Սիրիայի փոխարտգործնախարար Ֆեյսալ ալ-Միկդադը հայտարարել է, որ Թուրքիան պետք է իմանա, որ սիրիական բանակը ամեն թիզ հողը հետ է վերցնելու և թույլ չի տալու, որպեսզի Իդլիբը մնա գրոհայինների վերահսկողության ներքո:

Ֆեյսալ ալ-Միքդադը նաև ասել է, որ իրենց համար անընդունելի է, որ Սիրիայի տարածքների մի հատվածը մնա Թուրքիայի աջակցությունը վայելող գրոհայինների ձեռքերում:

«Թուրքիան թող իմանա, որ Սիրիայի կառավարությունը և բանակը լիովին վճռական են տրամադրված` մարտեր մղելով, ամեն թիզ հողը հետ վերցնելու հարցում»,- նշել է Սիրիայի փոխարտգործնախարարը:

Սիրիական պետական լրատվական գործակալության փոխանցմամբ` սիրիական հրետանին հարվածել է Համայում գրոհայինների վերահսկողության տակ գտնվող ռազմաբազաներին: