ՀԱՊԿ գլխավոր քարտուղարի նշանակման հարցը կորոշվի մայիսի 22-ին՝ ՀԱՊԿ անդամ երկրների արտաքին գործերի նախարարների խորհրդի նիստում: Այս մասին հայտնել է կազմակերպության գլխավոր քարտուղարի պաշտոնակատար Վալերի Սեմերիկովը, գրում է БЕЛТА-ն։

Նրա խոսքով՝ մայիսի 17-ին կկայանա ՀԱՊԿ-ի Մշտական խորհրդի արտահերթ նիստը, որում առաջարկներ կպատրաստեն ԱԳ նախարարների խորհրդի նիստում ներկայացվելու համար: ԱԳ նախարարները երկրների ղեկավարներին կառաջարկեն թեկնածությունները։

Սեմերիկովի խոսքով՝ կքննարկվի Բելառուսի ներկայացուցիչ, երկրի Անվտանգության խորհրդի գլխավոր քարտուղար Ստանիսլավ Զասի թեկնածությունը:

Աղբյուրը՝ yerevan.today