրկնում Նիկոլ Փաշինյանը

Ում արածներն է կրկնում Նիկոլ Փաշինյանը

Մայիս 20, 2019 11:20 Ռոբերտ Քոչարյանի հետ կապված դատարանի որոշումն ընդամենը առիթ էր Փաշինյանի համար։
Փողոցային «արդարադատություն» (տեսանյութ)

Փողոցային «արդարադատություն» (տեսանյութ)

Մայիս 19, 2019 12:35 Եթե Նիկոլ Փաշինյանին թվում է, որ հասարակությանը՝ ամբոխ, իսկ ամբոխին՝ ոհմակ սարքելու արդյունքում ինքը շահելու է, ապա չարաչար սխալվում է։
Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Սահակյանը և Ղուկասյանը չէին կարող ձեռքերը լվանալ ու մի կողմ քաշվել

Մայիս 18, 2019 08:14 Քոչարյանը «փախուստի դիմող» չէ. ազատության մեջ մնալով` չի փորձի խոչընդոտել արդարադատությանը, ինչպես ժամանակին` Նիկոլը և Վանոն։
Նիկոլ Փաշինյանի «քուանշը» Արթուր Դավթյանը սրել է (տեսանյութ)

Նիկոլ Փաշինյանի «քուանշը» Արթուր Դավթյանը սրել է (տեսանյութ)

Մայիս 17, 2019 18:10 Նիկոլ Փաշինյանի համար Արթուր Դավթյանն այժմ Քոչարյանի «գործով» նրա գլխավոր ներկայացուցիչն ու հույսն է դատարանում:
«TV 5»-ի սեփականատեր Արմեն Թավադյանի դեմ գործ է հարուցվում

«TV 5»-ի սեփականատեր Արմեն Թավադյանի դեմ գործ է հարուցվում

Մայիս 17, 2019 17:15 Սա ամբողջությամբ տեղավորվում է Նիկոլ Փաշինյանի՝ իր կողմից չվերահսկվող լրատվամիջոցների դեմ արշավ սկսելու անթաքույց ցանկության շրջանակներում:
Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Տիգրան Ավինյանն՝ ընդդեմ իշխանական քարոզչամեքենայի (տեսանյութ)

Մայիս 17, 2019 13:40 Ռոբերտ Քոչարյանի «գործն» աննախադեպ է բոլոր առումներով։ Այն ամբողջությամբ քաղաքական է։ Իրավական մասը «ջուր» է և կողմնակալ։
Պատային իրավիճակ. ի՞նչ անել, երբ «քայլելու» տեղ չունես

Պատային իրավիճակ. ի՞նչ անել, երբ «քայլելու» տեղ չունես

Մայիս 16, 2019 17:20 Ստեղծված «ոչ կոնվենցիոնալ» իրավիճակում Փաշինյանը դեմքը փրկելու մի՛ տարբերակ ունի ...
Արմեն Սարգսյանի հրապարակային երկրորդ «ապտակը» Նիկոլ Փաշինյանին

Արմեն Սարգսյանի հրապարակային երկրորդ «ապտակը» Նիկոլ Փաշինյանին

Մայիս 16, 2019 16:00 Սարգսյանն ընդառաջ չգնաց Փաշինյանի «կապրիզներին»: Ո՞վ կհաղթի նյարդերի այս պատերազմում:
Լյումպենը տարերքի մեջ է

Լյումպենը տարերքի մեջ է

Մայիս 16, 2019 00:30 Նիկոլականները ծանր են տարել, որ Քոչարյանը մենակ չէ`կան մարդիկ, որոնք գնահատում են 2-րդ նախագահի պաշտոնավարման տարիների արդյունքները և սատարում են նրան։
Դատարանում` ինչպես դատարանում

Դատարանում` ինչպես դատարանում

Մայիս 15, 2019 00:37 Դատավորը որքանո՞վ է պատրաստ «հերոս լինել», կարո՞ղ է վեր կանգնել հեղափոխական կոնյունկտուրայի «թելադրանքից» և քվեարկել «խղճի մտոք»։