Պահանջվում է իրական գերագույն հրամանատար

● Մեկնաբանություն

23.01.2015 ● 13:50

Պահանջվում է իրական գերագույն հրամանատար

Սահմանին արդեն օրական 2 զոհ ենք տալիս։ Պատերազմ չի, բա ի՞նչ է։ Եվ որտե՞ղ է երկրի գործող գերագույն հրամանատարի պաշտոնում հայտնված մարդը։ Չկա՛։ Այնպես, ինչպես չի լինում բոլոր լարված իրավիճակներում։ Այնպես, ինչպես չկար Գյումրիի դեպքերի ժամանակ։

Ցավակցական ինչ–որ խոսքեր մահացած զինծառայողների ընտանիքներին, հետմահու՝ պարգևատրումներ։ Սրանով ամփոփվում է պատերազմական դրության մեջ գտնվող երկրի իշխանությունը։ Այնպիսի տպավորություն է, կարծես թաղման բյուրո լինի...

Հայտարարվում է, թե իրավիճակը սահմանին վստահաբար վերահսկվում է։ Այսպե՞ս է վերահսկվում։ Սահմանին իրավիճակը կվերահսկվեր միայն այն դեպքում, երբ Հայաստանն այս աստիճան գաղջ վիճակում չգտնվեր ներսում, իսկ դրսում ընկալելի ու լսվող լիներ։ Իսկ անկապ հարցադրումը՝ «Ո՞ւր է նայում միջազգային հանրությունը», մի պատասխան ունի. միջազգային հանրությունը և առաջին հերթին Արևմուտքը պարզապես թքած ունեն իրավիճակի սրման վրա։ Նրանք բացառապես սեփական շահերով են առաջնորդվում։ Ավելին՝ նույն Եվրոպան այսօր ԼՂ հակամարտության շուրջ ակտիվորեն բանակցում է Ալիևի հետ, ով իր հերթին, ի տես ամբողջ աշխարհի, գնալով ինտենսիվացնում է ռազմական գործողությունները սահմանին։

Նայե՛ք Գերմանիայի կանցլեր Մերկելի հայտարարությունն Ալիևի հետ համատեղ ասուլիսին։ Արևմուտքը, հանուն իր շահերի և էներգետիկ ծրագրերի, բացահայտորեն պաշտպանում է սուլթանատի վերածված Ադրբեջանին։ Եվ պետք չէ դրա համար մեղադրել Արևմուտքին։ Ամեն սուբյեկտ իր շահն ունի։

Իսկ ի՞նչ է անում Սերժ Սարգսյանը... Ներսում լռում է, լավագույն դեպքում՝ իր անունից ծաղկեպսակներ ուղարկում, դրսում «և՛, և՛» խաղում, բայց ընկնում «կա՛մ, կա՛մ»–ի տակ՝ արհամարհվելով և՛ Արևմուտքի, և՛ Ռուսաստանի կողմից։

Կա՞ այսօր մեկը, ով կասկածում է, որ Հայաստանին օր առաջ անհրաժեշտ է իրական գերագույն հրամանատար...

Վախթանգ Մարգարյան

● Այս խորագրի վերջին նյութերը

«Ժողվարչապետի» հաշվետվությունը բրիտանական մամուլին

23.04.2024 ● 14:30

Փաշինյանը գիտի, որ ինքը դատվելու է, դրա համար էլ «մահապարտի» կարգավիճակով ձգտում է պահել իշխանությունը, իսկ եթե դա հնարավոր չէ, ապա կործանել Հայաստանը, որպեսզի իրեն դատող չլինի։

Ինչու է Նիկոլ Փաշինյանը տեղայնացնում Տավուշի խնդիրը

23.04.2024 ● 13:57

Որպեսզի տարածքային զիջումները կանգնեցվեն, պետք է փոխվի վարվող քաղաքականությունը։ Որպեսզի փոխվի քաղաքականությունը, պետք է իշխանափոխություն լինի։ Լուծումը սա՛ է։ Ուրիշ լուծում չկա։

«Ֆրիդոմ Հաուզի» օբյեկտիվության պատճառների մասին. Նիկոլին դեղում ու եղում են

19.04.2024 ● 16:24

Նիկոլին մղում են հակառուսական քայլերի: Նիկոլը համաձայնել է Հայաստանը մանրադրամ սարքել աշխարհաքաղաքական խաղերում: Ու որպեսզի հանկարծ մտքով չանցնի շեղվել այդ գծից, գլխին մահակ են պահում՝ «ժողովրդավարության հետընթաց» թեմայով:

Ինչ են ուզում անել Վրաստանի հետ

19.04.2024 ● 12:50

ԵՄ–ն հաչող տուզիկի կարգավիճակում է ուզում տեսնել Վրաստանին։ Հայաստանին էլ։ Նիկոլը համաձայնել է։ Վրաստանի իշխանությունը դիմադրում է։

Ալիևն ու Փաշինյանը վերջակետ դրեցին հակահայկական արարի 1-ին փուլին. ինչու ռուսական զորքը լքեց Արցախը

18.04.2024 ● 17:50

Հիմա Նիկոլն ու իր դրսի տերերն անցնում են գործողությունների երկրորդ փուլին՝ ռուսական զորքին Հայաստանից դուրս բերելուն: Դա նշանակում է, որ հայաթափում են նախատեսել արդեն Հայաստանի համար: Ինչպես Արցախում:

Ինչու էր Փաշինյանը հրահանգել Սամվել Վարդանյանի դեմ հանցագործություն իրականացնել

18.04.2024 ● 16:16

Նիկոլը հիմա սվինների վրա է նստած ու այդպես է պահում իշխանությունը: Բայց դե սվիների վրա հնարավոր չէ երկար նստած մնալ:

Բախումներ Կիրանցում. ոստիկանությունը բախումներ է հրահրել (տեսանյութ)

Քաղաքացիները փակել են Երևան-Սևան մայրուղու Հրազդանի հատվածը (տեսանյութ)

Թուրքերը Փաշինյանին աջակցող հանրահավաք են անցկացրել ԱՄՆ-ում (տեսանյութ)

● Մեկնաբանություն