Մեկնաբանություն

Դեկտեմբեր 04, 2018 12:40

Ինչու են Նիկոլ Փաշինյանին մեղադրում «Ղարաբաղը ծախելու» մեջ

Ինչու են Նիկոլ Փաշինյանին մեղադրում «Ղարաբաղը ծախելու» մեջ

«Ղարաբաղը ծախելու» «հոդվածի» տակ ընկել են Հայաստանի բոլոր իշխանությունները՝ քանդվող ՍՍՀՄ-ը ներկայացնող Կարեն Դեմիրճյանից մինչև «ժողովրդի վարչապետ» Նիկոլ Փաշինյան:

Օրվա ընդդիմությունը միշտ օրվա իշխանությանը մեղադրել է «Ղարաբաղը ծախելու» մեջ: Միակ դեպքը, երբ ոչ միայն տվյալ պահի տիտղոսային ընդդիմությունը, այլ նաև իշխանության մի մասը մեղադրեց պետության ղեկավարին «Ղարաբաղը ծախելու» մեջ, 1998-ին էր:

Ունեցել ենք նաև դեպք, երբ տվյալ պահի իշխանությունն է մեղադրել տիտղոսային ընդդիմության ղեկավարին «Ղարաբաղը ծախելու» մեջ. դա 2008-ին էր: Մնացած դեպքերում ամեն ինչ ստանդարտի մեջ է եղել՝ պետության ղեկավարին ընդդիմախոսները մեղադրել են «ծախելու» մեջ:

Իրականությունն այն է, որ Հայաստանի ոչ մի ղեկավար նպատակ չի ունեցել ու չունի «Ղարաբաղը ծախել»: Դավաճաններ չկան: Անգամ եթե տեսականորեն թուրքը դառնա Հայաստանի ղեկավար, ապա չի ուզենա «ծախել» Ղարաբաղը, քանզի «ծախելով» իշխանությունը պահելու բանաձևը անհեթեթություն է:

Առնվազն անգրագիտություն է պետության ղեկավարին «Ղարաբաղը ծախելու» մեջ մեղադրելը: Այլ հարց է, որ ամեն մեկն իր պատկերացումներն ունի Ղարաբաղի խնդրի լուծման հարցում և այդ պատկերացումները կարող են լինել ընդունելի կամ անընդունելի, ճիշտ կամ սխալ:

Մեր երկրի ղեկավարներից որևէ մեկը դավաճան չէ ու չի ցանկացել «ծախել Ղարաբաղը» (եթե ուզենան էլ, միևնույն է չեն կարող), բայց իր վարած քաղաքականությունից ու ապահոված արդյունքներից դատելով՝ նրան կարելի է համարել ծախող կամ չծախող:

Չծախող ղեկավարը բանակն է ուժեղացնում, տնտեսությունն է զարգացնում, արտագաղթն է կանգնեցնում, ներգաղթ է ապահովում, դրսում Հայաստանի իմիջն է բարձրացնում, դաշնակիցներ է գտնում, ներդրումներ է բերում, աղքատությունն է կրճատում: Իսկ ծախողի օրոք արձանագրվում են ճիշտ հակառակ արդյունքները:

Ծախելն ու չծախելը պայմանավորված են ներքին ու արտաքին քաղաքական արդյունքներով: Երբ պետության ղեկավարը երկրի ներսում անկայունություն, անորոշություն, թշնամանք ու ատելություն է քարոզում, ապա դա վերջում կբերի ծախման գործընթացի, որքան էլ որ ռազմահայրենասիրական բառապաշար օգտագործի տվյալ ղեկավարը: Նույն հետևանքների կարող են բերել նաև արտաքին քաղաքական ոլորտում անգրագետ ու չհաշվարկած քայլերը: Եթե մնում ենք առանց դաշնակից ու ստիպված դայակներ փնտրում դրսում, ապա դա ի վերջո կհանգեցի ծախման:

Հիմա Նիկոլ Փաշինյանին մեղադրում են «Ղարաբաղը ծախելու» մեջ: Փաշինյանին, բնականաբար, նյարդայնացնում են նման ձևակերպումները, քանզի ինքն ամենալավը գիտի, որ նման նպատակներ չունի:

Փաշինյանը «ծախելու» մեղադրանքներից հետո դառնում է ագրեսիվ, ինչպես նաև կոմպլեքսավորված: Բայց նման մեղադրանքների պատճառները նա իր մեջ պետք է փնտրի:

Բանն այն է, որ նա արտգործնախարարի ու այլ պաշտոնյաների միջոցով փաստացի բանակցում է Ղարաբաղի հարցով այն փաթեթի շրջանակներում, որը որպես ժառանգություն է ստացել նախորդից, բայց հրապարակավ չի հայտարարում այդ մասին:

Փաշինյանին թվում է, որ եթե ինքը հրապարակավ տեսակետ չհայտնի Ղարաբաղի հարցով ու լուծումը թողնի «ժողովրդի» վրա, ապա ամեն ինչ լավ կլինի, բայց իրականում ամեն ինչ վատանում է: «Ամեն ինչ ժողովուրդը կորոշի» ձևակերպումը պատասխանատվությունից խուսափելու կամ էլ տեսակետ չունենալը թաքցնելու ձև է: Երկու դեպքում էլ Փաշինյանը շահեկան դիրքերում չի հայտնվում:

Երբ դու տեսակետ չես հայտնում ու հայտարարում ես, թե բանակցելու ես Ադրբեջանի հետ Հայաստանի մասով, իսկ Ղարաբաղի մասով թող Ղարաբաղի իշխանությունը բանակցի, ապա դա տեսակետ չէ, դա տեսակետի բացակայություն է, ինչն օբյեկտիվորեն կասկածներ է ծնում, քանի որ գործից հասկացողները գիտեն, որ իրականում բանակցում ես Ղարաբաղի հարցով և այդ դեպքում հարց է առաջանում, թե ինչո՞ւ ես թաքցնում այդ փաստը:

Փաշինյանին դավաճանության մեջ մեղադրելը սխալ է, ինչպես նաև սխալ է Փաշինյանի այն մոտեցումը, ըստ որի՝ ով իրեն քննադատում է Ղարաբաղի հարցում, պետք է ԱԱԾ-ի ու ռազմական հակահետախուզության ուշադրությանն արժանանա:

Ղարաբաղի հարցը շատ կարևոր ու զգայուն է: Այդքան էժանագին վիրավորանքներ ու գնահատականներ չի կարելի հասցնել միմյանց հասցեին: Ղարաբաղը ծախելը կամ չծախելը վարած քաղաքականությամբ է որոշվում:

Եթե սիրո և հանդուրժողականության փոխարեն հրամցվում է ատելության ու թշնամանքի քաղաքականություն, եթե տնտեսական քաղաքականությունը փոխարինվում է անհասկանալի քայլերով, եթե ասում ես մի բան, բայց անում հակառակը, եթե հակակոռուպցիոն պայքարը դառնում է էժանագին տեսարաններ ապահովելու և քաղաքական հակառակորդների դեմ պայքարելու ընտրովի գործիք, եթե ուժային կառույցներին դարձնում ես նախընտրական PR-արշավի մասնակից, եթե «Մարտի 1»-ը ծառայեցվում է նեղ քաղաքական շահերին, եթե սեփական պատկերացումներդ միջազգային սկանդալի պատճառ են դառնում, եթե ՀԱՊԿ-ում չեղած տեղից խնդիրներ ես ստեղծում, եթե շատ արագ կրկնում ես նախորդ ռեժիմի սխալները, ապա Ղարաբաղն ինքնաբերաբար ծախվում է: Ու կապ չունի, որ որդիդ ծառայում է Ղարաբաղում, իսկ ինքդ պարբերաբար գնում ես Ղարաբաղ ու պատմում, թե ինչ ես զրուցել այլոց հետ Ղարաբաղի հարցով:

Ոչ մեկ չի ուզում ծախել, բայց այդպես կարող է ստացվել: Գորբաչովը հո չէ՞ր ուզում, որ ՍՍՀՄ-ը փլուզվի ու ինքն էլ դառնա պաշտոնաթող ղեկավար: Իր անմիտ քայլերով ու անգրագիտության պատճառով հանգեցրեց փլուզման:

Հիտլերը հո չէ՞ր ուզում ավերակների վերածել Գերմանիան: Չէր ուզում, բայց այդպես ստացվեց:

Ասելս այն է, որ դավաճաններ պետք չէ փնտրել: Բոլոր չարիքների պատճառը տգիտությունն է:

Կորյուն Մանուկյան

Այս խորագրի վերջին նյութերը

ՍԴ անդամի ոչ լեգիտիմ թեկնածուն. Վահե Գրիգորյան (տեսանյութ)

ՍԴ անդամի ոչ լեգիտիմ թեկնածուն. Վահե Գրիգորյան (տեսանյութ)

Հունիս 16, 2019 08:50 Եթե հիմք ընդունենք Վահե Գրիգորյանի ու Նիկոլ Փաշինյանի հնչեցրած գնահատականները, ապա ՀՀ նախագահ Արմեն Սարգսյանը ոչ լեգիտիմ է։
«Թավշյա» իշխանության սադիստական էությունը

«Թավշյա» իշխանության սադիստական էությունը

Հունիս 15, 2019 17:40 Սիրո և հանդուրժողականության կարգախոսով իշխանության եկած «թավշյա» առաջնորդին կից կառույցները դարձել են պատժիչ գործիքներ։
Լավ, ո՞նց կարելի է այսքան փարիսեցի լինել

Լավ, ո՞նց կարելի է այսքան փարիսեցի լինել

Հունիս 15, 2019 12:05 Ժողովրդի վստահությունը կնոջ սրտի պես փոփոխական մեծություն է, և որևէ լեգիտիմություն հավերժ չէ։
Կրեմլի հերթական «մեսիջը» Փաշինյանին և Կրեմլին հերթական շանտաժը Փաշինյանից

Կրեմլի հերթական «մեսիջը» Փաշինյանին և Կրեմլին հերթական շանտաժը Փաշինյանից

Հունիս 14, 2019 17:04 Փաշինյանը, հանուն իր նեղ անձնական հաշվարկների, պատրաստ է անգամ Ռուսաստանին ռազմավարական դաշնակցից դարձնել ռազմավարական հակառակորդ:
Դատավորը դատավոր լինի` թույլ չի տա Քոչարյանի գործը էժանագին շոուի վերածել

Դատավորը դատավոր լինի` թույլ չի տա Քոչարյանի գործը էժանագին շոուի վերածել

Հունիս 14, 2019 08:46 Իշխանությունների պատրաստած սերիալը չստացվեց։ Գործն, իրոք, ջուր էր։
Սաֆարովն ու Սաֆարյանը. Փաշինյանի նյարդերը չեն դիմանում

Սաֆարովն ու Սաֆարյանը. Փաշինյանի նյարդերը չեն դիմանում

Հունիս 13, 2019 14:30 5–րդ շարասյունն ավելի վտանգավոր է ու վնասարար, քան ադրբեջանական դիվերսանտը կամ հանցագործը։
Նիկոլի իշխանության լևոնական «тройка»–ն

Նիկոլի իշխանության լևոնական «тройка»–ն

Հունիս 13, 2019 12:20 Լևոն Տեր–Պետրոսյանն ու Նիկոլ Փաշինյանն այժմ նույն նավակի մեջ են և համատեղ են երկրում քաոս ստեղծում:
Դատավոր Դանիելյանի գործն էլ գործ չէ

Դատավոր Դանիելյանի գործն էլ գործ չէ

Հունիս 13, 2019 01:20 Նախ և առաջ իր` դատավորի շահերից է բխում ինքնաբացարկ հայտնել և գլուխն ազատել այս «գործից»։
Նիկոլ Փաշինյանի սրտի կադրը. Ռոմանոս

Նիկոլ Փաշինյանի սրտի կադրը. Ռոմանոս

Հունիս 12, 2019 14:45 Միջակ, նեղ ճակատով, Փաշինյանից ցածրահասակ ու տարիքով փոքր, շվոնդերական հատկանիշներով, մինչև ուղն ու ծուծը «գեղցի» և դատարկություն։
Ի՞նչ բեռ է դրել Փաշինյանը դատավոր Արմեն Դանիելյանի փխրուն ուսերին

Ի՞նչ բեռ է դրել Փաշինյանը դատավոր Արմեն Դանիելյանի փխրուն ուսերին

Հունիս 12, 2019 11:50 Դատավորը պետք է որդեգրի հետևյալ բանաձևը. «Եթե չգիտես՝ ինչպես վարվել, ապա վարվի՛ր օրենքով»։
Իրավապահ մարմիններն օր առաջ պետք է արձագանքեն Լեդի Հակոբի հայտարարություններին

Իրավապահ մարմիններն օր առաջ պետք է արձագանքեն Լեդի Հակոբի հայտարարություններին

Հունիս 12, 2019 00:31 Մի կողմից գործ ունենք բռնության պրոպագանդայի հետ, մյուս կողմից` սա հրապարակային հաղորդում է հանցագործության մասին։
Աբովյանի «վեթինգը». Ռոմանոսն՝ ընդդեմ Սասունի, Նիկոլն՝ ընդդեմ բոլորի

Աբովյանի «վեթինգը». Ռոմանոսն՝ ընդդեմ Սասունի, Նիկոլն՝ ընդդեմ բոլորի

Հունիս 11, 2019 09:35 Փաշինյանի թիմը մտնում է միմյանց խժռելու փուլ։ Նման դեպքերում են ասում, որ հեղափոխությունը խժռում է իր զավակներին։
Էն Սանասարյանի գործն ի՞նչ եղավ

Էն Սանասարյանի գործն ի՞նչ եղավ

Հունիս 11, 2019 08:39 Ինչ-ինչ, բայց մի՛ բան Նիկոլը եւ իր բրիգադը շատ լավ յուրացրել են ...
Էդմոն Մարուքյան. հավատարիմ հաճախորդը

Էդմոն Մարուքյան. հավատարիմ հաճախորդը

Հունիս 10, 2019 23:20 Երբ շուստրի հարիֆ Մարուքյանն է խոսում հեղափոխությունից, հասկանում ես, որ քաղաքականությունն, իրոք, անբարոյական կողմեր ունի։
Ռոբերտ Քոչարյանի «գործը»՝ կարիերային աճի ու կոմերցիոն հաջողության գործիք (տեսանյութ)

Ռոբերտ Քոչարյանի «գործը»՝ կարիերային աճի ու կոմերցիոն հաջողության գործիք (տեսանյութ)

Հունիս 10, 2019 16:04 Հիմա Նիկոլը, բնականաբար, չի զարմանում, որ իր նշանակած քննիչի եկամուտները մեկ տարվա մեջ կտրուկ ավելանում են։
Արսեն Թորոսյանի «գիքորությունը»

Արսեն Թորոսյանի «գիքորությունը»

Հունիս 10, 2019 13:30 Միտումնավո՞ր են այս ամենն անում քայլարածները, թե՞ գործ ունենք հիմարության հետ, դժվար է ասել։ Միգուցե, երկուսը միասին։
Նիկոլը պարտվեց Վահագն Գևորգյանին. չհաշված Ծառուկյանը

Նիկոլը պարտվեց Վահագն Գևորգյանին. չհաշված Ծառուկյանը

Հունիս 10, 2019 01:31 Աբովյանցիները «չէ» ասացին անձամբ Նիկոլ Փաշինյանին։
«Փաշիզմի» սպասավորը

«Փաշիզմի» սպասավորը

Հունիս 09, 2019 09:45 Սպառնալիք է «փաշիզմը» Հայաստանի ու Արցախի անվտանգության համար։ Ոչ պակաս սպառնալիք է «փաշիզմի» սպասարկումը։
Ի՞նչ էր ակնարկում Պուտինը Փաշինյանին (տեսանյութ)

Ի՞նչ էր ակնարկում Պուտինը Փաշինյանին (տեսանյութ)

Հունիս 08, 2019 15:30 Պուտինը խոսում էր «Զելենսկի՛, քեզ ասում եմ, Փաշինյա՛ն, դու հասկացի՛ր» տարբերակով։