Կոտայքի մարզի ընդհանուր իրավասության դատարանում դատավոր Վաղինակ Մկրտչյանը քիչ առաջ հրապարակել է դերասան Վարդան Պետրոսյանի գործով դատավճիռը։ Նա մեղադրվում էր 2013թ. հոկտեմբերի 20–ին Երևան–Եղվարդ ավտոճանապարհին տեղի ունեցած վթարի համար, որն անզգուշությամբ առաջացրել է երկու կամ ավելի մարդու մահ։

Դատարանը Վարդան Պետրոսյանին դատապարտել է 5 տարվա ազատազրկման՝ տրանսպորտային միջոցների վարումն արգելելով 2 տարով։

Հիշեցնենք, որ դատախազը պահանջել էր Վարդան Պետրոսյանին դատապարտել 6,5 տարվա ազատազրկման։

7or.am