Այս տարվա հունիսին Իրանում նավթի արդյունահանման ծավալը կտրուկ անկում է ապրել՝ կազմելով վերջին 20 տարիների համար նվազագույն ցուցանիշը: Այս մասին գրում է բրիտանական «The Financial Times» թերթը։  

Թերթի տվյալներով՝ հունիսին նավթի օրական միջին արդյունահանումնն ընկել է մինչև 3.2 մլն բարել։ Իրանում նման ցածր ցուցանիշ չի գրացվել 1992թ. ի վեր։ 2011թ. Իրանը միջին հաշվարկով օրական արդյունահանում էր 3.7 մլն բարել, իսկ 2000-ական թվականներին այդ ցուցանիշը կազմել է 4.2 մլն բարել:

Ակնկալվում է, որ արդեն հուլիսին նավթի օրական արդյունահանումը Իրանում կնվազի մինչև 1.1-1.3 մլն բարել։