Րաֆֆի Հովհաննիսյանը Սերժ Սարգսյանի հետ հանդիպումից հետո «Ազատության» հրապարակում հայտարարել էր, որ այդ հանդիպմանը գնացել է Սերժ Սարգսյանի հրավերով և Հրանտ Բագրատյանի հորդորով։

Հիշեցնենք, որ նախագահական նստավայր Րաֆֆի Հովհաննիսյանի գնալուց առաջ գիշերը Հրանտ Բագրատյանը այցելել էր Ազատության հրապարակ և առանձնազրույց ունեցել «Ժառանգության» առաջնորդի հետ։ Բագրատյանը նաև ֆեյսբուքի իր էջում էր Սերժ Սարգսյանին և Րաֆֆի Հովհաննիսյանին բանակցությունների սեղանի շուրջը նստելու կոչ արել։

«7օր»–ը Հրանտ Բագրատյանից ցանկացել է ճտել, թե ինչո՞ւ է որոշել Րաֆֆին հորդորել հանդիպել Սերժի հետ՝ դա նրա անձնակա՞ն նախաձեռնությունն է, թե՞, հնարավոր է, նախագահականից են Բագրատյանին խնդրել որպես միջնորդ հանդես գալ։

Հրանտ Բագրատյանը, սակայն, հրաժարվել է պատասխանել մեր հարցին։

–Քաղաքական հարցերին չեմ պատասխանում,–ասել է նա։

Մեր հարցին, թե ե՞րբ է պատրաստվում պատասխանել, Բագրատյանը հայտարարել է.

–Երբ որ դրա ժամանակը գա։

7or.am