Հայոց բանակի կազմավորման 21-րդ տարեդարձի առթիվ ՀՀ բարձրաստիճան պաշտոնյաները այսօր այցելել են Եռաբլուր:

Այն պահին, երբ Սերժ Սարգսյանի գլխավորությամբ բարձրաստիճան պաշտոնյաները ծաղկեպսկաներ էին դնում արցախյան հերոսամարտում զոհվածների շիրիմներին, նրանց մոտեցավ մի կին և խնդրեց, որ իրեն լսեն։ Այս մասին հաղորդում է Galatv.am-ը:

Սերժ Սարգսյանին կինը հայտնեց, որ ապրում է ծայրահեղ ծանր պայմաններում: Նախ թիկնապահները փորձեցին հեռացնել նրան ճանապարհից, սակայն կնոջը հաջողվեց մոտենալ, իսկ երբ կինը լացակումած պատմում էր իր ապրելակերպի մասին, Սերժ Սարգսյանը արձագանքեց. «Եկել ես ստեղ, լաց ես լինում, մեր տոնը խանգարում ես, որ ի՞նչ անես»:

Այդ պահին իրեն չկորցրեց ՀՀԿ-ական պատգամավոր Սամվել Ալեքսանյանը, ով կնոջը մեղադրեց ստախոսության մեջ. «Պարո՛ն նախագահ, ինքը սուտ ա խոսում»: