Այսօրվա ասուլիսին առողջապահության նախարարի խորհրդական Ղուկաս Ուլիխանյանը նշել է, որ ՀՀ առողջապահության նախարարությունն ամեն օր դեղագործական շուկայում մոնիթորինգ էր իրականացնում, և արդեն երեկվանից դեղորայքի գները սկսել են ընկնել. «Մեծածախ ընկերությունները մի քանի շաբաթ չբարձրացրին գները: Դեկտեմբերի 18–ին արդեն սկսեցին իջեցնել»։

Ուլիխանյանի հավաստմամբ՝ դրամի արժեվորմանը զուգահեռ՝ դեղերի գները կիջնեն։

«Մեծ մասամբ դեղորայք գնած ընկերությունները հետո են վճարում գնած դեղերի դիմաց. դա է պատճառը, որ արդեն բերված դեղերը թանկացան», – նշել է բանախոսն՝ անդրադառնալով անհարկի թանկացումներին։

Նա հորդորել է ժողովրդին գնումներ չանել այն դեղատներից, որոնք շարունակում են բարձր պահել գները։

7or.am