«Մալաթիա» բժշկական կենտրոնի վերակենդանացման բաժանմունքում գտնվող «Կասեցում» շարժման ակտիվիստ Արտակ Խաչատրյանը սկսել է դժվարությամբ խոսել։ Այս մասին «7օր»–ին հայտնել է նրա ընկեր Արման Թաթոսյանը։

–Բայց առանձնապես բան չէր հիշում, իրեն առևանգածների դեմքերը չի տեսել, չգիտի՝ ուր էին տարել,–հավելել է Ա. Թաթոսյանը։

Հիշեցնենք, որ փետրվարի 7–ին դիմակավորված անձինք առևանգել էին Արտակ Խաչատրյանին, իսկ ժամը 18:30-ի սահմաններում ծեծված, անգիտակից վիճակում նրան գցել էին իր տան դիմաց:

Երևանի քննչական վարչության Կենտրոն և Նորք մարաշ վարչական շրջանների քննչական բաժնում հարուցվել է քրեական գործ` Արտակ Խաչատրյանին առևանգելու դեպքի առթիվ:

7or.am