Մեկնաբանություն

Ապրիլ 11, 2018 15:20

Հովիկ Աբրահամյանի ու Կարեն Կարապետյանի ճակատագրերը

Հովիկ Աբրահամյանի ու Կարեն Կարապետյանի ճակատագրերը

Նախկին վարչապետ Հովիկ Աբրահամյանն ու վարչապետի ժամանակավոր պաշտոնակատար դարձած Կարեն Կարապետյանը տարբեր հետագծերով հասան վարչապետի աթոռին:

Տարբեր են նրանց հետագծերը, սակայն նույնը՝ վարչապետությունից հեռացման ճանապարհը:

Երկուսն էլ վարչապետ դարձան հանգամանքների բերումով՝ ներքաղաքական իրավիճակով պայմանավորված (Աբրահամյանը տխրահռչակ Տիգրան Սարգսյանից հետո վարչապետ դարձավ որպես Ծառուկյանի խնամի և կոմպրոմիսային ֆիգուր, իսկ Կարապետյանին Մոսկվայից հրավիրեցին «Սասնա ծռերի» գործողություններից հետո, հատկապես որ առիթ էր պետք Հովիկ Աբրահամյանից ազատվելու համար):

Երկուսն էլ վարչապետության փուլում չհասկացան, որ եթե քաղաքականությամբ չզբաղվեն, ապա այն կզբաղվի իրենցով: Հովիկ Աբրահամյանն այնքան հեռու գնաց, որ հայտարարեց, թե քաղաքականությամբ զբաղվելու համար շատ խելք պետք չէ, իսկ Կարեն Կարապետյանը հրապարակավ տարանջատվեց քաղաքականությունից՝ հայտարարելով, թե ինքը մենեջեր է:

Երկուսն էլ չհասկացան, որ վարչապետ են դարձել օգտագործվելու համար: Չհասկացան նաև, որ հենց օգտագործման ժամկետն անցնի, ապա իրենց «կուլտուրական» կամ ոչ այնքան «կուլտուրական» ձևով Սերժ Սարգսյանը հեռացնելու է:

Հովիկ Աբրահամյանին թվում էր, որ եթե ինքը անսահման նվիրվածություն ցուցաբերի Սերժ Սարգսյանի նկատմամբ, մասնակցի «բամփոցիին», նպաստի սահմանադրական հանրաքվեի անցկացմանը, իրեն խելոք պահի ու հեռու մնա քաղաքականությունից, ապա Սերժ Սարգսյանն իրեն կփոխանցի իշխանությունը: Նրա կարծիքով, իշխանությունը, ասենք, հեծանիվ է, որը կարելի է վերցնել ուրիշից ու մի «կռուգ» քշել: Մարդը չի պատկերացնում, որ աշխարհում որևէ մեկը որևէ մեկին իշխանություն չի տալիս: Առավել ևս՝ ավտորիտար համակարգերում: Սերժ Սարգսյանն առաջնորդվում է «Մահ կամ իշխանություն» կարգախոսով (Սարգսյանն անձնական անվտանգության հարցով լուրջ մտահոգություններ ունի և դա հենց այն հիմնական մոտիվացիաներից է, որը նրան ստիպում է կառչած մնալ իշխանական աթոռից): Կույր է պետք լինել դա չտեսնելու համար:

Կարեն Կարապետյանին թվում էր, որ եթե ինքը մի գիշերվա մեջ իրեն և Սամվել Կարապետյանին ենթակա գազավիկներին ու էլեկտրիկներին զոռով լցնի ՀՀԿ, ապա «աչոկ» կհավաքի ու եթե դրան զուգահեռ նաև տնտեսական աճ ապահովի, ապա կմնա վարչապետ ապրիլի 9-ից հետո: Կարապետյանի համոզմամբ՝ թմբուկ նվագելը, գույնզգույն փողկապներ կապելը, «կրասավչիկ» լինելը հերիք է, որպեսզի իրեն թողնեն իշխանության մնա: Իշխանությունը, սակայն, վարձով տրվող ավտոմեքենա չէ, որ փողի դիմաց տան քշելու:

Աբրահամյանն ու Կարապետյանն իրենց հաշվարկներում սխալվեցին, քանզի կուլիսներում հավատացել էին Սերժ Սարգսյանի խոստումներին ու մատները մատներին չէին տվել:

Հիմա երկուսն էլ իրենց «քցված» են զգում, բայց պետք է բացառապես իրենք իրենց մեղադրեն. քաղաքականության մեջ առանց խելք հնարավոր չէ:

Օրինակ՝ հնարավոր չէ չհասկանալ, որ քեզ վարչապետ նշանակելուն պես Բ26-ին կից լրատվամիջոցները՝ «1in.am»-ի գլխավորությամբ, անցնում են հարձակման նույն Բ26-ի հրահանգով: Հնարավոր չէ նաև չհասկանալ, որ եթե Սարգսյանը քեզ նշանակել է ու զուգահեռաբար «փչացնում» է, նշանակում է՝ ժամանակի ընթացքում ձերբազատվելու է: Եթե հասկացել ես ու քայլ չես արել, ուրեմն վախկոտ ես, իսկ եթե չես հասկացել, ուրեմն՝ անխելք: Երկու դեպքում էլ վատ է:

Ինչպե՞ս կարելի է այնքան պարզունակ լինել, որ կուլ տալ մանկական «կտերն» ու հետո նեղանալ, թե բա «քցեցին»: «Քցելը» վատ բան է, բայց «քցվելու» հարցում կա մեղավոր երկու կողմ՝ «քցողն» ու «քցվողը»: Ընդ որում՝ երբ «քցվողը» նախորդ «քցվողների» փորձն աչքի առաջ ունենալով նույն տարբերակով «քցվում» է, ապա դա քաղաքական անգրագիտության ու քաղաքական անմեղսունակության վկայություն է: Իսկ, ինչպես հայտնի է, քաղաքականապես անգրագետներն ու անմեղսունակներն իրավունք չունեն պետական կառավարման համակարգում գտնվելու: Դա քաղաքագիտության օրենք է:

Հայկ Ուսունց

Հ.Գ.: Դատելով ամենից՝ Սերժ Սարգսյանը խոստացել է Կարեն Կարապետյանին, որ նա 1-ին փոխվարչապետի կարգավիճակում փաստացի պահպանելու է իր դիրքերը և մնալու է մինչև 2022 թվական, այսինքն՝ մինչև խորհրդարանական նոր ընտրություններ:

Կարող ենք գրազ գալ, որ Կարապետյանը կերել է այդ «կուտը» ևս և իրեն հանգիստ է զգում: Բայց շտապենք տխրեցնել Կարապետյանին: Բ26-ն իր քարոզչագործիք «1in.am»-ով արդեն անոնսը տվել է, ըստ որի՝ Կարենին հեռացնելու են նաև 1-ին փոխվարչապետի պաշտոնից:

Կարող ենք պնդել, որ եթե Սերժ Սարգսյանին հաջողվի դառնալ վարչապետ, ապա նրա դառնալուն պես քարոզչական դաշտում տոտալ «փչացնելու» են Կարապետյանին, որպեսզի ոչնչացնեն նրա հանրային վարկանիշն ամբողջությամբ ու հետո ուղարկեն Հովիկ Աբրահամյանի ուղղությամբ:

Եթե Կարապետյանն ուզում է գոնե պահպանել իր հանրային վարկանիշի վերջին փշրանքները, ապա պետք է իր մեջ ուժ գտնի ու դուրս գա կառավարությունից՝ չհամաձայնելով 1-ին փոխվարչապետի կարգավիճակին: Միևնույն է իրեն հեռացնելու են՝ դրանից առաջ «փչացնելով»: Ավելի լավ է, հետևաբար, ինքը գոնե պաշտոնավարման վերջին օրը քաղաքականությամբ զբաղվի՝ հրաժարվելով մաս կազմել Սերժ Սարգսյանի գլխավորած կառավարությանը:

Print Friendly and PDF

Այս խորագրի վերջին նյութերը

... և Կճոյանը մաքրում է հեղափոխության բոլոր հետքերը (տեսանյութ)

... և Կճոյանը մաքրում է հեղափոխության բոլոր հետքերը (տեսանյութ)

Հոկտեմբեր 15, 2018 13:17 Մեր «հոգևորականները» քաղաքականապես շատ ճկուն են. կճոյաններն առաջնորդվում են «ով էշ, ես փալան» սկզբունքով:
«Սասնա ծռերը» ընդդիմանո՞ւմ են Նիկոլ Փաշինյանին

«Սասնա ծռերը» ընդդիմանո՞ւմ են Նիկոլ Փաշինյանին

Հոկտեմբեր 15, 2018 00:05 Որքան մոտենան ընտրությունները, այնքան «ծռերի» հակադրությունը Փաշինյանի հետ կմեծանա:
Ինչպես ամբոխի մեջ հայտնաբերել հակահեղափոխականին. մեթոդական ցուցում

Ինչպես ամբոխի մեջ հայտնաբերել հակահեղափոխականին. մեթոդական ցուցում

Հոկտեմբեր 14, 2018 13:26 Ովքեր չեն ցանկանում, որ Նիկոլ Փաշինյանի գլխավորած ցուցակը ԱԺ արտահերթ ընտրություններում 90 տոկոսից պակաս քվե հավաքի, հակահեղափոխական են:
Ֆրանսիական հեղափոխության դասերը (տեսանյութ)

Ֆրանսիական հեղափոխության դասերը (տեսանյութ)

Հոկտեմբեր 13, 2018 14:42 Հեղափոխություններն ունենում են 3 հիմնական փուլեր՝ ժիրոնդիստական, յակոբինյան և թերմիդորական:
Պավլիկ Մորոզովի վերադարձը «Նոր Հայաստան» (տեսանյութ)

Պավլիկ Մորոզովի վերադարձը «Նոր Հայաստան» (տեսանյութ)

Հոկտեմբեր 12, 2018 15:40 Եթե մենք չենք ուզում գնալ համայնավարների ճանապարհով, ապա չպետք է «Նոր Հայաստանում» պավլիկմորոզովություն քարոզենք:
Փաշինյանի մտքինն ու Մարությանի շուրթերինը

Փաշինյանի մտքինն ու Մարությանի շուրթերինը

Հոկտեմբեր 12, 2018 14:11 Մարությանը, կամա թե ակամա, բացահայտեց, որ իր շեֆի պատկերացմամբ՝ Հայաստանում ընդդիմադիր ուժ չպետք է լինի:
ՀՅԴ-ն կբոյկոտի՞ ընտրությունները

ՀՅԴ-ն կբոյկոտի՞ ընտրությունները

Հոկտեմբեր 11, 2018 14:57 Ի տարբերություն նախորդ խորհրդարանի՝ մենք անգամ ձևական ընդդիմություն չենք ունենա. բոլորը կլինեն հավասար, իսկ ոմանք՝ ավելի՛ հավասար:
Առնետի Սահմանադրությունը

Առնետի Սահմանադրությունը

Հոկտեմբեր 10, 2018 14:51 Հայաստանում հիմա առնետավազք է: Ընդ որում՝ «դուխո՛վ»:
Ո՞ւր կորան ընտրակեղծարարները

Ո՞ւր կորան ընտրակեղծարարները

Հոկտեմբեր 10, 2018 13:50 ՀՀԿ-ական այն պատգամավորները, ովքեր լքում են խորտակվող նավակը, ոչ թե ընտրակեղծարարներ ու «առնետներ» են, այլ հպարտ քաղաքացիներին միացած հպարտ պատգամավորներ:
Ի՞նչ է սպասվում ԲՀԿ-ին

Ի՞նչ է սպասվում ԲՀԿ-ին

Հոկտեմբեր 10, 2018 11:38 Գագիկ Ծառուկյանը քաղաքական «ջոկերի» կարգավիճակը վերջնականապես կորցրեց: ԲՀԿ-ի մասով նոր իշխանություններն ունեն մինիմում և մաքսիմում ծրագրեր:
«Առնետավազքը» և «անասնագողությունը»

«Առնետավազքը» և «անասնագողությունը»

Հոկտեմբեր 09, 2018 23:42 Հայաստանում հիմա «առնետավազքի» բաց առաջնություն է: Հպարտ քաղաքացիներին միանում են հպարտ պատգամավորները:
1998-ին ու 2018-ին տեղի ունեցածների էական տարբերությունը. ո՞րն է «առնետավազքը»

1998-ին ու 2018-ին տեղի ունեցածների էական տարբերությունը. ո՞րն է «առնետավազքը»

Հոկտեմբեր 09, 2018 14:11 2018-ին մենք ականատեսն ենք դառնում «առնետավազքի»: Սա «թավշյա» իշխանափոխություն է, որին մասնակից են դարձրել հպարտ քաղաքացիներին:
Ծառուկյանի վերջին հուշագիրը. ԲՀԿ-ն կանցնի՞ հաջորդ խորհրդարան

Ծառուկյանի վերջին հուշագիրը. ԲՀԿ-ն կանցնի՞ հաջորդ խորհրդարան

Հոկտեմբեր 09, 2018 12:38 2011-ին ու 2018-ին ստորագրած հուշագրերի տարբերությունների մասին. Ծառուկյանի անվերադարձ նահանջը:
«Թողեք՝ աշխատեն»

«Թողեք՝ աշխատեն»

Հոկտեմբեր 08, 2018 14:55 Պետք է թողնել, որպեսզի աշխատի կառավարությունը, աշխատի Երևանի քաղաքապետ Հայկ Մարությանը, որպեսզի տեսնենք, թե ինչի են նրանք ունակ բացի փողոցային պայքարից:
Փաշինյանի ու Ծառուկյանի փոխբացառող սցենարները

Փաշինյանի ու Ծառուկյանի փոխբացառող սցենարները

Հոկտեմբեր 08, 2018 14:27 Ծառուկյանը, վերջին հաշվով, դեմ է նաև Փաշինյանի վարչապետությանը (ԲՀԿ առաջնորդը սեփական սցենարն ունի), բայց այս պահին չի բարձրաձայնում այդ մասին:
Հեղափոխության և հակահեղափոխության մասին

Հեղափոխության և հակահեղափոխության մասին

Հոկտեմբեր 05, 2018 16:46 Իշխանության գալուց հետո ցանկացած հեղափոխական  դառնում է խիստ պահպանողական ու հակահեղափոխական։
Գագիկ Ծառուկյանը՝ հեղափոխության և «ասֆալտին պառկելու» արանքում

Գագիկ Ծառուկյանը՝ հեղափոխության և «ասֆալտին պառկելու» արանքում

Հոկտեմբեր 05, 2018 14:16 Հեղափոխության ախորժակն ուտելիս է բացվում, բայց հեղափոխությունը նաև իր զավակներին խժռելու հատկություն ունի։
Հեղափոխական տուրբուլենտության նոր փուլ

Հեղափոխական տուրբուլենտության նոր փուլ

Հոկտեմբեր 05, 2018 12:56 Փաշինյանն առաջնորդվում է «Ամբողջը և հիմա» կարգախոսով, ինչը կոնֆլիկտածին է։
Կամավոր և բռնի ստրկացման տարբերությունները

Կամավոր և բռնի ստրկացման տարբերությունները

Հոկտեմբեր 04, 2018 23:57 Սուտը և մանիպուլյացիան կամավոր ստրկացման լավագույն գործիքներն են։
Հեղափոխությունը և կռապաշտությունը

Հեղափոխությունը և կռապաշտությունը

Հոկտեմբեր 01, 2018 12:00 Չի բացառվում ուխտագնացությունը: Մեր Մեքքան կարող է դառնալ Գյումրի-Վանաձոր ճանապարհահատվածը: