Համաձայն Ամերիկայի Հայ դատի հանձնախմբի տարածած հաղորդագրության՝ ԱՄՆ նախագահ Բարաք Օբաման ներկայացրել է 2013թ. բյուջեի նախագիծը, որում կոչ է արել 19%–ով կրճատել Հայաստանին հատկացվելիք տնտեսական օգնության չափը:

«Օբաման 2013թ. բյուջեի նախագծում առաջարկել է 27,219,000 դոլար տնտեսական օգնություն տրամադրել Հայաստանին, ինչը, փաստորեն, 32%–ով քիչ է 2012թ. բյուջեով նախատեսված տնտեսական օգնության չափից (նախորդ տարի այն 40 մլն դոլար էր)»,–նշված է Հայ դատի հանձնախմբի տարածած հաղորդագրության մեջ։

Միաժամանակ նշվում է, որ  2013թ. Տնտեսական օժանդակության հիմնադրամում, ինչպես որ նախկինում, ներառված չեն Թմրամիջոցների և իրավակարգի նկատմամբ միջազգային վերահսկողության ծրագրի շրջանակում ԱՄՆ-ի` Հայաստանին հատկացվելիք 2, 824, 000 դոլար և Առողջապահության համաշխարհային ծրագրերի շրջանակում հատկացվելիք 2, 500, 000 դոլար օգնությունը:

«Օբամայի վարչակազմն առաջակել է այս տարի 19%–ով կրճատել Հայաստանի օգնության չափը` չնայած Թուրքիայի և Ադրբեջանի շրջափակումից բխող կործանիչ հետևանքներին և Աֆղանաստանում, Իրաքում, Կոսվոյում ամերիկյան առաքելություններին և Վաշինգտոնի տարածաշրջանային նախաձեռնություններին Հայաստանի աջակցությանը»,-ասել է Ամերիկայի Հայ դատի Վաշինգտոնի գրասենյակի ղեկավար Արամ Համբարյանը:

ԱՄՆ 2013թ. բյուջեի նախագծում Հարավային Կովկասի երկրներին առաջարկվող օգնության չափը հետևյալն է.

Տնտեսական օժանդակության հիմնադրամի շրջանակում 
 Հայաստանին`  $27,219,000
Ադրբեջանին`  $11,029,000
Վրաստանին`  $42,660,000

Օտարերկրյա ռազմական ֆինանսավորման շրջանակում
Հայաստանին` $2,700,000
Ադրբեջանին` $2,700,000
Վրաստանին` $14,400,000

Միջազգային ռազմական կրթության և ուսուցման շրջանակում

Հայաստանին` $600,000
Ադրբեջանին` $600,000
Վրաստանին` $1,800,000

 Թմրամիջոցների և իրավակարգի նկատմամբ միջազգային վերահսկողության ծրագրի շրջանակում
Հայաստանին` $2,824,000
Ադրբեջանին` $1,226,000
Վրաստանին` $4,000,000

Առողջապահության համաշխարհային ծրագրերի շրջանակում  
Հայաստանին` $2,500,000
Ադրբեջանին -------------
Վրաստանն` $4,000,000