Հարցազրույց

Հունիս 12, 2019 18:34

Գլխավոր դատախազը մոլորեցնում է՝ հղում կատարելով ՄԻԵԴ–ի պրակտիկային. Սարգիս Գրիգորյան

Գլխավոր դատախազը մոլորեցնում է՝ հղում կատարելով ՄԻԵԴ–ի պրակտիկային. Սարգիս Գրիգորյան

NEWS.am-ի հարցին պատասխանում է GPARTNERS իրավաբանական գրասենյակի գործընկեր Սարգիս Գրիգորյանը։

Այսօր, Գլխավոր դատախազը հայտարարեց, որ չնայած փաստ չկա, որ Ռոբերտ Քոչարյանը խոչընդոտել է քրեական գործի քննությանը, բայց կա դրա հավանականությունը, խնդրում եմ մեկնաբանեք այդ հայտարարությունը:

Մարդու իրավունքների եվրոպական դատարանը ունի երկու ուղենշային գործ, որոնք հստակ սահմանում են այն իրավական հիմքերը, երբ կալանավորումը ընտրվում է որպես խափանման միջոց, օրինակ` Bykov v. Russia (no. 4378/02, 2009թ.) կամ Mamedova v. Russia (no. 7064/05, 2006թ.) գործերը: Այդ վճիռներով Ստրասբուրգի դատարանը սահմանել է, որ ձևական / ընդհանուր / վերացական հղումները մեղադրանքի ծանրության, մեղադրյալի թաքնվելու կամ արդարադատության ընթացքին խոչընդոտելու հավանականության վերաբերյալ բավարար հիմքեր չեն։ Ավելին, մեկ այլ գործով Դատարանը սահմանել է, որ պետք է առկա լինեն կոնկրետ փաստեր կոնկրետ գործի շրջանակներում, առ այն, որ մեղադրալը փորձ է կատարել թաքնվելու քրեական վարույթն իրականացնող մարմնից կամ խոչընդոտելու դատարանում գործի քննությանը (Aleksanyan v. Russia, no. 46468/06, 2008թ.)։

Ավելին, ապացուցման բեռը դատարանում կրում է մեղադրողը։ Բայց, այսօր Գլխավոր դատախազը հայտարարեց, որ փաստեր չկան, որ Ռոբերտ Քոչարյանը կատարել է որևէ փորձ կամ գործողություն խոչընդոտելու քրեական գործի քննությանը։

Այսպիսով, կալանավորումը` որպես խափանման միջոց, չի կարող կիրառվել հավանականության տեսություներից ելնելով, որը ակնհայտորեն հակասում է ՄԻԵԴ-ի նախադեպային իրավունքին։

Ստրասբուրգի դատարանը նաև արձանագրել է Labita v. Italy գործով (no. 26772/95, 2000թ.), որ համապատասխան հանգամանքները կարող են փոփոխվել ժամանակի ընթացքում, և խափանման միջոց կիրառելու անհրաժեշտությունը պետք է պարբերաբար վերանայվի դատարանների կողմից:

Հստակ է, ինչպես անցած տարի այնպես էլ առ այսօր որևէ փաստեր առկա չեն, որ Ռոբերտ Քոչարյանը փորձ է կատարել թաքնվել քրեական վարույթն իրականացնող մարմնից կամ խոչընդոտել դատարանում գործի քննությանը։

Սկսած 2013 թվականից` Եվրոպայի խորհրդի պառլամենտական վեհաժողովը իր մի շարք հաշվետվություններում և առաջարկություններում հորդորում է անդամ երկրներին քայլեր ձեռնարկել, որ դատարաններում կալանքի որոշումներ կայացնելը չվերածվի, այսպես կոչված rubberstamping (ռետինե դրոշմակնքելու) գործընթացի։

Կարծում եմ Հայաստանի կարիք ունի ավելի համակարգային հարմոնիզացնել ներպետական օրեսնդրությունը ՄԵԻԴ-ի պրակտիկային

Վերջում ուզում եմ հավելել, որ Գլխավոր դատախազի հայտարարությունների մեջ տեսնում եմ նաև Մարդու իրավունքների եվրոպական կոնվենցիայի 18-րդ հոդվածի խախտում, այսինքն`փորձ է կատարվում մեղադրողի կողմից ազատությունից զրկել Ռոբերտ Քոչարյանին «այլ նպատակների» համար…

Այս խորագրի վերջին նյութերը

«ՀՀ դիվանագիտական ներկայացուցչությունները հրահանգավորված զրպարտություններ են տարածում իմ մասին». Դավիթ Շահնազարյան

«ՀՀ դիվանագիտական ներկայացուցչությունները հրահանգավորված զրպարտություններ են տարածում իմ մասին». Դավիթ Շահնազարյան

Հունիս 19, 2019 20:22 Այս իշխանությունները ոչ մի բնագավառում որևէ դրական արդյունքի չեն հասել։
Ի՞նչ ճնշման կարող էր չդիմանալ նախագահը.  Արփինե Հովհաննիսյան (տեսանյութ)

Ի՞նչ ճնշման կարող էր չդիմանալ նախագահը. Արփինե Հովհաննիսյան (տեսանյութ)

Հունիս 17, 2019 21:45 «Lեգիտիմության թուղթը» Նիկոլ Փաշինյանը տեսել էր։
«Դա ապատեղեկատվություն է»․ МГИМО-ի պրոռեկտոր

«Դա ապատեղեկատվություն է»․ МГИМО-ի պրոռեկտոր

Հունիս 16, 2019 13:57 ՀՀ երկրորդ նախագահի գրասենյակն այդ հրավերի հետ որևէ առնչություն չի ունեցել։
«Գազի գնի հարցում Փաշինյանի մոտ կան պատրանքներ». Մարտինով

«Գազի գնի հարցում Փաշինյանի մոտ կան պատրանքներ». Մարտինով

Հունիս 13, 2019 10:21 «Նվիրվածությունը վաճառել՝ շանտաժի ենթարկելով»։
Գլխավոր դատախազը մոլորեցնում է՝ հղում կատարելով ՄԻԵԴ–ի պրակտիկային. Սարգիս Գրիգորյան

Գլխավոր դատախազը մոլորեցնում է՝ հղում կատարելով ՄԻԵԴ–ի պրակտիկային. Սարգիս Գրիգորյան

Հունիս 12, 2019 18:34 Կալանավորումը չի կարող կիրառվել հավանականության տեսություներից ելնելով։
«Հայ-ռուսական հարաբերությունների գլխավոր խնդիրը հայտնի է»․ Կոլերով

«Հայ-ռուսական հարաբերությունների գլխավոր խնդիրը հայտնի է»․ Կոլերով

Հունիս 12, 2019 13:48 Քաղաքական մոտիվացված արդարադատություն։
«Կարճ ժամանակ անց սևի ու սպիտակի տեխնոլոգիան աշխատելու է վարչապետի դեմ». քաղտեխնոլոգ

«Կարճ ժամանակ անց սևի ու սպիտակի տեխնոլոգիան աշխատելու է վարչապետի դեմ». քաղտեխնոլոգ

Հունիս 09, 2019 09:37 Վարչապետի մոտ մոլուցք է դարձել՝ ամեն ինչի մեջ դավադիրներ փնտրելը։
Փաշինյանին ձեռք է տալիս կառավարելի քաոս ստեղծելը. Շահնազարյան (տեսանյութ)

Փաշինյանին ձեռք է տալիս կառավարելի քաոս ստեղծելը. Շահնազարյան (տեսանյութ)

Հունիս 05, 2019 22:20 Պետք է ձևավորվի լուրջ այլընտրանք այս իշխանությանը:
«Սա ճանապարհ է դեպի ոչ մի տեղ»․ Վիկտոր Սողոմոնյան (տեսանյութ)

«Սա ճանապարհ է դեպի ոչ մի տեղ»․ Վիկտոր Սողոմոնյան (տեսանյութ)

Հունիս 05, 2019 14:50 Իշխանություններն անլուրջ քաղաքականություն են վարում։