Երեկ ֆեյսբուքյան օգտատերերից մեկը տարածել էր լուսանկար, որտեղ երեւում է , որ վարչապետի որդին՝ Աշոտ Փաշինյանն ու պաշտպանության նախարար Դավիթ Տոնոյանի տղան Ստեփանակերտի «Տաշիր պիցցայում» հերթի մեջ են։

ՀՀ ՊՆ մամլո խոսնակ Արծրուն Հովհաննիսյանն անդրադարձել է այս լուսանկարին ու տարածվող տեղեկությանը՝ գրելով.

«Սովորական բան է. զինվորները բոլորն էլ հերթով կիրակի օրերը արձակում են ստանում, ամեն մեկը կարող է ամիսը մի անգամ դուրս գալ:

Դրանում ոչ մի արտառոց բան չկա, եթե ուզում եք ասել, որ այս ամենից դրականորեն զարմացած եք, ապա ասեմ, որ սովորական երևույթ է»: