Համացանցում տարածված աղմուկ հանած տեսանյութում, որտեղ ԵՊՀ ռեկտորի օգնական, ՀՀԿ–ական Գևորգ Մելքոնյանը նախագահական ընտրությունները անվավեր ճանաչելու պահանջով դասադուլ հայտարարած ուսանողների դեմ «զորք» է հանում, երևում է նաև մի երիտասարդ։ Նա բողոքող ուսանողներից մեկի հետ լեզվակռվի մեջ է մտնում՝ ասելով.

«Լավ անելը ըտենց բան ա, հա՞, ըտենց ռազբիրատի ես հանում, հա՞, գնա՞նք խոսանք առանձին..., թեմատ հլը փոխի՛, հավաքի՛ հլը քեզ, վախացնեմ, կվախենաս..»։

Պարզվում է, որ այս երիտասարդը` Միհրան Հակոբյանը, ՀՀ վարչապետ Տիգրան Սարգսյանի օգնականն է։ Նա ՀՀԿ–ական է, 2004-2006թթ. եղել է ԵՊՀ Ուսանողական խորհուրդի նախագահ, 2006-2012թթ.՝ ԵՊՀ Ուսանողների հետ տարվող աշխատանքների բաժնի պետ, 2008թ. առ այսօր՝ ԵՊՀ Միջազգային հարաբերությունների և դիվանագիտության ամբիոնի դասախոս, 2009-2012թթ.՝ «ԵՊՀ Շրջանավարտների միավորում» հ/կ, նախագահի խորհրդական:

Զինապարտ է, շարքային: 2004թ. պարգևատրվել է «ԵՊՀ արծաթե», 2009թ.՝ «ԵՊՀ ոսկե» մեդալներով։

ՀՀ վարչապետի օգնական է 2011 թ. հոկտեմբերի 7-ից։

7or.am