Շրի Լանկայում տեղի ունեցած պայթյունների հետևանքով տուժածների շրջանում Հայաստանի քաղաքացիներ կամ ազգությամբ հայեր չկան։ Այդ մասին տեղեկացնում է Հայաստանի արտգործնախարարությունը՝ վկայակոչելով Հնդկաստանում Հայաստանի դեսպանությանը։

ԱԳՆ-ն նշում է, որ զարգացումների վերաբերյալ դեսպանությունը կհայտնի հավելյալ:

Երեկ Շրի Լանկայի երեք քաղաքների հյուրանոցներում և կաթոլիկ եկեղեցիներում գրեթե նույն ժամանակահատվածում տեղի ունեցած պայթյունների հետևանքով առնվազն 290 մարդ, այդ թվում՝ 35 արտասահմանցի է զոհվել, շուրջ 500 մարդ վնասվածք է ստացել:

Հաղորդվում է 24 կասկածյալների ձերբակալության մասին. նրանք բոլորը Շրի Լանկայի քաղաքացիներ են: