Ես անկեղծ ու հույսով խոհեմության կոչ եմ անում Կարեն Կարապետյանին ու իր թիմին։ Լուրջ Հայաստանում ֆունդամենտալ բաներ են փոխվել, որոնց ՀՀԿ-ն, Կարենը և իր թիմը անհաղորդ են։ Ստեղծված իրավիճակում ճանապարհ բացելը և հեռանալը միանշանակ Հայաստանի պետականաշինության ամենակարևոր քայլերից կլինի։

Նման քայլն ուժեղության նշան կլինի։ Լուրջ պատմական հնարավորություն կա չխանգարելու Հայաստանի զարգացմանն ու հզորացմանը, և դրա համար ճանապարհ բացելը ևս հայրենանվեր գործ է։

Սա մեծ զարթոնք է, մարդկանց մոտ մեծ հույսեր են ստեղծվել, գոյություն ունեցող իշխանությունը չի կարող այդ սպասումներին ադեկվատ որևիցե քայլ կատարել, և մարդիկ պատրաստ են մինչև վերջ կանգնել իրենց հաղթանակի համար։ Լավ կլինի այս իրականությունը ընդունել և կատարել համապատասխան քայլեր։

Արմեն Գրիգորյանի ֆեյսբուքյան էջից