Ռուսական RT-ի և Sputnik-ի գլխավոր խմբագիր Մարգարիտա Սիմոնյանը «Երեկո Վլադիմիր Սոլովյովի հետ» հաղորդման շրջանակներում հայտնել է, որ հեղափոխություն իրականացնելու թեմայով Երևանում ԱՄՆ Կոնգրեսի ֆինանսավորմամբ դասընթացներ են անցկացվել։

Նա նշել է, որ այդ դասընթացներին մասնակցել է տարբեր երկրներից, այդ թվում Ռուսաստանից հրավիրված 150 մարդ, հիմնականում՝ երիտասարդներ։ Նրանց սովորեցրել են, թե ինչպես պետք է հետսովետական երկրներում տարբեր մեթոդներով գահընկեց անել օրինական իշխանություններին և այդ նպատակով չխորշել անգամ կեղծ լուրեր տարածելուց և նմանատիպ այլ միջոցներից։

Մ․Սիմոնյանի խոսքով՝ այդպիսով ԱՄՆ-ն ձգտում է ինչպես Երևանում Փաշինյանի առաջնորդությամբ մարդիկ դուրս եկան փողոց և փոխեցին իշխանությունը, նույնկերպ բորբոքել նաև Ռուսաստանի հասարակությանը։

Մանրամասները՝ տեսանյութում։

***

Թեմայի շուրջ քննարկում է կազմակերպվել նաև Время покажет հեռուստահաղորդման ընթացքում։

Ռուս փորձագետները, քաղաքական գործիչները և քաղաքագետները վերլուծել են, թե ինչո՞ւ է վերոնշյալ դասընթացն անցկացվել հենց Երևանում և թե ինչո՞ւ են դա թույլ տվել ՀՀ նոր իշխանությունները։

Տեսանյութը կարող եք դիտել 1 ժամ 3 րոպեից։

7or.am