Մեկնաբանություն

Նոյեմբեր 19, 2018 13:25

Տիգրան Սարգսյանի ուրվականը. խոպանչիներին ուզում են հարկել

Տիգրան Սարգսյանի ուրվականը. խոպանչիներին ուզում են հարկել

Երբ կառավարությունն անկարող է լինում ավելացնել տնտեսության ֆիզիկական ծավալները և կատարել իր սոցիալական պարտավորությունները, դիմում է պարզունակ մեթոդի օգնությանը՝ ավելացնում է հարկային դրույքաչափերը կամ հորինում է նոր հարկատեսակներ:

«Մեծ բյուջե» ունենալու ձգտում ունեն երկու տիպի պետությունները՝ սոցիալական շուկայական ուղղվածության և չկայացած: Առաջինները ՀՆԱ-ի մեծ մասի բաշխումն իրականացնում են պետական բյուջեի միջոցով՝ հիմնվելով բարձր հարկեր վճարելու հանրային համաձայնության վրա (վառ օրինակ է Շվեդիան, որի ՀՆԱ-ի ավելի քան 50 տոկոսը բաշխվում է բյուջեի միջոցով, իսկ բյուջեն իր հերթին սոցիալական ֆունկցիայի հսկայական փաթեթ ունի):

Մյուս դեպքում, երբ «մեծ բյուջե» են հավաքում, հիմնականում նպատակ ունեն կա՛մ «լեգալ» կոռուպցիա ապահովել պետբյուջեի ծախսային մասի օգնությամբ, կա՛մ անկարող են տնտեսության խթանում ապահովել ու պետության նվազագույն պարտավորություններ կատարել:

Բյուջեն տնտեսագիտության մեջ համարվում է ֆունկցիա տնտեսության վիճակից: Բյուջեն չի կարող նպատակ համարվել: Այն գործիք է՝ տնտեսությունը զարգացնելու, պետության սոցիալական ու այլ տիպի պարտավորությունները կատարելու և բաշխման հարաբերությունները կարգավորելու համար:

Տուժում են այն երկրները, որոնք նպատակի ու միջոցի տեղերը խառնում են՝ «մեծ բյուջեն» դարձնելով իդեա-ֆիքս:

Տիգրան Սարգսյանի ուրվականը

Հայաստանում մի վարչապետ կար՝ Տիգրան Սարգսյանը: Նրա վրա դրված էր «մեծ բյուջե» հավաքելու առաջադրանքը և նա նորանոր հարկատեսակներ էր մտածում: Որքան վատանում էր տնտեսության վիճակը, այնքան նա նոր հարկեր էր մտածում ու եղած հարկատեսակների շրջանակներում քամում էր բիզնեսին, ինչը վնասում էր բոլորին ու նպաստում տնտեսական անկմանը: Նաև դա էր պատճառը, որ Տ. Սարգսյանը հեռացվեց վարչապետի պաշտոնից:

Այս տարվա մայիսից հետո ունենք նոր իշխանություն, որը տնտեսության կտրուկ զարգացում է խոստացել, ներդրումների աճ ու զբոսաշրջիկների թվի էական ավելացում: Առայժմ ո՛չ առաջինը կա, ո՛չ երկրորդը, ո՛չ էլ երրորդը: Փոխարենն ունենք Նիկոլ Փաշինյանի հայտարարությունն այն մասին, որ մեզանում կան 350 հազար ճռռացողներ և 800 հազար թամբալներ: Թերևս 800 հազար «թամբալին» պահելու դժվարություններ են առաջացել, և ՊԵԿ-ը որոշել է դրսում ճռռացող մի քանի հարյուր հազար ՀՀ քաղաքացու վրա նոր հարկ դնել, որը պայմանականորեն կարելի է անվանել «խոպանչու հարկ»:

«Խոպանչու հարկը» և «Մի՛ արի տուն» ծրագիրը

Հայաստանը փորձում է ներդնել տրանսֆերտների հարկման մեխանիզմ, այսինքն՝ եթե քաղաքացին դրսից եկամուտ է ստանում, պարտավոր է այն հայտարարագրել ու դրա 23 տոկոսը որպես եկամտային հարկ վճարել պետությանը: Սա դեռ գաղափար է, որը ՊԵԿ-ը շրջանառության մեջ է դրել, բայց որն արդեն հասցրել է քաղաքացիների շրջանում անհանգստություն առաջացնել:

«Հարկը գանձվելու է տարեկան կտրվածքով: Ինքն արդեն պետք է իմանա, որ ինքը դրսից գումար է ստացել, դա եկամուտ է, որից ինքը պետք է հարկ վճարի: Հիմա ժողովուրդը կարող է մեզ քննադատել, ասել՝ տարիներ շարունակ մեր հարևանը, բարեկամը կամ ամուսինը խոպանում գումար է վաստակել և ուղարկել, որը չի հարկվել: Այո՛, այդ գումարը, որը նա վաստակել, ուղարկել է, պետք է որպես եկամուտ հայտարարագրվի, ու դրա հասանելիքը պետք է պետությունը ստանա: Եթե անձը, որն այդ եկամուտը ստացել է, դրսում արդեն հարկվել է, ապա պետք է մեզ ներկայացվեն տեղեկանքները, մենք հաշվի պետք է առնենք այդ հարկը, հանենք տարբերությունը և ապա հարկենք մեր օրենքով»,-հայտարարել է ՊԵԿ նախագահ Դավիթ Անանյանը «Ռադիոլուրի» հետ զրույցում:

Փաստորեն, Տիգրան Սարգսյանը գնաց Մոսկվա, բայց նրա ուրվականը դեռ շրջում է Հայաստանում ու նոր հարկատեսակներ սահմանում:

Ակնհայտ է, որ այս հարկատեսակի ներդրումը լուրջ դժգոհություններ է առաջացնելու: Դրսում եկամուտ ստացող և Հայաստան ուղարկողները այսպես թե այնպես խթանում են մեր տնտեսությանն ու նպաստում բյուջեի աճին: Ավելին՝ նրանք մեր պետբյուջեի եկամտային մասին համարժեք գումարներ են ուղարկում դրսից ու նպաստում այստեղ վճարունակ պահանջարկի խթանմանը:

Հիմա եթե մասնավոր տրանսֆերտները հարկելու օրենք մտնի, ապա մարդիկ ամեն ինչ անելու են, որ խուսափեն հարկից կամ էլ արդեն ոչ թե ընտանիքներին են փող ուղարկելու, այլ ընտանիքներին կարող են հետները տանել Ռուսաստան:

Մի խոսքով, կառավարությունում պետք է մանրամասն վերլուծեն «խոպանչու հարկի» ներդրման հետ կապված ռիսկերը, գնահատեն օգուտներն ու վնասները, ապա նոր միայն քայլ կատարեն:

Կորյուն Մանուկյան

Այս խորագրի վերջին նյութերը

Ի՞նչ է թաքցվում Արցախի հարցով

Ի՞նչ է թաքցվում Արցախի հարցով

Դեկտեմբեր 13, 2018 13:06 Փաշինյանը բանակցում է Ղարաբաղի հարցով այն փաթեթի շրջանակներում, որը ստացել է նախորդից, բայց ցույց է տալիս, թե իբր չի բանակցում: Հետաքրքիր է՝ ինչո՞ւ:
ՀԱՊԿ-ը մերժեց Նիկոլին. ի՞նչ է սպասվում Հայաստանին

ՀԱՊԿ-ը մերժեց Նիկոլին. ի՞նչ է սպասվում Հայաստանին

Դեկտեմբեր 13, 2018 11:10 Փաշինյանը չի՞ հասկանում, որ ինքը անուղղակիորեն կալանքի սանկցիա է տալիս Պուտինին, Նազարբաևին ու Լուկաշենկոյին:
Սերժ Սարգսյանի հրաժարականը և «Ելք»-ի լուծարումը (տեսանյութ, լուսանկար)

Սերժ Սարգսյանի հրաժարականը և «Ելք»-ի լուծարումը (տեսանյութ, լուսանկար)

Դեկտեմբեր 12, 2018 12:20 Էդմոն Մարուքյանը կաջակցի Նիկոլ Փաշինյանի՝ «Մեկ օլիգարխի տնտեսություն» ստեղծելու ծրագրերին, իսկ Արամ Սարգսյանը կգնա Դավալու:
Ինչո՞ւ Պուտինը չի շնորհավորում Փաշինյանին

Ինչո՞ւ Պուտինը չի շնորհավորում Փաշինյանին

Դեկտեմբեր 12, 2018 00:43 Փաշինյանի քայլերը ցույց են տալիս, որ իրենց համար «թավշյա հեղափոխությունը» և դրա հետ կապված վենդետաներն ավելի մեծ արժեք են, քան Արցախի ազատամարտը:
Կալիգուլայի ձին ու Նիկոլի շունը

Կալիգուլայի ձին ու Նիկոլի շունը

Դեկտեմբեր 11, 2018 15:30 Փաշինյանին հաջողվեց անել այն, ինչին ձգտում էր Սերժ Սարգսյանը՝ ունենալ ամբողջությամբ կամակատար ԱԺ:
Հետընտրական հարցեր

Հետընտրական հարցեր

Դեկտեմբեր 11, 2018 12:45 ՀՀԿ-ն մնաց իր իսկ կիրառած «պրյոմի» տակ, ընկավ իր իսկ փորած փոսը ու արդյունքում երեկվա լրբերը դառան սրբեր:
ԵԱՏՄ և ՀԱՊԿ անդամները չեն նկատում Փաշինյանի հաղթանակը

ԵԱՏՄ և ՀԱՊԿ անդամները չեն նկատում Փաշինյանի հաղթանակը

Դեկտեմբեր 11, 2018 11:30 Փաշինյանին չհաջողվեց այնպես աշխատել դրսի ու մասնավորապես՝ Մոսկվայի հետ, որ հաներ բոլոր կասկածները Հայաստանում արևմտյան դավադրության մասով:
Չաղը, ցանցառը և Նիկուլինը. «կլասիկ» խորհրդարան

Չաղը, ցանցառը և Նիկուլինը. «կլասիկ» խորհրդարան

Դեկտեմբեր 10, 2018 16:35 Սերժ Սարգսյանի համեմատ Նիկոլ Փաշինյանը, փաստորեն, շատ ավելի  ագահ գտնվեց:
Երեք նախագահների մոտիվացիաները (տեսանյութ)

Երեք նախագահների մոտիվացիաները (տեսանյութ)

Դեկտեմբեր 10, 2018 12:50 Երեք նախագահներից միայն Ռոբերտ Քոչարյանն է հրապարակավ վերցրել Նիկոլ Փաշինյանի իշխանությունը մերժող դրոշակը և հիմա նա բանտում է:
Մեծամասնությունը մերժեց Նիկոլին

Մեծամասնությունը մերժեց Նիկոլին

Դեկտեմբեր 09, 2018 22:25 ՀՀ քաղաքացիների մեծամասնությունը ցույց է տվել «Իմ քայլի» իրական վարկանիշն ու ձևակերպել նոր ուժի ստեղծման պահանջ:
Նիկոլ Փաշինյանը կկալանավորի՞ Լևոն Տեր-Պետրոսյանին (տեսանյութ)

Նիկոլ Փաշինյանը կկալանավորի՞ Լևոն Տեր-Պետրոսյանին (տեսանյութ)

Դեկտեմբեր 08, 2018 13:31 Նախ պետք է սահմանադրական կարգի տապալման 1996-ի գործը քննվի, հետո նոր քաղաքական ու իրավական առումներով հասկանանք, թե ինչ է եղել 2008-ին:
Ընտրություններն արդեն կեղծվեցին. ինչո՞ւ Փաշինյանը կալանավորեց Քոչարյանին

Ընտրություններն արդեն կեղծվեցին. ինչո՞ւ Փաշինյանը կալանավորեց Քոչարյանին

Դեկտեմբեր 07, 2018 18:45 Բացվում է այսպես կոչված «Պանդորայի արկղը», որի փակողն այլևս Նիկոլ Փաշինյանը չի լինելու:
«Կլասիկ» ընտրության գլխավոր ինտրիգը

«Կլասիկ» ընտրության գլխավոր ինտրիգը

Դեկտեմբեր 07, 2018 17:10 «Իմ քայլի» անդամները գիտելիքների ու պատրաստվածության առումով շատ թույլ են, բայց միևնույն է հետիշխանափոխական մթնոլորտը նրանց համար կապահովի քաղաքական մենաշնորհ:
Փաշինյանը տեղի՞ է տվել Լուկաշենկոյի ճնշումներին

Փաշինյանը տեղի՞ է տվել Լուկաշենկոյի ճնշումներին

Դեկտեմբեր 07, 2018 15:15 Փաշինյանը խոստացել էր «դուխով» հաշիվ պահանջել Լուկաշենկոյից ու Նազարբաևից: Պահանջե՞ց: Եթե այո, ապա ի՞նչ արդյունք ունենք:
Ի՞նչ որոշում կկայացնի Նիկոլ Փաշինյանը

Ի՞նչ որոշում կկայացնի Նիկոլ Փաշինյանը

Դեկտեմբեր 07, 2018 13:10 Հարցը սկզբունքն է և քաղաքական որոշումը: Եթե դատելով է, ապա պետք է դատվեն բոլորը, այդ թվում՝ Նիկոլը:
ՀՀԿ-ն հաղթեց քարոզչությունը, բայց քվեարկությունը կհաղթի «Իմ քայլը»

ՀՀԿ-ն հաղթեց քարոզչությունը, բայց քվեարկությունը կհաղթի «Իմ քայլը»

Դեկտեմբեր 07, 2018 00:21 Նախկինում «քառակուսի» դեմք ընդունած ՀՀԿ-ականներն ազատվել էին «զնաչոկային» կապանքներից ու դարձել հումորով և հնարամիտ, բայց արդեն ուշ է:
Սերժ Սարգսյանը Նիկոլ Փաշինյանին՝ իյա՛, իրո՞ք (տեսանյութ)

Սերժ Սարգսյանը Նիկոլ Փաշինյանին՝ իյա՛, իրո՞ք (տեսանյութ)

Դեկտեմբեր 06, 2018 12:06 Նիկոլ Փաշինյանը գրեթե նույնությամբ կրկնում է Սարգսյանի ասածները և շարունակում անել նրա արածները:
Մերժե՞լ, թե՞ յուրացնել. Փաշինյանը կրկնում է Սարգսյանին (տեսանյութ)

Մերժե՞լ, թե՞ յուրացնել. Փաշինյանը կրկնում է Սարգսյանին (տեսանյութ)

Դեկտեմբեր 05, 2018 11:45 Մեր ժողովուրդն այնքան դուխ ունեցավ, որպեսզի մերժի Սերժին, բայց այնքան խելք չունեցավ, որ նույն, ես կասեի՝ ավելի կեղտոտ ջուրը երկրորդ անգամ չմտնի:
Դիվանագիտական սկանդալ հայ-ռուսական հարաբերություններում

Դիվանագիտական սկանդալ հայ-ռուսական հարաբերություններում

Դեկտեմբեր 05, 2018 00:21 Եթե համադրենք Պուտինի ու Փաշինյանի ներկայացուցիչների ասածները, ապա կստացվի, որ կա՛մ Պուտինն է ստում, կա՛մ Փաշինյանը:
Աներձագս աներձագիդ վնաս չէ կամ Լֆիկ Սամոյի «Վարչապետ» օղին

Աներձագս աներձագիդ վնաս չէ կամ Լֆիկ Սամոյի «Վարչապետ» օղին

Դեկտեմբեր 04, 2018 14:55 Պատգամավոր է դառնում ոչ թե սովորական աներձագ, ինչպիսին Տարոնինն էր, այլ ժողովրդի վարչապետի աներձագ, այսինքն՝ համարյա ժողովրդի աներձագ: