Քաղաքական

Մայիս 15, 2019 17:40

Հրապարակվեցին Սերժ Սարգսյանի և Արշակ Կարապետյանի ցուցմունքներից որոշ դրվագներ (տեսանյութ)

Հրապարակվեցին Սերժ Սարգսյանի և Արշակ Կարապետյանի ցուցմունքներից որոշ դրվագներ (տեսանյութ)

Երեւանի ընդհանուր իրավասության դատարանում Ռոբերտ Քոչարյանի խափանման միջոցի հիմնավոր լինել-չլինելու հարցի քննության ժամանակ այսօր հրապարկվեցին Արշակ Կարապետյանի եւ Սերժ Սարգսյանի ցուցմունքներից որոշ դրվագներ։

«Փաստինֆո»-ի հաղորդմամբ՝ պաշտպանական կողմը դռնբաց կարգով հարապարակեց գործով հարցաքննված Արշակ Կարապետյանի ցուցմունքից որոշ հատված, ինչի ընթացքում մեղադրող կողմը պարբերաբար ընդհատեց՝ առարկելով, որ պաշտպանը հրապարակում է դռնփակ կարգով պայմանավորված սահմանափակումից դուրս հատվածներ։ Դատավորը ընդունեց առարկությունը այն առումով, որ ոչ թե ամբողջական ցուցմունքը հրապարակվի, այլ առարկայական մեջբերումներ անի, քանի որ դատարանը ծանոթ է դրանց, եւ ամբողջը հրապարակելու դեպքում այս հարցի քննությունը ամիսներ կտեւի։

Արշակ Կարապետյանի ցուցմունքի հրապարակված հատվածը ներկայացնում ենք ստորեւ.

«Իմ հիշելով՝ 2008 թվականի փետրվարի 23-ին ՀՀ նախագահ Ռոբերտ Քոչարյանը ՀՀ ՊՆ, ՀՀ ԱԱԾ, ՀՀ ոստիկանության բարձրաստիճան ղեկավարների, ուժային կառույցների առանձին բաժինների բարձրաստիճան պաշտոնյաների մասնակցությամբ խորհրդակցություն է անցկացրել։ Եթե չեմ սխալվում` մինչև ՊՆ ստորաբաժանումների ղեկավարության դահլիճ մտնելը նախագահն առանձին խորհրդակցություն է անցկացրել ԱԱԾ և ոստիկանության բարձրաստիճան ղեկավարության հետ։ Ուժային նշված կառույցների անձնակազմի դուրս գալուց հետո ՀՀ ՊՆ ղեկավար կազմն է ներս մտել, այդ թվում՝ պաշտպանության նախկին նախարար Միքայել Հարությունյանը։ Ի դեպ, մեր հետ խորհրդակցությանը, որքան հիշում եմ, եթե չեմ սխալվում, մասնակցում էին այդ ուժային կառույցների միայն ղեկավարները։ Քոչարյանի հետ սենյակում էր նաև ՀՀ վարչապետ, նախագահի հաղթած թեկնածու Սերժ Սարգսյանը»,-կարդում է Ռոբերտ Քոչարյանի պաշտպան Հայկ Ալումյանը։

Վերջինս շարունակում է. «Խորհրդակցությունը սկսվեց լարված մթնոլորտում։ Բառացի դժվար կարողանամ մտաբերել խորհրդակցության ընթացքում տեղի ունեցած խոսակցությունները, սակայն ընդհանուր գծերով կներկայացնեմ։ Խորհրդակցությունը սկսվեց Երեւան քաղաքում տեղի ունեցած իրադարձություններից, որին հստակ ուշադրություն չեմ դարձրել։ Ապա խոսք գնաց պաշտպանության փոխնախարար Մանվել Գրիգորյանի և Երկրապահ կամավորական միության մասին։ Մասնավորապես, այն մասին, որ Մանվել Գրիգորյանն ու ԵԿՄ այլ անդամներ միացել էին ընդդիմադիր քաղաքական ուժերին։ Խոսք գնաց նաև ԵԿՄ-ի անդամների ու Մանվել Գրիգորյանի զինված լինելու մասին, ինչն իրենից վտանգ էր ներկայացնում։ Այդ ժամանակ Քոչարյանը կամ Սարգսյանը հարց ուղղեցին Միքայել Հարությունյանին՝ որտե՞ղ է Մանվել Գրիգորյանը, իսկ Միքայել Հարությունյանը զինվորականին վայել կեցվածքով ոտքի կանգնեց ու ասաց՝ «չգիտեմ»։ Նրան մեղադրեցին, որ չի տիրապետում իրավիճակին, քանի որ տեղյակ չէ, թե իր նախարարությունում ինչ է կատարվում, ինչով է զվաղված իր տեղակալը»։

Ըստ Արշակ Կարապետյանի ցուցմունքի՝ Նախագահ Ռոբերտ Քոչարյանը 2008թ.-ի մարտի 1-ին հրապարակել է արտակարգ դրություն հայտարարելու մասին հրամանագիր, չնայած Ռոբերտ Քոչարյանը Զինված ուժերում արտակարգ դրություն հայտարարել էր փետրվարի 23-ին, այսինքն՝ գերագույն գլխավոր հրամանատարն առնվազն բանավոր հրաման էր տվել, ինչն էլ ՊՆ Միքայել Հարությունյանը կատարել էր։

Պաշտպան Ալումյանը պնդեց, որ այս դրվագը հենց այն է, ինչին մեղադրող կողմը հղում է անում մեղադրանքը մատնանշելիս։

Ըստ պաշտպանի՝ Արշակ Կարապետյանի այս ցուցմունքն իր ցուցմունքում հերքել է ՀՀ 3-րդ նախագահ Սերժ Սարգսյանը. «Խորհրդակցության մանրամասների մասին չեմ հիշում, բայց կարող եմ ասել՝ խորհրդակցությունը հրավիրել է Ռոբերտ Քոչարյանը, մասնակցել է զինված ուժերի սպայական կազմը։ Ընդհանուր նպատակն է եղել զգուշացնել, որ ցուցարաների ղեկավարները քաղաքական պրոցեսների մեջ են փորձում ներգրավել Զինված ուժերի ղեկավար կազմին»,-ասել է Սերժ Սարգսյանը։

Սերժ Սարգսյանն ասել է նաեւ, որ եթե ինքն էլ լիներ ՊՆ նախարար, ապա նույն կերպ կվարվեր. «Անկեղծ ասած, եթե ես էլ լինեի պաշտպանության նախարար, ապա ես էլ նման կերպ կվարվեի եւ հրաման կստորագրեի զորքը զորանոցային կարգավիճակի բերելու մասին։ Իմ կարծիքով՝ այդ ժամանակ դա եղել է ամենաարդյունավետ միջոցը՝ զորքը հեռու պահելու քաղաքական ազդեցություններից»,- նշված է Սարգսյանի ցուցմունքում։

Այս խորագրի վերջին նյութերը

«Այս խամաճիկները սկսել են վարկաբեկել Արցախի հերոսներին». Գուրգեն Եղիազարյան (տեսանյութ)

«Այս խամաճիկները սկսել են վարկաբեկել Արցախի հերոսներին». Գուրգեն Եղիազարյան (տեսանյութ)

Մայիս 21, 2019 20:55 «Առանց Արցախի՝ մենք չկանք, գոյություն չունենք, մեր ողնաշարն է Արցախը»։
«Մեզ բերման են ենթարկում». Կոնստանտին Տեր-Նակալյան (տեսանյութ)

«Մեզ բերման են ենթարկում». Կոնստանտին Տեր-Նակալյան (տեսանյութ)

Մայիս 21, 2019 20:50 «Անոնիմ ահազանգ է եղել, որ մենք հասարակական կարգ ենք խախտել Օպերայի և բալետի թատրոնում, ինչը սուտ է»:
Վարչապետը քաղաքացիներին մղում է հանցագործության. Աղասի Ենոքյան (տեսանյութ)

Վարչապետը քաղաքացիներին մղում է հանցագործության. Աղասի Ենոքյան (տեսանյութ)

Մայիս 21, 2019 20:25 Նիկոլ Փաշինյանի ելույթում տեսա 3 հիմնական ուղերձ։
Վարչապետի կոչը միանշանակ սահմանադրության և գործող օրենքների ոտնահարում էր. սահմանադրագետ (տեսանյութ)

Վարչապետի կոչը միանշանակ սահմանադրության և գործող օրենքների ոտնահարում էր. սահմանադրագետ (տեսանյութ)

Մայիս 21, 2019 20:20 Դատական իշխանության հանդեպ ճնշում գործադրելն անթույլատրելի է։
Ժողովուրդը չի կարող թելադրել՝ դատարանն ինչ որոշումներ կայացնի. Վազգեն Մանուկյան

Ժողովուրդը չի կարող թելադրել՝ դատարանն ինչ որոշումներ կայացնի. Վազգեն Մանուկյան

Մայիս 21, 2019 20:15 Ստեղծված իրավիճակը կարող է շատ վտանգավոր լինել մեր երկրի համար։ 
Լևոն Երանոսյանի գործով դատական առաջին նիստը մեկնարկել է (տեսանյութ)

Լևոն Երանոսյանի գործով դատական առաջին նիստը մեկնարկել է (տեսանյութ)

Մայիս 21, 2019 20:05 Միջնորդել են Նիկոլ Փաշինյանին դատարան հրավիրել որպես վկա։
ԵԽԽՎ համազեկուցողներ․ Հայաստանի վարչապետի կոչը մտահոգիչ է

ԵԽԽՎ համազեկուցողներ․ Հայաստանի վարչապետի կոչը մտահոգիչ է

Մայիս 21, 2019 18:00 Փաշինյանի կոչը հաջորդել է Քոչարյանին կալանքից ազատելու որոշմանը:
ԵԱՀԿ Մինսկի խմբի  համանախագահները մայիսի վերջին կժամանեն տարածաշրջան

ԵԱՀԿ Մինսկի խմբի համանախագահները մայիսի վերջին կժամանեն տարածաշրջան

Մայիս 21, 2019 17:15 Լինելու են Երևանում, Ստեփանակերտում և Բաքվում։
«Գործ ունենք երկու հոդվածի հետ՝ նախկին օրենսգրքով գործող և ներկա օրենսգրքով գործող». Հովհ. Խուդոյան

«Գործ ունենք երկու հոդվածի հետ՝ նախկին օրենսգրքով գործող և ներկա օրենսգրքով գործող». Հովհ. Խուդոյան

Մայիս 21, 2019 13:55 Օրենսդրական սահմանումը իրավական որշակիության խնդիրներ ունի։
ՀՅԴ-ն իրավիճակը գնահատում է տագնապեցնող․ հանրահավաք է հրավիրում

ՀՅԴ-ն իրավիճակը գնահատում է տագնապեցնող․ հանրահավաք է հրավիրում

Մայիս 21, 2019 13:20 Համախմբվելու և այս անհեռանկար ընթացքը կասեցնելու ժամանակն է։
Ռ. Քոչարյանն օգտվում է պաշտոնաթող նախագահի համար ՀՀ Սահմանադրությամբ նախատեսված գործառութային անձեռնամխելության երաշխիքից

Ռ. Քոչարյանն օգտվում է պաշտոնաթող նախագահի համար ՀՀ Սահմանադրությամբ նախատեսված գործառութային անձեռնամխելության երաշխիքից

Մայիս 21, 2019 10:52 Նրան վերագրված արարքները վերաբերում են իր կարգավիճակից կատարած գործողություններին։
Ռոբերտ Քոչարյանին ազատած դատավորին ինքնաբացարկի միջնորդություն կներկայացնեն

Ռոբերտ Քոչարյանին ազատած դատավորին ինքնաբացարկի միջնորդություն կներկայացնեն

Մայիս 20, 2019 20:55 Կալանքը փոխելու վերաբերյալ դատարանի որոշումը բողոքարկվելու է։