Ադրբեջանում բողոքի ակցիա է կազմակերպվել ԱՄՆ-ի դեմ (տեսանյութ)

Ադրբեջանում բողոքի ակցիա է կազմակերպվել ԱՄՆ-ի դեմ (տեսանյութ)

Օգոստոս 14, 2018 20:33 Պատճառը Թուրքիայի դեմ սահմանված պատժամիջոցներն են:
Մարտի 1-ի գործը ԱՄՆ կառավարության ուշադրության կենտրոնում է. դեսպան Միլս

Մարտի 1-ի գործը ԱՄՆ կառավարության ուշադրության կենտրոնում է. դեսպան Միլս

Օգոստոս 14, 2018 19:59 «ԱՄՆ կառավարությունը վաղուց ցանկանում էր տեսնել ամբողջական և անկողմնակալ քննությունը»։

Մեկնաբանություն

Փետրվարի 12, 2018 10:50

Հաստիքային ժպտացողի պլագիատը

Հաստիքային ժպտացողի պլագիատը

ՀՀ նախագահի թեկնածու Արմեն Սարգսյանը շարունակում է թարմացնել իր ֆոտոալբոմը և ապացուցել, որ ՀՀԿ-ն պատահաբար չէ իրեն ընտրել (Սերժ Սարգսյանն, իրոք, շատ լավ է ճանաչում իր հաճախորդներին. Կարեն Կարապետյանի ականջը կանչի): Այդ առումով, ի դեպ, նա օրիգինալ չէ: Նույնիսկ կարելի է ասել, որ պլագիատ է անում: Կրկնօրինակում է իրեն նախագահ առաջարկողին՝ Սերժ Սարգսյանին:

Ինչպես հայտնի է, 2008-ից սկսած Սերժ Սարգսյանը բազմաթիվ ֆոտոսեսիաներ է ունեցել: Սկզբում հավաքվում էին Մարզահամերգային համալիրում և լուսանկարվում ՀՀ-ում գրանցված բոլոր կուսակցություններն ու ՀՀԿ ղեկավարը: Հայտարարվում էր, թե իբր բոլորի հետ լրջորեն քննարկվում են հայ ժողովրդին հուզող հարցերը, բայց պարզ էր, որ 70-ից ավելի կուսակցապետի հետ ընդամենը ժամանակ է մաշվել՝ հանրային ուշադրությունը զբաղեցնելու համար:

Հետո ասվեց, որ հայ-թուրքական «Ֆուտբոլային» դիվանագիտության վերաբերյալ սփյուռքի կարծիքն իմանալու համար միջազգային «տուռնե» է կազմակերպվելու: Սերժ Սարգսյանը դահլիճներում նկարվում էր, իսկ հրապարակներում արժանանում քննադատության: Բայց նրան ոչ այդ դահլիճներն էին հետաքրքրում, ոչ էլ՝ հրապարակները: Պարզ էր, որ որոշումը կայացված էր ու սփյուռքի կարծիքը ձևական են լսելու (հատկապես, որ «սփյուռքի կարծիք» կոչվածը շատ հարաբերական բան է), բայց ամեն դեպքում «գալոչկան» դրեցին:

Վերջին տարիներին բազմաթիվ այլ առիթներ եղան ֆոտոսեսիաների համար: Մասնավորապես տպավորիչ էին սահմանադրական փոփոխություններին ընդառաջ տեղի ունեցած ֆոտոսեսիաները: Դա հաճախորդների յուրօրինակ «պառադ» էր, ես կասեի՝ «ռազմավարի» ցուցադրում: Դա նաև հանրային հաշվետվություն էր. բոլորին ցույց էին տալիս, թե ինչ է տեղի ունեցել քաղաքական կոչված դաշտի հետ և ինչպես են քաղաքական թրաֆիքինգի ենթարկել ոմանց:

Պարզ է, որ այդ ժամանակ ոչ թե ֆոտոսեսիայի մասնակիցների կարծիքն էին հարցնում սահմանադրական փոփոխությունների վերաբերյալ, այլ պարզապես նրանց օգտագործում որպես դեկորացիա՝ «համազգային միասնության» ֆոն ապահովելու նպատակով (մասնակիցներից ոմանք հետագայում խրախուսական մրցանակ ստացան պատգամավորական մանդատի տեսքով):

Հիմա նույն մեթոդը կիրառում է Արմեն Սարգսյանը, ով այս ընթացքում հռչակել է 4-րդ հանրապետություն և չհիմնավորված ժպիտը դեմքին գնում է այդ հանրապետության 1-ին նախագահը դառնալու ուղղությամբ:

Ակնհայտ է, որ Արմեն Սարգսյանը ոչ պակաս ֆոտոսեսիայական շոուների սիրահար է, բայց այդ ժանրը Հայաստանում արդեն հասցրել է հնամաշ դառնալ և արժեզրկվել: Բացի այդ՝ կրկնօրինակը միշտ զիջում է օրիգինալին:

Իսկ եթե Ա. Սարգսյանը շոու չի անում, այլ իրոք հանդիպում է ներսի ու դրսի հայտնի ու անհայտ մարդկանց, որպեսզի որոշում կայացնի, ապա նա դրանով ցույց է տալիս իր ոչ համարժեքությունը ներկայիս իրավիճակին:

Մարդն ինչքան պետք է հայաստանյան իրականությունից կտրված լինի, որ «Հանդիպումներ հանրության լայն շրջանակների հետ» թեմայով գնա ու նկարվի ռամկավարների, հնչակների ու Դեմկուսի միակ ներկայացուցիչ Արամ Գասպարիչի հետ: Այդ տրամաբանությամբ Արմեն Սարգսյանը կարող է մեր հարևան Վալոդին հանդիպել և, ի դեպ, շատ ավելի արժեքավոր տեսակետ լսել Հայաստանի ներքին կյանքի մասին, քան մինչև հիմա լսել է:

Տպավորությունն այնպիսին է, որ Արմեն Սարգսյանի համար Հայաստանի քաղաքական կյանքը մնացել է 1996-ի մատույցներում և ինքը հնուց ում մասին լսել է, նրանց էլ հանդիպում է:

22 տարի առաջ ռամկավարներն ու Դեմկուսի Արամ Սարգսյանը քաղաքական կյանքի ակտիվ մասնակիցներ էին: Վերջինս նախագահական կեղծված ընտրություններից հետո թաքնված էր, քանզի եղել էր նախագահի թեկնածու Վազգեն Մանուկյանի թիմակից ու հետապնդվում էր իշխանությունների կողմից:

Եթե 96-ի կեղծված ընտրություններից հետո վարչապետ նշանակված Արմեն Սարգսյանն այն ժամանակ հանդիպեր Դեմկուսի Արամ Սարգսյանին, ապա դա քաղաքական ակցիա կլիներ ու տրամաբանական: Բայց երբ հիմա է հանդիպում, դա նշանակում է, որ Լոնդոնից Հայաստանի ներքին կյանքը բացարձակապես չի երևում ու հետագայում հազիվ էլ երևա:

Արժանին պետք է մատուցել Սերժ Սարգսյանի՝ «քասթինգ» իրականացնելու կարողությանը: Որտեղի՞ց էլ սրանց պեղում ու բերում է: Մեկին՝ Մոսկվայից, մյուսին՝ Լոնդոնից: Բայց չէ՞ որ խոստացվել էր հայրենիքը կրկեսի չվերածել:

Պետրոս Ալեքսանյան

Print Friendly and PDF

Այս խորագրի վերջին նյութերը

Ամուլսարի «ոդիսականը» և կառավարության անելիքը

Ամուլսարի «ոդիսականը» և կառավարության անելիքը

Օգոստոս 11, 2018 10:45 Նիկոլ Փաշինյանի կառավարությունն իր հակակոռուպցիոն պայքարի շրջանակներում պետք է մի շարք հարցեր պարզի ու ներկայացնի հանրությանը:
Գովազդային դադար - 2 (տեսանյութ)

Գովազդային դադար - 2 (տեսանյութ)

Օգոստոս 07, 2018 10:50 Սերժ Սարգսյանը վարչապետի աթոռին մի քանի օր մնաց ու հետո մերժվեց, բայց դեռ երկար ճանապարհ կա անցնելու՝ սերժիզմը մերժելու համար (չմոռանանք, թե ինչու ենք հավաքվել):
Հայաստանի «ֆոնդային» անկումը

Հայաստանի «ֆոնդային» անկումը

Օգոստոս 06, 2018 21:09 Ցանկացած որոշման դեպքում պատասխանատվությունը վարչապետ Նիկոլ Փաշինյանինն է:
Ո՞ւմ է ձեռնտու հայ-ռուսական «փոխհրաձգությունը»

Ո՞ւմ է ձեռնտու հայ-ռուսական «փոխհրաձգությունը»

Օգոստոս 03, 2018 14:20 ՌԴ-ն իրավունք չունի միջամտել ՀՀ ներքին գործերին ու չի միջամտում, բայց ՀՀ-ն պետք է «քթածակություն» դրսևորի որոշ հարցերում ու իրեն համասեփականատեր զգա:
Պանդորայի արկղը և «մարդասիրական» գիլյոտինը

Պանդորայի արկղը և «մարդասիրական» գիլյոտինը

Օգոստոս 03, 2018 12:20 «Գլուխների» մասով բավարարվում է հոգեկանը, իսկ էքսպոպրիացիայի մասով՝ ստամոքսայինը:
«Մարտի 1»-ի թիվ մեկ պատասխանատուն և շահառուն

«Մարտի 1»-ի թիվ մեկ պատասխանատուն և շահառուն

Օգոստոս 01, 2018 17:25 Ով ինչ ցանում է, այն էլ հնձում է։
Ի՞նչ է կատարվում Ամուլսարում

Ի՞նչ է կատարվում Ամուլսարում

Օգոստոս 01, 2018 16:30 Կառավարությունը պետք է քայլ անի ու որոշում կայացնի։ Մասնագիտական ու քաղաքական որոշում։
Սերժ Սարգսյանը կվերադառնա՞ Հայաստան

Սերժ Սարգսյանը կվերադառնա՞ Հայաստան

Հուլիս 30, 2018 22:55 Սերժ Սարգսյանը միշտ էլ «փախած» է լինում ֆորսմաժորային կամ ոչ ստանդարտ իրավիճակներում:
Ովքեր և ինչու են քարոզում Սամվել Բաբայանի դեմ. «տուշոնկայի վկաները» (տեսանյութ)

Ովքեր և ինչու են քարոզում Սամվել Բաբայանի դեմ. «տուշոնկայի վկաները» (տեսանյութ)

Հունիս 20, 2018 20:00 Սերժ Սարգսյանն իր կապիտալի նախնական կուտակումն սկսել է Ղարաբաղյան պատերազմի տարիներին ու ըստ լավատեղյակների՝ մանվելություն արել:
«Գովազդային» դադար (տեսանյութ)

«Գովազդային» դադար (տեսանյութ)

Մայիս 06, 2018 10:19 Մինչ հեղափոխական գործընթացում «գովազդային» ընդմիջում է հայտարարված ...
ՀՀԿ-ի գերեզմանափորը

ՀՀԿ-ի գերեզմանափորը

Մայիս 04, 2018 12:50 Սերժ Սարգսյանի մուտքը ՀՀԿ նշանավորվել էր պետական ապարատի ու կիսաքրեական տարրերի «ամուսնությամբ»:
Հասնել ՀՀԿ-ի հեռացմանն ու ՀՀԿ-իզմի վերացմանը

Հասնել ՀՀԿ-ի հեռացմանն ու ՀՀԿ-իզմի վերացմանը

Ապրիլ 30, 2018 11:15 ՀՀԿ-ականները դարձան գլխավոր ծաղրածուներ կամ էլ՝ «Նա անփոխարինելի է» նախադասությունը կրկնող թութակներ:
Հեղափոխական տրամաբանություն

Հեղափոխական տրամաբանություն

Ապրիլ 25, 2018 11:10 Հեղափոխության հաղթանակը ենթադրում է ոչ միայն Սերժ Սարգսյանի, այլ նաև նրա ողջ շրջապատի, այսինքն՝ ՀՀԿ-ի, շմայսերի, սաքուլիկների, գագիկհարությունյանների և մյուս օդիոզ ու «թթված» դեմքերի հեռացում:
Մեկ քայլանի կոմբինացիան ավարտվեց. ՀՀԿ-ն կքվեարկի՞ Նիկոլի օգտին

Մեկ քայլանի կոմբինացիան ավարտվեց. ՀՀԿ-ն կքվեարկի՞ Նիկոլի օգտին

Ապրիլ 24, 2018 11:05 Սերժը գնաց, բայց ՀՀԿ-ն մնաց: Մնաց նաև ապագա իշխանության կոնֆիգուրացիայի հարցը:
Ո՞ր տարբերակը կընտրի Սերժ Սարգսյանը

Ո՞ր տարբերակը կընտրի Սերժ Սարգսյանը

Ապրիլ 23, 2018 15:30 Սերժ Սարգսյանը պետք է հասկանա, որ չհեռանալու տարբերակ չունի: Նա ԴԵՌ ունի ընտրության հնարավորություն՝ հեռանալու ձևի ընտրության հնարավորություն:
Ո՞րն է լինելու հանգուցալուծումը

Ո՞րն է լինելու հանգուցալուծումը

Ապրիլ 21, 2018 15:35 Փաշինյանի ու Սարգսյանի պահանջներն ու նպատակները փոխբացառող են: Չկա հատման կետ: Երկուսն էլ կապիտուլյացիա են առաջարկում դիմացինին:
Սերժ Սարգսյանի ակամա ինքնախոստովանությունը (տեսանյութ)

Սերժ Սարգսյանի ակամա ինքնախոստովանությունը (տեսանյութ)

Ապրիլ 19, 2018 13:25 Սերժ Սարգսյանի խոսքի արժեքը զրոյացել է իր իսկ նախաձեռնությամբ: Բոլոր այն խոստումները, որոնք նա տվել է` իրականացել են հակառակ նշանով:
Կարեն Կարապետյանը չփոխեց, բայց փոխվեց (տեսանյութ)

Կարեն Կարապետյանը չփոխեց, բայց փոխվեց (տեսանյութ)

Ապրիլ 19, 2018 10:00 Ժիլետի և թմբուկի կարիք «լուսավոր» հաճախորդ Էդմոն Մարուքյանի սիրելի Սերժ Սարգսյանն այլևս չունի:
Էդմոնն ու Արամը արդարացրին Սերժ Սարգսյանի հույսերը, բայց ...

Էդմոնն ու Արամը արդարացրին Սերժ Սարգսյանի հույսերը, բայց ...

Ապրիլ 18, 2018 13:05 Երեկ Սերժ Սարգսյանին հաջողվեց կրկեսի վերածել խորհրդարանը (և ոչ միայն երեկ): Ամեն մեկն իր դերակատարումն ուներ:
Սերժ Սարգսյանի պյուռոսյան հաղթանակը

Սերժ Սարգսյանի պյուռոսյան հաղթանակը

Ապրիլ 18, 2018 11:10 Հիմա ՀՀԿ ղեկավարը շատ ավելի վատ հանրային ընկալում ունի, քան նույնիսկ 2008-ի մարտ 1-ի դեպքերից հետո: «Քա՛յլ արա, մերժի՛ր Սերժին»-ը այլևս դարձել է ազգային գաղափար: