20 մարդ է զոհվել, 36-ը՝ վիրավորվել Սինայի թերակղզու հյուսիսում՝ Էլ–Արիշ քաղաքում մի շարք գրոհների հետևանքով։ Այս մասին հաղորդել է Եգիպտոսի առողջապահության նախարար Թարեք Հաթերը։
Նախօրեին՝ ուշ երեկոյան, քաղաքը ցնցել են մի շարք պայթյուններ։ Երկու ական ընկել է Եգիպտոսի ԶՈւ հյուրանոցի վրա։ Այնուհետև մեքենա է պայթեցվել Անվտանգության վարչության մոտ։
Արաբական արբանյակային ալիքների տեղեկացմամբ էլ՝ զոհերի թիվը հասել է 25-ի։
Եգիպտոսի ԶՈւ պաշտոնական ներկայացուցիչ, ջոկատային գեներալ Մուհամմեդ Սամիրի հավաստմամբ՝ ներկայումս բանակը հետապնդում է զինյալներին։
Տեղեկացնում է «ՏԱՍՍ»–ը։